Morgunblaðið - 02.03.2012, Blaðsíða 12

12 FRÉTTIRInnlent
MORGUNBLAÐIÐ FÖSTUDAGUR 2. MARS 2012
Ingveldur Geirsdóttir
ingveldur@mbl.is
Friðrik Höskuldsson stýrimaður hef-
ur sent frá sér afsökunarbeiðni
vegna könnunar sem hann gerði á
miðvikudaginn á skráðri þyngd og
raunverulegri þyngd nokkurra mat-
vörutegunda. Friðrik birti niðurstöð-
urnar á Facebook-síðu sinni og vöktu
þær mikla athygli. Hann komst að
þeirri niðurstöðu að hann hefði of-
greitt nokkuð miðað við uppgefna
þyngd matvaranna og raunþyngd
þeirra. „Samkvæmt þessu var ég
snuðaður um 1.421 krónu á íslensku
vörunum, en fékk þó 546 krónur til
baka af þeim erlendu,“ skrifaði Frið-
rik.
Friðrik sendi frá sér tilkynningu
vegna málsins í gær þar sem hann
baðst afsökunar á færslunni. Hann
vigtaði vörurnar aftur á annarri vigt
og komst að því að þyngdirnar/vigt-
irnar voru innan skekkjumarka.
Hann biður alla viðkomandi afsökun-
ar en biður samt fólk um að halda
vöku sinni yfir málefninu, það væri
brýnt.
40% sýnanna féllu í fyrra
Neytendastofa hefur eftirlit með
að uppgefin þyngd matvara sé í sam-
ræmi við raunverulega þyngd þeirra.
Guðmundur Árnason, sviðsstjóri á
mælifræðisviði Neytendastofu segir
að þar á bæ muni þau áfram fylgjast
með hvort rétt er vigtað.
„Við vorum að skoða þetta í fyrra
og við munum skoða þetta áfram. Í
fyrra gerðum við þrjár kannanir þar
sem 25 vörutegundir voru skoðaðar.
Þar var útkoman ekki alveg nógu góð
því 40% sýnanna féllu og það er allt
of mikið.“
Guðmundur segir að þessi umræða
sem Friðrik kom af stað um
muninn á skráðri þyngd
og raunverulegri þyngd
matvara gæti orðið til
góðs. „Nú vilja fyrirtæk-
in kannski fá okkur til að
hreinsa sig, en áður voru
þau ekkert spennt fyrir
því. Það er mikið léttara
að gera þessar kannanir
inni á gólfi hjá framleið-
andanum og ódýrara, þá
þurfum við ekki að kaupa
vörurnar úti í búð og
eyðileggja þær. Ég
hugsa að við heimsækj-
um Mjólkursamsöluna
því nú hafa þeir kallað
eftir okkur. Það er ekki
oft sem við fáum boð frá
framleiðendum um að koma,“
segir Guðmundur.
Brýnt að fólk
haldi vöku sinni
 Biðst afsökunar á röngum útreikningi á vigt matvara
Morgunblaðið/Golli
Á verði Neytendur þurfa að vera vakandi fyrir réttri verðmerkingu á vörum. Í fyrra kannaði Neytendastofa hvort
uppgefin þyngd á matvörum væri í samræmi við raunverulega þyngd og í 40% tilvika stóðst það ekki.
Björn Jóhann Björnsson
bjb@mbl.is
Flutningabílstjórar eru margir hverj-
ir ósáttir við minnkandi vetrarþjón-
ustu Vegagerðarinnar á þjóðvegi 1.
Kvarta þeir sérstaklega undan skorti
á hálkuvörn og snjómokstri núna eftir
áramótin, sérstaklega síðdegis og á
kvöldin þegar þjónusta er þó sögð til
staðar. Lýkur henni yfirleitt kl. 10 á
kvöldin. Vegagerðin ræður verktaka í
þessi verkefni en sinnir eftir sem áður
eftirliti og stjórnun á því hvenær er
mokað og hve mikið. Ber Vegagerðin
við fjárskorti þegar minnkandi vetr-
arþjónusta er gagnrýnd.
