Morgunblaðið - 02.03.2012, Blaðsíða 17
FRÉTTIR 17Innlent
MORGUNBLAÐIÐ FÖSTUDAGUR 2. MARS 2012
Jóhanna Sigurðardóttir, forsætisráð-
herra, sagði á Alþingi í gær, að rík-
isstjórnin væri að skoða leiðir til að
koma til móts við þá lántaka fast-
eignalána sem verst eru staddir.
Jóhanna sagði einnig mikilvægt að
hraða þeim málum sem varða ágrein-
ing um lögmæti lána gegnum dóms-
kerfið.
Bjarni Benediktsson, formaður
Sjálfstæðisflokksins, spurði Jóhönnu
hvort hún ætlaði að beita sér fyrir því
að hraða meðferð þeirra mála sem nú
væru í dómskerfinu og vörðuðu lög-
mæti lána. Jóhanna sagði sjálfsagt að
skoða það og gera lagabreytingar ef
þörf er á. Það væri verið að skoða í
þingnefndum þær óleystu spurningar
sem upp komu í kjölfar gengislána-
dóms Hæstaréttar.
Hún sagði að rætt hefði verið um að
lögmenn kröfuhafa og lögmenn
þeirra sem gæti hagsmuna lántaka
kæmu saman til fundar til að ræða
leiðir til að flýta þessum málum.
Fram kom í gær, að efnahags- og
viðskiptaráðuneytið hyggst fá tvo
óháða lögfræðinga til þess að rýna í
álit lögmannsstofunnar Lex um lög-
fræðileg álitaefni vegna dóms Hæsta-
réttar í febrúar um gengislán. Sú
álitsgerð var unnin að ósk Samtaka
fjármálafyrirtækja.
Skoða leiðir til að koma til
móts við þá verst stöddu
Morgunblaðið/Árni Sæberg
Á Alþingi Alvarlegir þingmenn á svip hlusta á umræður um mikilvægt mál í Alþingishúsinu í gær.
Rætt um að lögmenn hlutaðeigandi komi saman til fundar
Fyrrverandi bæjarstjóri í Kópavogi,
Guðrún Pálsdóttir, verður samkvæmt
starfslokasamningi á bæjarstjóra-
launum í eitt ár frá 1. apríl og 1. sept-
ember mun hún taka við stöðu sviðs-
stjóra hjá sveitarfélaginu. Gamli
meirihlutinn hugðist sem kunnugt er
segja Guðrúnu upp störfum. Haf-
steinn Karlsson, bæjarfulltrúi Sam-
fylkingarinnar í Kópavogi, álítur að
kjörin séu betri en tilgreint sé í upp-
haflegum ráðningarsamningi Guð-
rúnar.
Ármann Kr. Ólafsson bæjarstjóri
sendi í gær frá sér svohljóðandi yf-
irlýsingu vegna máls Guðrúnar:
„Starfslokasamningur við Guðrúnu
Pálsdóttur, fyrrverandi bæjarstjóra,
grundvallast á þeim ráðningarsamn-
ingi sem fyrrverandi meirihluti gerði.
Ég taldi það skyldu mína að bærinn
næði sátt við Guðrúnu Pálsdóttur sem
á að baki 25 ára farsælan starfsferil
hjá sveitarfélaginu. Hún hafði mátt
þola óbilgjarna umræðu en nú hefur
náðst góð sátt um að hún haldi áfram
störfum hjá bænum.
Í ráðningarsamningi Guðrúnar
Pálsdóttur segir að laun bæjarstjóra
taki sömu breytingum og þingfarar-
kaup og þar sem kjararáð úrskurðaði
um hækkun frá 1. október bar að
hækka laun hennar. Lögfræðiálit um
launakjör hennar var unnið í tíð fyrr-
verandi meiri-
hluta. Það var
andsvar við sjón-
armiðum lög-
manns Guðrúnar
Pálsdóttur sem
fyrrverandi
meirihluti hafði
ákveðið að segja
upp störfum og
verður því að
skoða í því ljósi.
Hluti af sam-
komulaginu felur í sér útgreiðslu
ótekins orlofs, samkvæmt tímaskrán-
ingarkerfi bæjarins. Meginreglan er
sú að ótekið orlof er ekki greitt út en
fordæmi eru fyrir slíku við sérstakar
aðstæður og þær voru svo sannarlega
uppi í þessu máli.
Gagnrýni minnihlutans í bæjar-
stjórn á samkomulag við fyrrverandi
bæjarstjóra kemur úr hörðustu átt.
Til alls þessa var stofnað af þeirra
hálfu. Þau bera ábyrgð á ráðningar-
samningi og uppsögn bæjarstjóra.
Það var núverandi meirihluta að
greiða úr þeim flækjum og er ég
ánægður með að það skuli hafa tekist
í sátt við Guðrúnu Pálsdóttur.“
Ármann sagðist í samtali við Morg-
unblaðið í gær engu hafa við yfirlýs-
inguna að bæta né vildi hann tjá sig
um málið efnislega.
Mikilvægt að ná
sátt við fráfar-
andi bæjarstjóra
Ármann Kr. Ólafsson bæjarstjóri ver
starfslokasamninginn við forvera sinn
Ármann Kr.
Ólafsson
Hringdu eða
sendu okkur lí
nu
og fáðu fagleg
a
ráðgjöf
Öll teppin sem við bjóðum eru
afrafmögnuð, ofnæmisprófuð
og með óhreinindavörn.
Yfir 25 ára reynsla.
Mikið úrval.
·
·
·
Ármúla 32 · 108 Reykjavík · Sími 568 1888 og 533 5060 · parketoggolf.is · Þú finnur okkur líka á Facebook
Parket & gólf - Sérfræðingar í gólfefnum!
Slitsterk og endingargóð
teppi á stigaganginn þinn