Morgunblaðið - 01.09.2012, Blaðsíða 29

FRÉTTIR 29Erlent
MORGUNBLAÐIÐ LAUGARDAGUR 1. SEPTEMBER 2012
Rússneski auðkýfingurinn Roman Abramovítsj
sigraði í dómsmáli gegn öðrum rússneskum auð-
jöfri og fyrrverandi læriföður sínum, Boris Bere-
zovskí. Sá síðarnefndi sakaði Abramovítsj um að
hafa þvingað sig til að selja hlutafé í rússneska olíu-
fyrirtækinu Sibneft.
Berezovskí, sem er 65 ára gamall, fór fram á þrjá
milljarða punda í skaðabætur. Viðskiptadómstóll í
London komst hins vegar að þeirri niðurstöðu að
Berezovskí hefði verið afar ótrúverðugur í mál-
flutningi sínum. Abramovítsj, sem er 45 ára gamall
og á m.a. enska knattspyrnuliðið Chelsea, hefði
hins vegar verið traustur og trúverðugur.
Berezovskí segist vera hneykslaður á niðurstöð-
Abramovítsj hafði betur
 Þótti trúverðugri í málflutningi en Berezovskí í dómsmáli í Bretlandi
unni og að dómarinn hafi endurskrifað sögu Rúss-
lands.
Berezovskí og Abramovítsj voru áður mestu
mátar og sá síðarnefndi var á margan hátt skjól-
stæðingur Berezovskís þegar hann steig sín fyrstu
skref í hörðum heimi rússneskra viðskipta. Saman
stofnuðu þeir í félagi við þriðja mann gas- og olíu-
fyrirtækið Sibneft, sem Abramovítsj seldi ríkis-
fyrirtækinu Gazprom árið 2005 fyrir milljarða dala.
Berezovskí hefur verið í útlegð frá árinu 2001 og
fengið pólitískt hæli í London til að forðast fjár-
svikaákærur í Rússlandi. Stuðningsmenn Bere-
zovskís segja ákærurnar af pólitískum rótum runn-
ar vegna gagnrýni hans á Vladímír Pútín.
AFP
Vonsvikinn Berezovskí ræðir við fjölmiðlafólk.
Á þriðja hundrað slökkviliðsmanna
börðust í gær við skógarelda í
grennd við Marbella á Costa del Sol
á Spáni. Lík aldraðs manns fannst á
svæðinu eftir að hús hans brann til
kaldra kola nálægt bænum Ojén.
Björgunarmenn leituðu að konu
hans. Alls hafa um 5.000 manns
þurft að flýja heimili sín á Costa del
Sol vegna eldanna.
Marbella er einkum þekkt fyrir
að vera áfangastaður sterkefnaðs
fólks sem kemur þangað á snekkj-
um sínum eða gistir á lúxushótelum
bæjarins. Costa del Sol-svæðið er
mjög vinsæll áfangastaður ferða-
manna. AFP
Barist við
elda nálægt
Marbella
Julian Assange,
stofnandi Wiki-
Leaks, býst við
að þurfa að
dvelja í sendiráði
Ekvadors í Lond-
on í allt að ár á
meðan Bretar og
Ekvadorar leysa
deiluna sem upp
kom þegar hinir
síðarnefndu
veittu Assange pólitískt hæli.
Sænsk yfirvöld vilja að Assange
verði framseldur til Svíþjóðar þar
sem yfirheyra á hann vegna
meintra kynferðisbrota. „Ég býst
við að þessi mál muni leysast á
næstu 6-12 mánuðum,“ sagði Ass-
ange í viðtali við ekvadorska sjón-
varpsstöð.
Gæti þurft að vera
í sendiráðinu í ár
Julian
Assange
BRETLAND
Skoskur skipstjóri, Andrew Leap-
er, komst nýlega í Heimsmetabók
Guinness vegna þess að hann fann
flöskuskeyti sem hafði verið í sjón-
um í 98 ár. Það hafði verið fimm ár-
um lengur í sjónum en skeytið sem
átti fyrra metið.
Leaper fann skeytið undan
strönd Hjaltlandseyja á bátnum
Copious. Áhöfn sama báts fann
flöskuskeytið sem átti fyrra metið.
Flöskuskeytið sem skipstjórinn
fann var á meðal 1.890 skeyta sem
sett voru á flot til þess að hjálpa til
við að finna út hafstraumana í
kringum Skotland. Aðeins 315 af
þeim hafa fundist.
Fann 98 ára gamalt
flöskuskeyti
SKOTLAND