Morgunblaðið - 14.11.2012, Blaðsíða 13

FRÉTTIR 13Innlent
MORGUNBLAÐIÐ MIÐVIKUDAGUR 14. NÓVEMBER 2012
Hólmfríður Gísladóttir
holmfridur@mbl.is
Birgir Ármannsson, þingmaður
Sjálfstæðisflokksins, segir þjóðkirkj-
una hafa sýnt mikið langlundargeð
gagnvart ríkisvaldinu undanfarin ár,
en það hafi ekki einvörðungu dregið
úr framlögum til kirkjunnar heldur
seilst dýpra í vasa hennar með því að
skila ekki að fullu innheimtum
sóknargjöldum.
Birgir var málshefjandi sérstakrar
umræðu á Alþingi í gær um stöðu
þjóðkirkjunnar og safnaða landsins í
ljósi niðurskurðar undanfarinna ára
en hann beindi máli sínu til innanrík-
isráðherra og spurði m.a. hvernig
ráðherra sæi fyrir sér þróunina í
samskiptum ríkis og kirkju á næstu
árum og hvort breytingar væru
fyrirhugaðar á svokölluðu kirkju-
jarðasamkomulagi frá 1997.
„Árið 1997 skuldbatt ríkið sig til
ákveðinna greiðslna til kirkjunnar og
fékk í staðinn kirkjujarðirnar, sem
höfðu verið eign kirkjunnar um ára-
tuga og margra alda skeið,“ segir
Birgir. „Það eru þarna lög og samn-
ingar sem búa að baki en ríkið hefur
ekki staðið við sinn hluta af þessu
samkomulagi undanfarin ár.“
Hafa samþykkt skerðingu
Í svari sínu sagði innanríkisráð-
herra, Ögmundur Jónasson, að fram-
lög ríkisins væru af tvennum toga: í
fyrsta lagi framlag til Biskupsstofu,
sem bundið væri í lögum um stöðu,
stjórn og starfshætti þjóðkirkjunnar
frá 1997, og í öðru lagi framlag á fjár-
lögum sem bundið væri í lögum um
sóknargjöld frá 1987, en sóknargjöld-
in væru umreiknuð yfir í tiltekið hlut-
fall tekjuskatts.
„Framlögin sem byggjast á kirkju-
jarðasamkomulaginu hafa verið
skert með samkomulagi við þjóð-
kirkjuna og hefur kirkjuþing árlega
samþykkt slíka skerðingu,“ sagði
Ögmundur.
Hann sagði kirkjuna aldrei hafa
andmælt því að hún lyti sömu skerð-
ingu og aðrir aðilar í þjóðfélaginu en
sagði jafnframt að skýrsla, sem unnin
var í fyrra, hefði sýnt fram á að sókn-
argjöldin hefðu sætt meiri skerðingu
en almennt gerðist hjá stofnunum
hins opinbera.
Ekki eins og hver annar skattur
Birgir segir að alvarlegast sé að
ríkið, sem sjái um innheimtu
sóknargjalda, hafi á undanförnum ár-
um ekki skilað nema hluta þeirrar
fjárhæðar sem það hafi innheimt til
safnaðanna.
„Ríkið hefur á þessu árabili haldið
eftir stórum hluta þeirra upphæða
sem lögum samkvæmt eru skilgreind
sem sóknargjöld,“ segir Birgir. „Það
er ekki um það að ræða að sóknar-
gjaldið sé bara eins og hver annar
skattur sem ríkið leggur á og ræður
síðan hvað það gerir við.“
Skert fjárframlög til kirkjunnar
 Birgir Ármannsson segir ríkið ekki hafa staðið við samkomulag við þjóðkirkjuna  Kirkjuþing hefur
samþykkt skerðingu fjárframlaga, segir innanríkisráðherra  Tilbúin að setjast að samningaborði
Morgunblaðið/Eggert
Niðurskurður Eftir efnahagshrunið haustið 2008 voru bæði fjárframlög ríkisins til þjóðkirkjunnar skert.
Birgir segir ýmsa aðila innan
kirkjunnar hafa sett sig í sam-
band við þingmenn að undan-
förnu. Hann hafi stofnað til um-
ræðunnar ekki síst vegna þess
að í fjárlagafrumvarpi næsta
árs sé ýjað að því að sam-
komulagið frá 1997 verði tekið
upp og lögin um stjórn og
starfshætti kirkjunnar endur-
skoðuð.
