SunnudagsMogginn - 09.09.2012, Blaðsíða 14

14 9. september 2012
Ólöf Nordal ætlar ekki að gefakost á sér fyrir Sjálfstæð-isflokkinn á næsta kjör-tímabili og hyggst hætta
sem varaformaður á landsfundi flokks-
ins næsta vor.
„Um síðustu áramót bauðst mann-
inum mínum, Tómasi Má Sigurðssyni,
að taka við nýju starfi innan Alcoa sem
fól það í sér að hann þyrfti að flytja af
landi brott,“ segir hún. „Síðan þá höf-
um við staðið frammi fyrir þeirri spurn-
ingu hvað það hefði í för með sér, að
hann væri kominn með heimilisfesti í
öðru landi, og hvaða þýðingu það hefði
fyrir fjölskylduna, enda erum við með
börn á skólaaldri. Um leið eru auðvitað
mikil tímamót í stjórnmálum á næsta
ári. Þannig að ég hef tekið þá ákvörðun
að gefa ekki kost á mér í komandi þing-
kosningum og ekki á landsfundi á næsta
ári sem varaformaður.“
Brennandi áhugi
Ólöf segir það hugsjón að vera í stjórn-
málum. „Maður gerir það af mikilli
innri þrá og þarf að geta einbeitt sér að
því. Ég vonast til að næstu kosningar
feli í sér raunverulegar áherslubreyt-
ingar fyrir stjórn landsins – að þeir sem
veljist til forystu helgi sig því verkefni
um langan tíma. Að óbreyttu á ég erfitt
með að skuldbinda mig með þeim hætti.
En áhuginn á stjórnmálum hefur
hreint ekki dvínað. Ég hef brennandi
áhuga á því að stefnumál Sjálfstæð-
isflokksins nái fram að ganga og mun
leggja mitt af mörkum til að svo verði.
Ég verð öflugur málsvari fyrir Sjálfstæð-
isflokkinn á þinginu í vetur, stefnu
flokksins og sjónarmið, og vinn að því
fyrir næstu kosningar að tryggja honum
brautargengi. Það eru spennandi tímar
framundan.“
– Hefur hvarflað að þér að stíga strax
til hliðar?
„Nei, það er nú engin þörf fyrir mig
að fara strax af þinginu. Ég tók þá
ákvörðun að gefa kost á mér og hyggst
ljúka því verki sem kjósendur fólu mér.
Þingið stendur frammi fyrir erfiðum
ákvörðunum í vetur og við sjálfstæð-
ismenn munum tala fyrir breytingum
sem við teljum nauðsynlegar á stefnu
stjórnvalda. Sú skylda hvílir á varafor-
manni flokksins að halda utan um póli-
tíska stefnumörkun og byggja upp innra
starfið. Það væri enginn bragur á því að
Lífið kemur
manni alltaf
á óvart
Ólöf Nordal varaformaður Sjálfstæðisflokksins
stendur á krossgötum. Eftir þetta kjörtímabil
ætlar hún að kveðja pólitíkina, að minnsta kosti í
bili, og flytja með fjölskyldunni til Sviss. En við-
burðaríkur vetur er framundan í þinginu og
móta þarf stefnu fyrir næstu kosningar.
Texti: Pétur Blöndal pebl@mbl.is
Myndir: Kristinn Ingvarsson kring@mbl.is