Þjóðvegurinn um Húnavatnssýslur
er m.a. nefndur í þessu sambandi en í
fyrradag urðu þar óhöpp sem rekja
má til mikillar hálku og lítilla hálku-
varna. Þannig fór einn flutningabíll út
af í brekkunni við Laugarbakka í
Miðfirði, lenti þversum á veginum og
lokaði honum um tíma. Um svipað
leyti fór fólksbíll út af skammt vestan
við Víðigerði og þá lenti olíubíll í
vandræðum upp Vatnsskarðið fyrr
um daginn.
„Mætti vera betra“
Að sögn Kristjáns Þorbjörnssonar,
yfirlögregluþjóns á Blönduósi, hafa
allnokkur óhöpp orðið á þeirra svæði
síðustu daga og vikur, þegar hálkan
hefur verið hvað mest. Hann segir
hálkuvörnina mega vera mun betri en
eftir óhappið í Miðfirði í fyrrakvöld
kallaði lögreglan út verktaka hjá
Vegagerðinni til að hálkuverja og
hreinsa vegina.
„Það er ekki ofsagt að dregið hefur
úr þjónustu á vegunum. Eins og veðr-
ið hefur verið að undanförnu, á mót-
um frosts og hita, þá hefur verið mikil
þörf fyrir hálkuvörn að kvöldi til, þeg-
ar frystir eftir daginn,“ segir Kristján
en leggur áherslu á að minni vetrar-
þjónusta á vegunum sé bara ein birt-
ingarmynd sparnaðar hjá hinu opin-
bera. Það þekki lögregluembættin
mjög vel.
Hinrik Máni Jóhannesson, bílstjóri
hjá Eimskip-Flytjanda, var á ferðinni
um Húnaþing er óhappið varð í Mið-
firði. Hann segist ekki hafa orðið var
við nein moksturstæki frá verktökum
Vegagerðarinnar og sömu sögu hafi
starfsbræður sínir að segja sem leið
áttu þarna um frá kl. sjö um kvöldið
til tíu. Stórhríð var um tíma og
skyggni lítið og hafði mikil hálka
myndast þegar tók að kólna eftir sól-
bráð fyrr um daginn.
„Við finnum mikinn mun á vetrar-
þjónustunni frá því sem áður var.
Húnavatnssýslurnar hafa verið sér-
staklega slæmar að undanförnu og
hálkan verið mikil, sér í lagi þegar líð-
ur á kvöldið. Þegar við bendum á
þetta fáum við alltaf sömu svörin, að
það séu ekki til fjármunir til að bæta
þjónustuna,“ segir Hinrik.
„Vandrataður meðalvegurinn“
Þorvaldur Böðvarsson, rekstrar-
stjóri Vegagerðarinnar á Hvamms-
tanga, segir skort á fjármagni gera
það að verkum að vetrarþjónustan sé
ekki eins og hún ætti að vera. Yfirleitt
séu þeir á ferðinni til klukkan hálftíu
á kvöldin en á miðvikudag hafi þeir
hætt um sexleytið, í ágætisveðri. Síð-
an hafi fennt um áttaleytið, í litlu
frosti, og hálka myndast. Erfitt geti
verið að ráða við aðstæður þegar
snöggar breytingar verða á veðri og
færð, ekki síst eftir að vinnudegi
þeirra lýkur.
Þorvaldur segir að margoft sé búið
að óska eftir meiri fjármunum í vetr-
arþjónustuna. „Á meðan reynum við
að halda kostnaði niðri en það er
vandrataður meðalvegurinn og ekki
alltaf allir ánægðir þegar svo er,“ seg-
ir hann.
Minni vetrar-
þjónusta og
fleiri óhöpp
 Bílstjórar ósáttir við Vegagerðina
Ljósmynd/Vefmyndavél Vegagerðarinnar
Óhöpp Olíubíll fór út af í mikilli
hálku á Vatnsskarði í fyrradag.
