Morgunblaðið - 14.11.2012, Blaðsíða 36

36 DÆGRADVÖL
MORGUNBLAÐIÐ MIÐVIKUDAGUR 14. NÓVEMBER 2012
Sérsmíðaðar baðlausnir
Speglar • Gler • Hert gler
Öryggisgler • Litað gler • Bílspeglar
Sandblástur • Álprófílar
Máltöku- og uppsetningaþjónusta
Við leggjum metnað
okkar í að bjóða sérhæfðar
og vandaðar lausnir á
baðherbergi.
Við bjóðum upp á
sérsmíðaða spegla,
sturtuklefa og sturtu-skilrúm.
Þá erum við komnir með nýja
útgáfu af ljósaspeglunum
okkar vinsælu.
Á nýrri heimasíðu okkar
glerslipun.is er gott yfirlit yfir
það sem er í boði. Auk þess
bjóðum við alla velkomna
í Vatnagarða 12 þar sem
fagfólk veitir góða þjónustu
og allar þær upplýsingar sem
þarf.
Vatnagarðar 12 | Sími 588 5151 | Fax 588 5152 | glerslipun.isSTOFNAÐ 1922
Stjörnuspá
21. mars - 19. apríl 
Hrútur Þú færð hverja hugmyndina á fætur
annarri en gengur illa að gera þær allar að
veruleika. Framtíðin er björt.
20. apríl - 20. maí 
Naut Slitnað gæti upp úr mikilvægu sam-
bandi í dag. Ef einhverjar breytingar þarf að
gera þurfa þær að vera í allra þágu.
21. maí - 20. júní 
Tvíburar Þér bjóðast góðir fjárfest-
ingamöguleikar næsta mánuðinn og þér á
eftir að reynast auðvelt að fá lánað fé. Til
allrar hamingju er svarið við spurningu þinni
beint fyrir framan þig.
21. júní - 22. júlí 
Krabbi Samstarfsfólk þitt er einstaklega
samvinnuþýtt þessa dagana. Skyndilega
sérðu skóginn en ekki bara trén.
23. júlí - 22. ágúst 
Ljón Vinnan krefst þess að þú sért skap-
andi og þú ert svo sannarlega heppin/n að
því leyti. Gerðu þitt besta og haltu þér í
góðu jafnvægi.
23. ágúst - 22. sept. 
Meyja Þú ert með óþarflega miklar áhyggj-
ur af fjárhagnum en hann er ekki eins
slæmur og þú heldur. Framkvæmdafólkið
finnur ekki tíma til að gera hlutina – það
stelur honum.
23. sept. - 22. okt. 
Vog Best færi á að nota daginn til þess að
leysa vandamál tengd heimili og eignum.
Hafðu engar áhyggjur af ungviðinu.
23. okt. - 21. nóv.
Sporðdreki Áður en draumsýn verður að
veruleika verður þú að freista gæfunnar.
Láttu það eftir þér að dreyma dagdrauma
en gættu þess bara að fara ekki yfir strikið.
22. nóv. - 21. des.

Bogmaður Vinur gæti valdið þér von-
brigðum í dag vegna fjármála eða einhvers
sem þú átt. Vertu bjartsýn/n og ætlastu til
þess sama af öðrum. Búðu þig undir spenn-
andi tækifæri á næstu vikum.
22. des. - 19. janúar 
Steingeit Nú er komið að því að þú upp-
skerð laun erfiðis þíns. Þú ert uppfull/ur af
hugmyndum sem þú ættir að reyna að
koma í framkvæmd.
20. jan. - 18. febr. 
Vatnsberi Taktu þér frí í dag. Haltu ró þinni,
brjóttu málin til mergjar og framkvæmdu
svo. Þú finnur að áhugamálin taka of mikinn
tíma, gerðu eitthvað í málunum áður en illa
fer.
19. feb. - 20. mars

Fiskar Þú gætir komið auga á leiðir til að
spara peninga heima fyrir eða innan fjöl-
skyldunnar. Annaðhvort heldur þú áfram á
sömu braut eða söðlar um.
Hagyrðingakvöld verður haldið íBreiðfirðingabúð annað kvöld
kl. 20 undir stjórn Kristjáns Jó-
hanns Jónssonar. Þar verður margt
góðra hagyrðinga, Ragnar Ingi
Aðalsteinsson, Hermann Jóhann-
esson, Jóhanna Fríða Dalkvist,
Halla Gunnarsdóttir, Kristján Run-
ólfsson og Jón Kristjánsson.
Fyrripartar handa sal og hagyrð-
ingum eru birtir á heimasíðu fé-
lagsins, www.bf.is, þar á meðal:
Alþingi er setið afbragðsmönnum,
sem allir virða og dá.
Búum ganga bændur frá,
og býsna svangir þvarga.
„Við leiði drykkjumanns“ nefnist
þessi tregablandni bragur Péturs
Stefánssonar:
Leiðin þín var löngum þyrnum stráð,
og ljón á vegferð þinni óteljandi.
Þú misstir vit og rænu, dug og dáð,
og drakkst þig út úr góðu hjónabandi.
Í lífinu þú áttir enga vörn.
Eftir hinum breiða vegi gekkstu.
Þú misstir vinnu, húsið, bílinn, börn.
Á börunum á kvöldin einatt hékkstu.
Í upphafi þú ollir stórri sorg,
uns ættingjanna sinnið gerðist dofið.
Langar nætur læddist þú um borg
í leit að stað til þess að geta sofið.
Við vitum öll að brennivín er böl,
að Bakkus gamli eyðir mannsins
vonum.
Þú áttir trú og aðra betri völ,
en ákvaðst samt að fylgja og þjóna
honum.
Á þinni eymd varð aldrei nokkur töf,
þú endaðir þitt líf í kvöl og pínu.
– Nú ertu hér í ísakaldri gröf,
og enginn fellir tár að leiði þínu.
Kristbjörg F. Steingrímsdóttir
orti að vörmu bragði:
Líkaminn frosinn finnur ei til
fastur í viðjum sínum
en sál hans kennir eflaust yl
frá eftirmælum þínum.
Ármann Þorgrímsson yrkir í til-
efni af endalausum stríðsfréttum:
Trúna, sem var takmörkuð,
truflar lestur slíkra frétta
að almáttugur góður guð
geti ekki stoppað þetta.
Sigrún Haraldsdóttir var fljót til
svars:
Vargöld, illska og vopnapuð,
verður fólk að skilja,
er vegna þess hinn góði guð
gaf oss frjálsan vilja.
Pétur Blöndal
pebl@mbl.is
Vísnahorn
Af leiði drykkjumanns,
stríði og hagyrðingakvöldi
Í klípu
„ÞETTA ER SENNILEGA EKKERT, EN VIÐ
ÆTTUM AÐ PANTA LÍKAMSSKÖNNUN Á
FLUGVELLINUM TIL ÖRYGGIS.“
eftir Mike Baldwin eftir Jim Unger
„TAKK FYRIR GÓÐA VEISLU Í GÆR. ÉG
VEIT AÐ HERMANN SKEMMTI SÉR VEL.“
Hermann
Ferdinand
Hrólfur hræðilegi
Grettir
... það sem höfðar
til hjartans.
HÉR STENDUR AÐ VÉLMENNI
MUNI EINHVERNTÍMA LEYSA
GÆLUDÝR AF HÓLMI.
TÓK HANN
EFTIR
EINHVERJU?
NEI.
HRÓLFUR ER HEIMA
Á MILLI RÁNSFERÐA!
ÞAