Hermes - 01.05.1970, Blaðsíða 23

ÚP
bölver ksöngvu m
mannsins er raun
um málminn að fjalla
svo fáist skýr myndin
orðið er líkt og upphaf
sem vex inn í lokin
óþola bið í skilning
og talning svo löng
upp sál mín svo fái heyrn mín
hlustað á blóðið renna
daglangt og náttlangt
í gegnum hœgan svefninn
vaxkenndur óttinn
útlimi hreyfir
um kliðkennt raddanna haf.
Ernir Snorrason.
LEIKHÚSFERÐIR
Síðastliðið haust var tekin upp sú nýbreytni í
starfsemi NSS að koma á fót föstum leikhús-
ferðum, þannig að félögum NSS og gestum
þeirra, var gefinn kostur á að kaupa afsláttar-
kort að 6 sýningum Þjóðleikhússins á leikárinu.
Var 25% afsláttur veittur og 3ja sýning á hverju
verki valin.
Fékk þetta góðar undirtektir og þátttaka varð
mjög góð, eða um 140 manns.
Verkefnaval Þjóðleikhússins var að þessu
sinni forvitnilegra en oft áður. Fyrst var Fjaðra-
fok Matthíasar Jóhannessen, sem olli töluverðu
fjaðrafoki eins og menn muna. Næst var Betur
má ef duga skal, eftir Peter Ustinov, og fékk það
lof gagnrýnenda, sem og annarra, en sama er
ekki hægt að segja um verk Mozarts, Brúðkaup
Figarós, sem kom þó sem sending af himni fyrir
saumaklúbba og slúðurdálkahöfunda. í sannleika
sagt var ekki um annað rætt í heilan mánuð, og
athyglin beindist að starfssviði Þjóðleikhússtjóra
og hans ráðgefandi mönnum, og hvort endur-
skoðunar væri ekki þörf á reglum Þjóðleikhúss-
ins í heild .Sömuleiðis beindist athyglin að gagn-
rýnendum, hæfni þeirra og hlutverki. Síðan var
Gjaldið eftir Arthur Miller sýnt. Því næst Piltur
og stúlka eftir Jón Thoroddsen. Lestina rak svo
Mörður Valgarðsson, eftir Jóhann Sigurjónsson,
og var það afmælisverkefni Þjóðleikhússins.
Að hausti er ætlunin að halda þessu áfram með
sama sniði, nema hvað að líkindum verður 2.
sýning fyrir valinu vegna þess að hún ber oftar
upp á helgi. Sævar Sigurgeirsson.