Hermes - 01.05.1970, Blaðsíða 28

Hofstaðasel í Viðvíkursveit í Skagafirði.
stjóraskipti og mér líkaði ekki og hætti þar. Þá
setti Jón mig í Sambandið í Sjávarafurðadeild.
Þar var ég um tíma, gerði ekki neitt og leiddist
mikið, en það var mér til láns, að einhver fót-
brotnaði þarna og ég fékk að gera eitthvað. Síðan
fór ég í Kron og þaðan norður á Krók til að
kynnast fyrirmyndarlandbúnaðarkaupfélagi.
— Og þar kynntist þú þínum betri helmingi?
— Já, þá kynntist ég frúnni — sem síðar varð.
— Og ef við kynntum hana fyrir lesendum.
— Já með ánægju. Hún heitir Elínborg Bessa-
dóttir frá Kýrholti í Viðvíkursveit og vann á
Króknum um þessar mundir.
— Síðan heldur þú áfram náminu?
— Já, ég fór í Samvinnubankann í nóv. Það
seig alltaf á ógæfuhliðina fyrir kaupfélaginu á
Akranesi og því var innlánsdeildin tekin út úr
og sett upp útibú frá bankanum í einum grænum.
Ég fór þarna upp eftir ásamt Sigmundi Arngríms-
syni og hann var þar einn dag að setja upp úti-
búið með mér og síðan vann ég þarna sem banka-
maður nokkurn tíma. Ég fór aftur í bankann í
Reykjavík en um jólin árið eftir veiktist Sveinn
Guðmundsson bankastjóri og ég fer á ný upp
eftir og er þar aðalmaður til vorsins, er Sveinn
kemur á ný til starfa. Þá var ég kominn út úr
þessu framhaldsnámi, Jón Arnþórsson farinn út
í lönd og ég orðinn leiður á þessu. Það var mikið
álag á mér þennan tíma á Akranesi. Ekkert var
að gera í Sambandinu eða í bankanum eftir að
Sveinn kom og ég orðinn helv. ræfill, svo ég
breyti til og fer í kaupavinnu austur á Rangár-
velli — í kartöflurækt og fleira.
— Þarna verða þáttaskil hjá þér?
— Já, þetta var nú bara út í loftið, en ég var
að hugsa um að komast út til að leika mér og líta
í kringum mig. Var búinn að ráða mig á minkabú
einhvers staðar í Oslófirðinum. En í þess stað
lendi ég norður á Akureyri hjá KEA og þar er
ég um sumarið. Þessa vinnu hefði ég ekki átt
að þiggja, því mér fannst leiðinlegt á Akureyri.
Ekki það, að Akureyri væri leiðinlegur staður