Morgunblaðið - 01.09.2012, Blaðsíða 12

STANGVEIÐI
Einar Falur Ingólfsson
efi@mbl.is
Myndin af niðursveiflunni í laxveiði
í sumar er dregin sífellt skýrari
dráttum. Þegar rýnt er í vikutöl-
urnar í veiðinni má sjá að víðast
hvar komu fáir á land; 20 á fjórtán
stangir í Norðurá, 16 á jafn margar
stangir í Þverá og Kjarrá, 11 í Víði-
dalsá, 14 í Laxá á Ásum. Smá kipp-
ur hefur komið í Laxá í Dölum sem
hefur verið afspyrnu róleg í sumar,
þar veiddust 31. Laxá á Ásum gaf
aðeins 14 á stangirnar tvær, eða
einn lax á stöng á dag, en það hlýt-
ur að teljast afar slakt á þeim bæn-
um. Margir veiðihópanna upplifa að
sjá varla lax á bakkanum; þannig
fréttist af einu holli í Grímsá sem
fékk þrjá á átta stangir og það hef-
ur til að mynda ekki verið eins-
dæmi í ám á Vesturlandi, þar sem
einn til fjórir laxar hafa veiðst sam-
anlagt á allar stangirnar.
Veiðitölur eru einnig daprar í Að-
aldalnum en 25 veiddust í Laxá í
vikunni, á stangirnar 18. Veiðimað-
ur sem var á Nesveiðum í fyrradag
lét þó vel af sér og sagði að svo
virtist sem veðrabreytingarnar í
vikunni hefðu hreyft eitthvað við
fiskinum. Var hann talsvert að sýna
sig og var veiðimaðurinn kominn
með þrjá ágæta laxa. Eins og
venjulega eru nokkrir rígvænir að
togast upp í Aðaldalnum og fékk
ungur Laxmýringur, Vigfús Bjarni
Jónsson, 100 cm og 20 punda lax í
Brúarhyl í vikunni. Naut hann að-
stoðar föður síns, hins góðkunna
leiðsögumanns veiðimanna, Jóns
Helga Vigfússonar, við löndunina.
„Hefur verið ágætt“
Rangárnar halda dampi og fyrir
utan Langá og Hofsá, þar sem
veiddust 131 og 101 lax í vikunni,
eru þær einu árnar sem gáfu yfir
100 laxa í vikunni. Í Ytri-Rangá
veiddust 344 laxar í liðinni viku en
246 í Eystri-Rangá. Sú ytri er ekki
langt á eftir veiðinni á sama tíma í
fyrra en sú eystri um 1.000 löxum
lakari miðað við sama tíma þá. Ein-
ar Lúðvíkson, umsjónarmaður ár-
innar, er þó þokkalega ánægður
með ganginn á veiðinni í sumar.
„Þetta hefur verið ágætt,“ segir
hann en bætir við að veiðin hafi þó
verið léleg í annarri viku ágústmán-
aðar, og einnig frekar slök í þeirri
þriðju, því þá var áin mjög skolug
eftir rigningar. „Hún var svo orðin
tær aftur um helgina og þá kom 70
laxa dagur og 40 á mánudaginn;
veiðin hefur verið fín síðan. En
þetta verður ekkert metsumar, áin
fer væntanlega í um 3.000 laxa,“
segir Einar en hann hefur séð mun
hærri tölur á síðustu árum.
Hann segir að um 200.000 laxa-
seiðum hafi verið sleppt í Eystri-
Rangá í fyrra, eins og algengast
hefur verið hjá þeim. „Að fá 3.000
laxa úr því er eins og í denn, áður
en sleppingar voru auknar. Þetta
eru um eins og hálfs prósents
heimtur, og það eru betri heimtur
en í fyrra.“
Betri heimtur í
Þverá og Affalli
Einar er einnig umsjónarmaður
sleppinga í nágrannaánum Þverá í
Fljótshlíð og Affallinu og hann seg-
ir að í báðum stefni einnig í betri
heimtur nú en í fyrrasumar.
Eins og aðrir veiðimenn og um-
sjónarmenn veiðisvæða sem rætt er
við veltir Einar fyrir sér hvað valdi
þessu hruni í laxagöngum í sumar.
