Morgunblaðið - 02.03.2012, Blaðsíða 27

einhverjum hætti. Gera svo eitthvað í
málinu og finna þannig hugsjónum
okkar gefandi farveg og lífi okkar til-
gang.
Stöndum saman vörð gegn ofbeldi,
kúgun og hvers konar misrétti. Styðj-
um þau með öllum tiltækum ráðum
sem hallar á sökum fötlunar, fátækt-
ar, félagslegrar einangrunar eða ann-
ars misréttis.
Tvær gerðir af fólki
Það eru nefnilega til tvær gerðir af
vel meinandi fólki. Þau sem tala um
kærleikann og mannréttindi, fátæka
og sjúka, öryrkja og aldraða. Og svo
hinir sem gefa sér tíma til þess að
sinna þeim og tala við þá.
Væri ekki allt miklu þægilegra og
betra ef við bara stöðugt ræktuðum
með okkur listina að elska og þá
vandasömu en gefandi iðju að vera
vinir. Klappa hvert öðru á bakið og
leitast við að vera vinir?
Boðberar kærleikans
Því að boðberar kærleikans eru
jarðneskir englar sem leiddir eru í
veg fyrir fólk til að veita umhyggju,
miðla ást, fylla nútíðina innihaldi og
tilgangi og veita þannig framtíðarsýn
vegna tilveru sinnar og kærleiks-
ríkrar nærveru. Þeir eru jákvæðir,
styðja, uppörva og hvetja. Þeir sýna
hluttekningu og faðma, sýna nær-
gætni og raunverulega umhyggju, í
hvaða kringumstæðum sem er, án
þess að spyrja um endurgjald.
» Til eru tvær gerðir
af vel meinandi fólki.
Þau sem tala um kær-
leikann, mannréttindi,
fátæka og sjúka, ör-
yrkja og aldraða og svo
hin sem tala við þau.
Höfundur er rithöfundur.
UMRÆÐAN 27Bréf til blaðsins
MORGUNBLAÐIÐ FÖSTUDAGUR 2. MARS 2012
Húsnæðislaus maður sem hefur
þurft að gista í gistiskýli var fyrir
helgi sviptur því eina sem gaf honum
gleði í lífinu. Hann á hund, en vegna
reglna getur hann ekki haft hundinn
hjá sér á næturnar.
Hundurinn er vel hirtur af eig-
anda sínum sem greip til þess ör-
þrifaráðs að láta hundinn sofa í búri,
í bíl sínum. Eigandinn sér um að
hundurinn fái næga hreyfingu og
hann er geymdur í þurru og hlýju
búri með nægan mat og nægt vatn.
Lögreglan hafði tal af manninum
sem útskýrði stöðu sína og að hann
væri búinn að fá pláss fyrir hundinn í
sveit innan 1-2 daga. Og þetta virtist
ekki vera neitt vandamál hjá lögregl-
unni. Í síðustu viku þegar eigandinn,
sem er örorkulífeyrisþegi, kom úr
gistiskýlinu var hundurinn horfinn.
Hann var í lokuðu búri í læstum bíl
og hefur ekki komist út að sjálfs-
dáðum. Ekki sást að átt hefði verið
við bílinn.
Eigandinn hafði samband við lög-
reglu vegna þessa atviks. Þar fékk
hann þau svör að þetta væri ekki
lögreglumál. Innbrot í bíla væri ekki
lögbrot. Það sem eftir stendur er að
eigandinn er sviptur hundinum án
nokkurs fyrirvara.
Eigandanum tókst eftir mikla leit
að finna hundinn sem hundaeftirlits-
maður hafði komið með að Leirum.
Þar er honum sagt að hundurinn hafi
verið laus úti. En það fer tveim sög-
um af því hvar hundurinn hafi verið.
Nú er eigandanum gert að greiða
rúmlega 80.000 kr fyrir hundinn og
reikningurinn hækkar með hverjum
deginum.
Á örorkubótum á þessi maður ekki
mikla möguleika á því að greiða
þetta gjald. Alls staðar sem hann
hefur leitað hefur hann komið að lok-
uðum dyrum. Hvers á hann að
gjalda að fá þessa meðferð frá yfir-
völdum? Og síðan hvenær varð lög-
legt að brjótast inn í bíla og fjar-
lægja eigur annarra. Hvernig
lögreglan hefur brugðist við í þessu
máli er mikil hneisa. Ég hélt að
sömu lög gengju yfir alla borgara
þessa lands. En eftir þessu er það
ekki svo.
Ég hvet lögregluna og hundaeftir-
litið til að koma hreint til dyranna í
þessu máli og veita þessum manni þá
hjálp sem hann þarf á að halda.
Hundurinn er jú einn af bestu og
tryggustu vinum mannsins og þegar
maður stendur einn uppi er mikils
virði að eiga slíkan vin.
ÁRDÍS JÓNMUNDSDÓTTIR
OG ERLA GUÐMUNDSDÓTTIR,
Hlutverkasetri, Borgartúni 1,
Reykjavík.
