Morgunblaðið - 03.03.2012, Blaðsíða 11

Þau hafa starfað saman frá 2001 og gáfu dúettinum sín-
um heitið Funi 2004 þegar þau gáfu út samnefndan disk.
Á námskeiðinu segist Bára ætla að kenna kvæðalög sem
hún hefur fundið í fórum Kvæðafélagsins Iðunnar og
víðar auk laga sem hún heyrði föður sinn, Grím Lár-
usson, góðan kvæðamann úr Vatnsdalnum, kveða. Hún
ætli að kenna textana, hvernig þeir séu sungnir, kveða
með gestum og leyfa þeim að spreyta sig í einsöng. Þá
segir Bára að hún fari í ýmsa fleiri bragarhætti en fer-
skeytluna, hlustað verði á upptökur gamalla kvæða-
manna og skreytingar þeirra í kveðskapnum. Hún segir
tvísöngsstemmur verða kveðnar og að Chris muni kynna
langspil og leyfa fólki að leika á það.
Íslensk og ensk þjóðlagahefð
Bára og Chris halda einnig tónleika á Kvæða-
mannamótinu þar sem þau ætla að syngja íslensk og
ensk þjóð- og kvæðalög, leika á langspil og íslenska
fiðlu. Bára segist alin upp við kveðskap og söng fjöl-
skyldunnar í Vatnsdalnum og hafa kynnt sér fjölbreyti-
legan þjóðlagaarf liðinna alda auk rímna og kvæðalaga.
Hún hefur sungið með Didda fiðlu, KK og Kristínu
Ólafsdóttur og fleiri listamönnum.
Chris Foster er frá Somerset í Englandi. Í þjóð-
lagavakningunni á Englandi um 1970 kynntist hann
enskum þjóðlagasöng og hefur lifað og hrærst í þjóð-
lagatónlistinni síðan. Chris ávann sér fljótt sess sem
þjóðlagaflytjandi og varð þekktur þjóðlagasöngvari.
Hann hefur unnið með mörgum þekktum listamönnum
og skapað sér sérstakan þjóðlagastíl.
Þjóðlagahefðin styrkt í sessi
Kvæðamannamótið á Siglufirði er haldið á vegum
ÞjóðListar,
Kvæðamannafélagsins Rímu í Fjallabyggð og Gefj-
unar á Akureyri. Guðrún Ingimundardóttir, formaður
Rímu og aðalskipuleggjandi mótsins, segir tilgang
Kvæða-
mannamótsins
vera að varð-
veita og efla ís-
lensku kvæða-
hefðina með
því að kalla
saman og
kynna fámenn
kvæðamanna-
félög, kvæða-
menn og hag-
yrðinga hvaðanæva
af landinu. Á mótinu
verði einnig kveðin
ljóð sem henni bár-
ust frá Vestfjörðum
og Aust-
fjörðum, þar
sem rímna-
hefðin er sterk.
Guðrún segir
auðvelt að
færa þennan
forna arf í nú-
tímann og að
hann eigi
greinilega er-
indi við þjóðina
nú um mundir
því að fólk sem
hlýði á kveð-
skapinn segi
hann hljóma
innra með sér,
„kvæðahefðin virðist
því lifa í þjóðarsál-
inni“.
Æfing Litið inn á æfingu fyrir 45 ára afmælistónleika í Hörpu.
DAGLEGT LÍF 11
MORGUNBLAÐIÐ LAUGARDAGUR 3. MARS 2012
Í dag verður haldin ráðstefna umbarna- og unglingabókmenntir íMenningarmiðstöðinni Gerðu-bergi. Ráðstefnan hefur verið
haldin árlega frá árinu 1998. Mar-
grét Valdimarsdóttir, verkefnastjóri í
Gerðubergi, segir hverja ráðstefnu fjalla
um ákveðið þema. Í ár verði áhersla lögð
á bókmenntir allra yngstu barnana, allt
frá því að þau fá myndabækur í hend-
urnar. Kappkostað
hafi verið að fá
fyrirlesara með
sem fjölbreytt-
astan grunn til að
fjalla um læsi
ungra barna;
fræðimann, fag-
mann, rithöfund
og myndlist-
armann. Margrét
segir að ráð-
stefnan ætti
því að höfða
jafnt til þess-
ara hópa sem
koma sér-
staklega að
læsi ungbarna
sem og for-
eldra þeirra,
enda hafi for-
eldrar ung-
barna iðulega
mikinn áhuga
á öllu er þau
varðar.
Fjölbreytt
efnistök
Fyrirlesararnir á
ráðstefnunni eru
fjórir. Anna Þor-
björg Ingólfsdóttir
er bókmenntafræð-
ingur og lektor við
Háskóla Íslands.