Í svari sínu sagði Ögmundur
að ríkið væri reiðubúið að setj-
ast að samningaborðinu og
endurskoða kirkjujarðasamn-
inginn. „Við munum eiga við-
ræðufundi með kirkjunni um
það efni,“ sagði hann.
Birgir segir að enn skorti þó á
skýr svör hvað þetta varðar,
jafnvel þótt greina hafi mátt já-
kvæðan anda gagnvart sjón-
armiðum kirkjunnar í orðum
ráðherra.
„Endurskoðun á gildandi
samningum verður að eiga sér
stað við samningaborðið en
verður ekki ákveðin einhliða af
hálfu ríkisins,“ segir Birgir.
Samningar
endurskoðir?
RÍKI OG KIRKJA
Gunnlaug Auðun Árnason
Stykkishólmur
Þess var minnst á föstudaginn að 20
ár eru síðan St. Franciskusspítali
stofnaði háls- og bakdeild innan
spítalans. Deildinni var komið á fót
af þeim Jósef Blöndal og Luciu de
Korte og eru þau enn í forsvari
starfseminnar.
Háls- og bakveiki eru með al-
gengustu sjúkdómum hér á landi.
Talið er að um 80% fullorðinna
kynnist bakveiki á lífsferlinu á einn
eða annan hátt. Því er það stór hóp-
ur sem leitar eftir lækningu við
bakveiki. Starfsemi deildarinnar
byggist á því að greina og með-
höndla bakverki. Lækningin felst
m.a. í því að sjúklingar nái bata án
þess að fara í skurðaðgerð. Byggt
er á þekkingu færustu sérfræðinga
á þessu sviði. Sjúklingar læra að
beita líkamanum rétt og stunda æf-
ingar, fyrst undir handleiðslu
sjúkraþjálfara, en síðan óstuddir
eftir útskrift og þá reynir á að vera
samviskusamur.
Á háls- og bakdeildinni eru 13
rúm fyrir sjúklinga sem dvelja að
meðaltali í 2 vikur. Um 200-250
sjúklingar koma árlega til lækn-
inga. Árangur starfseminnar hefur
verið góður, þó stundum sé erfitt að
meta hann. Bakveiki getur verið
mjög kvalafullur sjúkdómur og það
vita þeir sem reynt hafa. Eitt er víst
að margur hefur farið betri maður
heim á síðustu tuttugu árum eftir
meðferð og hjálp starfsfólks á háls-
og bakdeild St. Franciskusspítala.
Starfsemi St. Franciskusspít-
alans í Stykkishólmi stendur á
gömlum merg og á sér merkilega
sögu. Það er ósk bæjarbúa á þess-
um tímamótum að starfsemi háls-
og bakdeildar verði tryggð og þær
tillögur sem liggja fyrir um framtíð
spítalans verði að veruleika áður en
mörg ár líða.
Morgunblaðið/Gunnlaugur Árnason
Fagnað Starfsfólkið ásamt Guðbjarti Hannessyni, velferðarráðherra og
Guðjóni Brjánssyni framkvæmdastjóra Heilbrigðisstofnunar Vesturlands.
Háls- og bakdeildin
fagnaði góðum
árangri í 20 ár
VITA er lífið
VITA | Suðurlandsbraut 2
Sími 570 4444 | VITA.is
Ævintýraferð með VITA um báðar eyjar Nýja-Sjálands
með Sue Olafsson, sem leiðir þig á alla sína
uppáhaldsstaði en Sue þekkir landið eins og
lófann á sér. Stoppað í Dubai á heimleið.
Fararstjóri: Sue Marie Ólafsson
Skráðu þig í netklúbbinn - VITA.is
ÍS
LE
N
SK
A
SI
A
.IS
V
IT
61
92
1
11
/1
2
Ferðakynning!
Sue Marie Ólafsson fararstjóri verður með
kynningarfund á skrifstofu VITA, Suðurlandsbraut 2,
miðvikudaginn 14. nóvember kl. 17:30.
Allir velkomnir
Nýja-Sjáland
og Dubai
16. feb. - 12. mars 2013