Einelti vegna þjóðfélagsstöðu
Frá Árdísi Jónmundsdóttur
og Erlu Guðmundsdóttur
Hún lætur ekki mikið yfir sér sam-
þykkt borgarráðs frá 9. febrúar síð-
astliðnum en á þeim fundi undir
dagskrárlið númer 24 var eftirfar-
andi bókað:
„Lagt fram bréf sviðsstjóra
framkvæmda- og eignasviðs frá 2.
þ.m. þar sem óskað er heimildar til
að hefja vinnu við verkhönnun
vegna viðbyggingar við Klettaskóla
ásamt breytingum á eldra húsnæði.
Jafnframt lagt fram bréf sviðs-
stjóra skóla- og frístundasviðs frá
3. s.m. varðandi málið. Samþykkt.“
Fyrir meginþorra borgarbúa
skiptir þessi samþykkt sennilega
litlu máli en fyrir nemendur, kenn-
ara og annað starfsfólk Klettaskóla
þýðir þessi samþykkt að áratuga
barátta sé loks að skila árangri.
Klettaskóli er nýr sérskóli sem
starfræktur er í Reykjavík. Hann
tók til starfa haustið 2011 þegar
forverar hans, Safamýrar- og
Öskjuhlíðarskóli, voru sameinaðir.
Ákveðið var að þessi nýi sérskóli,
sem hlaut nafnið Klettaskóli, yrði
starfræktur í húsnæði Öskjuhlíð-
arskóla en sá skóli var starfræktur
frá árinu 1975, fyrst á vegum rík-
isins en við flutning alls reksturs
grunnskóla til sveitarfélaga tók
Reykjavíkurborg yfir reksturinn á
árunum 1996-1997 og núna er
Klettaskóli því einn af grunn-
skólum Reykjavíkur en hann er
sérskóli fyrir nemendur með það
sem nefnt er miðlungs, alvarlega og
djúpa þroskahömlun með eða án
viðbótarfatlana eða væga þroska-
hömlun og alvarlegar viðbótarfatl-
anir s.s. einhverfu, daufblindu og
fjölfötlun.
Þrátt fyrir að Öskjuhlíðarskóli
hafi starfað í full 35 ár þá tókst
aldrei að ljúka við byggingu skól-
ans og öll árin sem skólinn starfaði
þurftu nemendur m.a. að sækja
sund og aðrar íþróttir eitthvað ann-
að þar sem sú aðstaða var fyr-
irhuguð í þeim áfanga sem aldrei
var byggður við skólann auk þess
sem ýmislegt annað vantaði til þess
að skólinn gæti talist fullbyggður
og sambærilegur við aðra grunn-
skóla hvað aðbúnað snertir.
Þess vegna er það mikið gleðiefni
að á fyrsta starfsári nýs sérskóla
sameinast borgarstjórn í að veita
180 milljónum króna í fjárhags-
áætlun borgarinnar til fram-
kvæmda við skólann og fylgir því
síðan eftir með samþykkt sinni frá
9. febrúar þar sem tekin er ákvörð-
un um að heimila að hafinn verði
undirbúningur að 3.400 m² nýbygg-
ingu við skólann, sem byggð verði á
árunum 2012- 2015 og síðan í kjöl-
farið ráðist í endurbætur á eldra
húsnæði skólans. Ef þessar áætl-
anir ganga eftir og nægilegt fé
verður veitt á næstu árum til fram-
kvæmda við skólann verður lokið
við bygginguna á árinu 2016, rúm-
lega 40 árum eftir að fyrstu nem-
endurnir hófu þar nám.
Það má því segja að þessi ein-
falda bókun borgarráðs veki vænt-
ingar um stórkostlegar breytingar í
Klettaskóla og er það von allra sem
hlut eiga að þessu máli að sú sam-
staða sem tekist hefur um þetta
mál innan borgarstjórnar haldist og
nú verði lokið við byggingu þessa
mikilvæga sérskóla borgarinnar.
ÓLAFUR HILMAR
SVERRISSON,
faðir nemanda í 9. bekk
í Klettaskóla.
Nýbygging Klettaskóla rís
Frá Ólafi Hilmari Sverrissyni
Þrotabú Skjaldar ehf
auglýsir neðangreindar fasteignir til sölu
Hafnarstræti 19 (Rammagerðarhúsið)
Skrifstofu- og verslunarhúsnæði á 3 hæðum, auk kjallara
samtals 1.110 m2
Hafnarstræti 18
Skrifstofu- og verslunarhúsnæði á 2 hæðum auk kjallara,
samtals ca. 680 m2.
Hafnarstæti 17
Skrifstofu- og verslunarhúsnæði á 2 hæðum auk kjallara,
samtals ca. 700 m2.
Fasteignirnar eru staðsettar við Hafnarstræti 17,
18 og 19 í miðbæ Reykjavíkur. Eignirnar seljast í
því ástandi sem þær eru nú. Áskilinn er réttur til
að taka eða hafna hvaða tilboði sem er.
Tilboð sendist til skrifstofu skiptastjóra,
Jóhanns Baldurssonar hdl,
Ásvallagötu 28, 101 Reykjavík,
merkt þb. Skjaldar ehf, kt. 590269-7009.
Nánari upplýsingar veitir
skiptastjóri í síma 896-5020.