Leigugjald sem ríkislögreglustjór-
inn innheimtir hjá lögregluemb-
ættum landsins hefur verið hækkað.
Gjaldskrá fyrir nýrri bíla hækkar
um 10-18% og 6-12% fyrir eldri bíla.
Ríkislögreglustjórinn starfrækir
bílamiðstöð sem annast rekstur allra
lögreglubifreiða á landinu. Lög-
regluembættin greiða upphæð á
hvern ekinn kílómetra til að standa
undir rekstri bílanna og endurnýjun
flotans.
Fram kemur í tilkynningu til lög-
regluembættanna að bensínlítrinn
hafi hækkað um 48,60 krónur frá því
gjaldskrá lögreglubifreiða var síðast
breytt, í maí 2010. Einnig hafi orðið
hækkanir á varahlutum og vinnu við
viðhaldsþjónustu. Ríkislög-
reglustjórinn segir að þessu hafi
verið mætt með auknu aðhaldi og
endurskipulagningu. Eigi að síður
vantaði 40 milljónir upp á að leigu-
tekjur bílanna stæðu undir kostnaði
á seinni hluta síðasta árs.
Telur ríkislögreglustjórinn nauð-
synlegt að hækka gjaldskrá vegna
lögreglubílanna verulega. Taxti
yngri lögreglubílanna hækkar um
10-18% en þeirra eldri um 6-12%.
Hvatt til hagræðingar
Taxtinn er afar mismunandi eftir
bílum, frá 84 kr. á kílómetra og upp í
333 krónur. Samkvæmt upplýs-
ingum Jónasar Inga Péturssonar
sem hefur umsjón með bílamiðstöð-
inni byggist gjaldskráin á raunveru-
legum rekstrarkostnaði ökutækja í
einstökum flokkum. Kostnaður
vegna nýrri ökutækja hafi hækkað
meira en við þau eldri.
Gjaldskráin gildir frá upphafi árs.
Ríkislögreglustjórinn hvetur lög-
reglulið til þess að huga að samsetn-
ingu ökutækja og athuga úrræði til
að lækka rekstrarkostnað.
Hallinn sem myndaðist í fyrra
dregst frá fjárveitingum til annarra
verkefna. Vegna þess hefur emb-
ættið óskað eftir því að Fjársýsla
ríkisins taki að sér bókhalds- og
greiðsluþjónustu vegna lögreglu-
bifreiða. helgi@mbl.is
Kostnaður við lögreglu-
bíla hækkar um 10-18%
Lögregla Embættin þurfa að hag-
ræða til að mæta auknum kostnaði.
 Dýrara bensín
og viðgerðir
Mjólkursamsalan sendi frá sér
tilkynningu vegna málsins í gær
þar sem kom fram að öll vöru-
vigtun MS væri í samræmi við
reglur, þar sæti allar fram-
leiðsluvörur lögbundnu daglegu
vigtaeftirliti og öll vörupökkun
framkvæmd í samræmi við
opinberar reglur með löggilt-
um vogum. MS gerði vigtaú-
tekt í gærmorgun þar sem
allar vörur voru innan marka
um leyfileg frávik. Sam-
kvæmt reglugerð nr. 503 frá
2005 um merkingu matvæla
mega frávik vera 2% í vörum
sem eru meira en 500 g og
5% í vörum sem eru léttari
en 500 g.
Einar Sigurðsson, for-
stjóri MS, segist ætla að
setja sig í samband við Neyt-
endastofu til að láta sann-
reyna það sem kom fram við
mælingar fyrirtækisins.
Vigtun í sam-
ræmi við reglur
MJÓLKURSAMSALAN
Bæjarlind 6, Kópavogi, sími 517 6067. Opið mán. - fös. 10 -18, laug. 11-16.
Útsalan
stendur
aðeins frá
2.-10. mars
ÚTSALA
Á HREINLÆTISTÆKJUM AÐ
BÆJARLIND 6 KÓPAVOGI
Handlaugar
WC
Innréttingar
KOMDU
OG GERÐU
GÓÐ KAUP