Hermes - 01.05.1970, Blaðsíða 44
Gluggað
I gömul blöð
Fyrir nokkru bárust blaðaútgáfumál Samvinnu-
skólanema í tal við Gísla Kristjánsson skrifstofu-
stjóra í Prentsmiðjunni Eddu, en hann er gamall
nemandi úr Samvinnuskólanum. Sagðist Gísli
þá eiga í fórum sínum nokkur gömul skólablöð
og bauðst til að lána þau til yfirlestrar, og var
það þakksamlega þeg'ið.
Ekki er að orðlengja það, að lestur þessara
skólablaða var hinn forvitnilegasti, og væri
vissulega tilefni til að rekja efni þeirra. Það
verður þó ekki gert að neinu marki nú. Hins
vegar verður freistað þess að rekja mikla átaka-
sögu, sem opinberaðist á síðum þessara blaða.
Hverfum nú til haustsins 1943.
Á fundi í skólafélaginu var borin fram tillaga
þess efnis, að sett yrðu ákvæði um það í lög
skólafélagsins, að skólablaðið, sem þá hét Hug-
inn, yrði prentað í stað þess að vera handskrifað,
eins og verið hafði fram til þessa. Flutnings-
menn þessarar tillögu voru tveir nemendur, sem
höfðu hafið nám þá um haustið.
Ekki fékkst þessi tillaga samþykkt, en þess í
stað var samþykkt heimild til handa ritstjóra
Hugins að láta prenta blaðið, ef fjárhagur leyfði.
Ritstjóri, sem þá var Hannes Jónsson nú félags-
fræðingur, vildi svo nota þessa heimild og ráðast
í útgáfu prentaðs blaðs, en þá var við stjórn
skólafélagsins að eiga. Var talið, að blaðið mundi
ekki bera sig fjárhagslega og svo yrðu ritsmíðar
nemenda e. t. v. ekki prentsvertunnar virði.
Þessu undu Hannes og félagar ekki, heldur
stofnuðu sérstakt útgáfufélag, sem var gefið
nafnið sf. Bjallan, og átti að hafa að markmiði,
að gefa út prentað blað á vegum nemenda, sem
og varð raunin á. Stóð útgáfa þessa blaðs undir
sér og skilaði kr. 0.25 í arð til hvers hluthafa.
Næst gerðist það í þessum málum, að Bjöllu-
menn hugðust gefa út annað blað og helmingi
stærra vegna tuttugu og fimm ára afmælis Sam-
vinnuskólans. Hafði útgáfufélagið komizt að hag-
stæðum samningum við Eddu um prentun, og
auk þess fengið loforð fyrir nokkrum auglýsing-
um. En nú mæltist stjórn skólafélagsins til þess,
að hætt yrði við fyrirhugað blað af Bjöllunni,
en í þess stað gefið út veglegt prentað afmælis-
blað af Hugni. Um þetta tókust svo samningar,
og gengið var inn í þá samninga, sem Bjallan sf.
hafði gert.
Sem ritstjóri Hugins ritstýrði Hannes þessu
blaði og rakti m. a. sögu þessa máls frá sínum
sjónarhóli. Einnig skrifaði hann grein, sem
nefndist „Sönn menntun eða yfirborðsmenntun“,
og í þeirri grein voru þó nokkrir af þáverandi
nemendum grunaðir um að vera yfirborðsmenn,
sem aðeins sæktu skólann til þess að fá falleg
prófskírteini, og af því að pabbi og mamma höfðu
sagt þeim að fara í skólann. Fór ekki hjá því,
að vissir aðilar tækju þessi skrif til sín.
Nú fór ritstjóri Hugins fram á það ásamt 13
öðrum á félagsfundi, að framlengd yrði heimild
til að gefa út prentuð blöð af skólablaðinu. Hitn-
aði nú verulega í kolunum. Gerð var breytingar-
tillaga við þessa tillögu þess efnis, að skipuð yrði