Tilgáturnar eru til staðar en svörin
ekki. „Það liggur fyrir að sjórinn er
slakur, fæstir smálaxarnir koma
feitir úr hafinu, í raun hefur smá-
laxinn verið frekar grannur. Stór-
laxinn er hinsvegar vel haldinn,“
segir hann og bætir við að mik-
ilvægt sé að sérfræðingar nái að
skýra hvað valdi þessum breyttu
aðstæðum.
Silungurinn betri en laxinn
Á þessum tímum krapprar lægð-
ar í laxveiðinni hafa silungs-
veiðimenn látið vel af sér. Veiði-
menn sem börðu eina
Þistilfjarðarána af kappi á dög-
unum við leit að laxi, með litlum ár-
angri, fengu sér veiðileyfi á urr-
iðasvæðinu í Laxá í Mývatnssveit á
heimleiðinni og þar var allt annað
uppi á teningnum. Þeir fengu all-
nokkra góða silunga, og suma ríg-
væna, og skemmtu sér konunglega
við veiðarnar. Á heimasíðu leigu-
taka svæðisins, SVFR, kemur fram
að ágætis veiði hafi verið í Mý-
vatnssveit í sumar, en veiðinni lýk-
ur nú um helgina. Um 4.000 sil-
ungar hafa veiðst og þykir það vera
ágætir niðurstaða. Mun færri fiskar
hafa veiðst í Laxárdal, neðar í ánni,
en meðalþunginn þar þykir hins-
vegar afar góður.
„Þetta verður ekkert metsumar“
 Endurheimtur í Eystri-Rangá eru um 1,5%  Einar Lúðvíksson segir smálaxinn hafa komið
grannan úr hafinu  Yfir 100 laxa vika í Langá og Hofsá  Um 4000 urriðar veiddir í Mývatnssveitinni
Morgunblaðið/Atli Vigfússon
Lukkulegir Feðgarnir fra Laxamýri, Jón Helgi Vigfússon og Vigfús Bjarni, með 100 cm langan lax sem sonurinn
veiddi í Brúarhyl í Laxá í Aðaldal.
Aflahæstu árnar Staðan 29. ágúst 2012
Heimild: www.angling.is
Veiðivatn Veiði
31. ágúst
2011Stangafj.
25. ágúst
2010
26. ágúst
2009
Ytri-Rangá og Hólsá 22 2.932 3.388 3.584 5.453
Eystri-Rangá 18 2.300 3.372 3.955 2.777
Selá í Vopnafirði 8 1.278 1.726 1.694 1.618
Miðfjarðará 10 1.207 1.915 2.724 2.784
Haffjarðará 6 1.006 1.360 1.660 1.375
Hofsá og Sunnudalsá 10 843 746 728 (7 stangir) 795 (7 stangir)
Langá 12 833 1.626 1.523 1.530
Blanda 16 831 831 2.739 2.268
Norðurá 14 822 2.068 2.080 2.155
Elliðaárnar 4 761 1.127 1.100 836
Þverá - Kjarrá 14 645 1.670 3.333 2.163
Haukadalsá 5 391 521 895 777
Laxá í Aðaldal 18 379 925 1.164 818
Laxá í Kjós 10 375 803 930 918
Grímsá og Tunguá 8 361 1.055 1.523 965
12 FRÉTTIRInnlent
MORGUNBLAÐIÐ LAUGARDAGUR 1. SEPTEMBER 2012
Gunnar Björnsson, Istanbúl
Íslenska liðið í opnum flokki vann
góðan 2,5-1,5 sigur í 4. umferð ólymp-
íuskákmótsins á unglingasveit Tyrkja
í gær. Þröstur Þórhallsson tefldi
magnaða fórnarskák í 3. borði þar
sem hann fyrst fórnaði drottningu
fyrir hrók og síðan hrók og var um
tíma heilli drottningu undir. Að mati
Helga Ólafsson, liðsstjóra í opnum
flokki, sem hefur teflt á 15 ólympíu-
skákmótum, er þetta ein besta skák
Íslendings á ólympíuskákmóti frá
upphafi. Liðsstjóri Tyrkjanna, Gure-
vich, sagði andstæðing Þrastar hafa
fengið fína kennslustund í hvernig
eigi að tefla.
