SunnudagsMogginn - 09.09.2012, Blaðsíða 27

9. september 2012 27
Dökkir berggangar sem eldfjallafræðingurinn hreifst af liggja eftir fjallgarðinum eins og ormur. Upernavik er eins og Legoland á sumrin, gult og rautt og grænt og hvítt.
eða flugstillum líka aðflugshallaljósin. Þau sýna flugmann-
inum þegar hann er í réttum aðflugshalla að flugbrautinni.
Það má nærri geta að eins gott er að þessi búnaður sé í lagi og
taki menn eftir réttum ferlum niður að brautinni.“
Búnaðurinn var í lamasessi
Til að gefa þessum orðum aukinn þunga rifjar hann upp
flugslysið á Srí Lanka árið 1978 þegar vél Flugleiða hrapaði.
„Á Srí Lanka reyndu menn að klína ábyrgðinni á áhöfnina á
Flugleiðavélinni og fela alla sína galla og veikleika,“ segir
hann. „En þeir voru nokkrir og m.a. kom upp úr dúrnum að
þeir höfðu ekki gert flugprófun á flugvellinum í á annað ár
vegna þess að indversk flugvél, sem hafði verið notuð til
þess hafði brotlent og eyðilagst og ekkert kom í staðinn.
Búnaðurinn var í lamasessi, en hann verður skilyrðislaust að
vera í góðu lagi og miklar kröfur til hans gerðar. Fráviks-
mörkin eru þröng og við þurfum að passa upp á þau.“
Þorkell og félagar forðast að mæla á veturna þegar myrkur
ræður ríkjum á Grænlandi þótt vitaskuld verði að bregðast
við þegar eitthvað bilar. „Þó vill þannig til að við erum að
taka í notkun nýjan búnað, sem hefur verið viðurkenndur
heima á Íslandi, en Danir hafa ekki gefið grænt ljós á enn,“
segir hann. „Með honum erum við ekki jafn háðir birtuskil-
yrðum og veðri og við erum í dag með gamla búnaðinum.
Nýi búnaðurinn byggist á GPS-tækni, en sá gamli byggist á
því að á jörðu niðri sé tæknimaður, sem horfir á okkur í sér-
stökum kíki á þrífæti og rekur ferð okkar. Búnaðurinn í kík-
inum hans talar við búnaðinn um borð í vélinni hjá okkur. Á
endanum fáum við línurit, sem segir okkur allt um hvort
geislinn sé á réttum stað.“
Hann segir að ekki sé vitað hvers vegna Danirnir hafi tek-
ið lengri tíma í að viðurkenna nýju tæknina en íslensk yf-
irvöld utan hvað kerfið hjá þeim sé seinvirkara. Danir eru
hins vegar hættir að framkvæma þetta eftirlit sjálfir, ekki
aðeins á Grænlandi og í Færeyjum, heldur einnig í Dan-
mörku. Íslendingar tóku við eftirlitinu í Færeyjum árið 1998
og á Grænlandi árið 2000 og í Danmörku er það á hendi Svía.
„Auðvitað gefur auga leið fyrst við erum með vél á Íslandi
að nærtækara er að sinna eftirlitinu þaðan en frá Skandinav-
íu þar sem menn þurfa að koma lengra að,“ segir hann.
„Samstarfið hefur virkað mjög vel og verið báðum hag-
stætt.“
Þorkell starfar hjá Mýflugi, sem kemur inn í eftirlitið á Ís-
landi árið 2007. Þáttaskil urðu þegar vélin, sem er af gerð-
inni Beechcraft Super King Air 200 og hafði verið notuð til