Hún fjallar um mál-
rækt, leik og læsi í leikskólum. Anna
skoðar einnig hvernig barnabókmenntir
gegna lykilhlutverki í málörvun og þró-
un læsis ungra barna og hversu mik-
ilvægt sé að lesa mikið fyrir börn, bæði á
heimilum og í leikskólum. Ásmundur K.
Örnólfsson, leikskólakennari og aðstoð-
arleikskólastjóri á Ægisborg, fjallar um
lestur leikskólakennara fyrir börn síð-
astliðin 20 ár. Ásmundur tengir erindið
umræðunni um læsi og lestur barna,
einkum drengja. Hann skoðar hvað hef-
ur verið lesið fyrir þau og hvers vegna.
Þriðji fyrirlesarinn er Bryndís Lofts-
dóttir, vörustjóri íslenskra bóka hjá Ey-
mundsson. Bryndís fjallar um hvernig
sala á barnabókum hefur þróast eftir
efnahagshrunið og á hvaða hátt sala og
útgáfa íslenskra barnabóka hefur breyst
eftir hrunið.
Síðust mun myndlistarmaðurinn og
barnabókahöfundurinn Áslaug Jóns-
dóttir fjalla um myndabókina, höfundinn
og lesandann. Áslaug ræðir hvernig hún
vinnur barnabækur sínar, hvernig hug-
myndir fæðast og mótast sem og fjar-
veru eða nærveru lesendanna við þá
vinnu. Þá íhugar Áslaug hvað ratar í
bækur fyrir yngstu börnin og hvers
vegna.
Öllum opin
Ráðstefnan í Gerðubergi er haldin í
samvinnu við IBBY á Íslandi, Borg-
arbókasafn Reykjavíkur, Rithöfunda-
samband Íslands - Síung, Skólasafnamið-
stöð Reykjavíkur, Félag fagfólks á
skólasöfnum og Upplýsingu, Félag bóka-
safns- og upplýsingafræða. Hún hefst
klukkan 10.30 og lýkur klukkan 13.30.
Ráðstefnan er öllum opin og aðgangur er
ókeypis. Allar nánari upplýsingar má sjá
á vef Gerðubergs, www.gerduberg.is.
Hátíð Í ár er
áhersla lögð á
bókmenntir
allra yngstu
barnanna.
Erindi tengd læsi ung-
barna og lestraráhuga
verða flutt á ráðstefnu um
barna- og unglingabók-
menntir sem fram fer í
Gerðubergi.
Málrækt, lestur og myndlist
Stór og fríður hópur ungrahljóðfæraleikara úr Kópa-vogi stígur á svið Eldborgar í
Hörpu á morgun.
Þar verða haldnir 45 ára afmæl-
istónleikar hljómsveitarinnar.
Alls koma fram um 150 börn og
unglingar á aldrinum 9-19 ára og er
hópnum skipt í þrjár hljómsveitir
A, B og C eftir aldri og getu með að
jafnaði 50 manns í hverjum hóp
Mikill metnaður er lagður í tón-
leika SK og hafa æfingar staðið í
allan vetur.
Efnisskrá tónleikanna er fjöl-
breytt, tónlist af ýmsum toga, bæði
gömul og ný verður á boðstólum. Af
efnisskránni má nefna mars úr
Tannhäuser eftir Wagner, lög eftir
Sigfús Halldórsson og Mugison, J.S.
Bach og Holst, Strauss-valsa og ým-
is tónverk samin sérstaklega fyrir
blásarasveitir. Það ættu því allir að
geta fundið eitthvað við sitt hæfi.
Óvæntar og skemmtilegar uppá-
komur munu einnig gleðja tónleika-
gesti.
Fyrstu æfingar Skólahljóm-
sveitar Kópavogs voru á haustmán-
uðum árið 1966 en afmælisdagur
sveitarinnar er ávallt miðaður við
fyrstu tónleikana sem fram fóru við
Kársnesskóla 22. febrúar 1967.
Sveitin hefur haldið fjölda tónleika
bæði innan lands og utan og hlotið
viðurkenningar. Á síðasta ári fékk
B-sveit sveitarinnar viðurkenningu
á Nótunni, uppskeruhátíð tónlistar-
skólanna fyrir framúrskarandi
samleiksatriði í grunnnámsflokki
og stutt er síðan C-sveitin vann til
verðlauna á lúðrasveitamóti í Sví-
þjóð.
Stjórnandi er Össur Geirsson og
hefjast tónleikarnir kl. 17:00.
Skólahljómsveit Kópavogs 45 ára
Hljóðfæraleikarar Fríður hópur barna í Skólahljómsveit Kópavogs mættur í sjónvarpssal árið 1968.
Kominn í verslanir
Vodafone!
Þín ánægja er okkar markmið
vodafone.is
Lumia 800 er með Windows Phone 7
stýrikerfinu sem hefur fengið frábæra
dóma - er stílhreint, flott og hraðvirkt.
Kynntu þér málið í næstu verslun
okkar eða á vodafone.is