Teflt er í Istanbúl og fá heimamenn
að stilla upp þremur liðum. Unglinga-
sveitin er skipuð miklum efnum sem
eru aðeins 13-16 ára.
Íslenska liðið hefur 6 stig af 8
mögulegum, en veitt eru 2 stig fyrir
sigur í viðureignum og 1 stig fyrir
jafntefli, og er í 34. sæti af 156 þátt-
tökuþjóðum. Fyrir mót var liðinu rað-
að í sæti 51 í styrkleikaröð. Liðið er
efst Norðurlanda. Umferðin í dag var
einkar slæm fyrir Svía, sem töpuðu
fyrir Sameinuðu arabísku fursta-
dæmunum, og Dani sem töpuðu fyrir
Kostaríka en
frændþjóðir okk-
ur voru miklum
mun sig-
urstranglegri fyr-
irfram.
Kvennaliðið
tapaði í gær fyrir
einni sterkustu
skákþjóð heims,
Ungverjum, 0,5-
3,5 og hefur 4 stig
og er í 64. sæti af 125 þátttökuþjóðum
en liðinu var fyrirfram raðað í 62.
sæti. Jóhanna Björg Jóhannsdóttir
gerði gott jafntefli við hina sterku
skákkonu Anitu Gara.
Þröstur, sem er Íslandsmeistari í
skák, hefur að öðrum ólöstuðum teflt
best, og hefur fengið 3,5 vinning í 4
skákum og virðist vera í feiknaformi
þessa dagana. Dagur Arngrímsson,
sem er að tefla á sína fyrsta ólympíu-
skákmóti hefur 1,5 vinninga eftir 2
skákir. Hannes Hlífar Stefánsson,
Henrik Danielsen og Hjörvar Steinn
Grétarsson fylla sveit Íslands. Sveit
kvennaliðsins skipa auk Jóhönnu þær
Lenka Ptácníková, Hallgerður Helga
Þorsteinsdóttir, Tinna Kristín Finn-
bogadóttir og Elsa María Krist-
ínardóttir.
Fjórar sveitir eru efstar og jafnar í
opnum flokki með fullt hús stiga og
kemur þar ekkert á óvart því það eru
þær fjórar sveitar sem fyrirfram voru
taldar sigurstranglegastar, þ.e. ól-
ympíumeistarar Úkraínu, Ungverjar,
Armenar og Rússar sem unnu Kín-
verja í gær. Rússar hafa jafnframt
fullt hús stiga í kvennaflokki og eru
þar efstir ásamt Frökkum.
Ýmislegt hefur vakið athygli á
skákstað. Til dæmis vekur athygli
hversu veik norska sveitin er, en eng-
inn af 9 stórmeisturum Norðmanna
tekur þátt og þar með talinn besti
skákmaður heims, Magnus Carlsen.
Þetta þykir sérstaklega athyglisvert í
ljósi þess að ólympíuskákmótið 2014
fer fram í Tromsö. Meðal annarra
skákmanna sem vantar er heims-
meistarinn Anand, sem ekki hefur
teflt á ólympíuskákmóti síðan 2004.
Aðrir af sterkustu skákmönnum
heims láta sig ekki vanta en meðal
keppenda hér eru Aronian, Kramnik,
Caruana og Nakamura.
Aðstæður á skákstað eru að flestu
leyti til fyrirmyndar. Keppnishöllin
er rétt hjá flugvellinum og hótelið
sem keppendur búa í göngufæri frá
skákstað. Umhverfið er hins vegar
frekar fráhrindandi.
Mögnuð sigurskák
Þrastar Þórhallssonar
 Íslendingar efst Norðurlanda  Var drottningu undir
Þröstur
Þórhallsson
Verð á
mann
í tvíbýli: 89.900 kr.
wowferdir.is
Nánari upplýsingar á wowferdir.is og í síma 590 3000
Sérsniðin ferð til Berlínar fyrir eldri borgara.
Fjölbreytt dagskrá undir íslenskri fararstjórn Lilju
Hilmarsdóttur. Einstök ferð í alla staði.
Innifalið er flug með sköttum, akstur til og frá flugvelli, gisting
á fjögurra stjörnu hóteli með morgunverðarhlaðborði.
Heldri borgarar
í Berlín 8.–12. október