SunnudagsMogginn - 09.09.2012, Blaðsíða 29

9. september 2012 29
urlandabúa, sem flestir eru Danir, hina innfæddu og síðan
blendingana, sem vegnar vel og eru kannski orðnir fjöl-
mennasti hópurinn. Úr þeim hópi koma flugmenn, læknar
og stjórnmálamenn. Hinir innfæddu eiga aftur á móti erf-
iðast uppdráttar í stóru bæjarfélögunum. Segja má að fólk-
inu hafi verið hrúgað inn í bæjarblokkir, því rétt eftirlaun og
sagt að lifa af þeim. Úr þessu verður eymd, en á síðustu ár-
um hefur virkilega verið farið að huga að því að laga þetta
ástand, þó að ekki sé nema að bæta úr húsnæðismálunum.
Íbúar minni þorpanna virðast hins vegar vera mun sælli og
sáttari við sitt hlutskipti. Það er nær sínum veiðilendum og
því umhverfi, sem það þekkir.“
Það er verið að níðast á þessu fólki
Þorkell vill taka fram að það vaki alls ekki fyrir honum að
tala niður til þessa fólks. „Ég skil það þvert á móti vel,“ segir
hann. „Ég held að áður fyrr þegar fólk var flutt inn í bæina
hafi menn ekki áttað sig á hvað var verið að gera því. Fólk
var tekið úr sinni sveit, gert að þéttbýlisbúum og sagt að
bjarga sér. Nú er verið að reyna að vinda ofan af þessu.“
Þorkell segir að hann hafi verið svo heppinn að fá að
fylgjast með Grænlendingum í veiðiferðum á hundasleðum
ásamt Ragnari Axelssyni, ljósmyndara Morgunblaðsins, og
fengið að kynnast þeim fyrir vikið, til dæmis í Qaanaaq, sem
telja megi til afskekktustu byggða í heimi. „Ég hef fengið að
sjá og heyra hvernig þeir draga fram lífið og orðið vitni að
hátíðinni, sem slegið er upp í bænum þegar birgðaskipin
koma,“ segir hann. „Það nístir mann að horfa upp á fólk,
sem veiðir dýr sér til matar og nauðþurfta, nýtir síðan af-
urðirnar af dýrunum til fulls, verkar skinn og sker út bein af
listfengi, en fær ekki að selja þær vegna þess að Evrópusam-
bandið segir að það eigi að vera bannað. Dýraskinn og bein
mega ekki fara inn í lönd ESB. En fólkið er bara að bjarga
sér. Það nýtir skepnuna hvort sem er. Hér er ekki um að
ræða rányrkju á náttúru til að græða peninga, heldur sjálfs-
bjargarviðleitni frumbyggja. Það er verið að níðast á þessu
fólki.“
kbl@mbl.isÞorkell Jóhannsson í Illulissat.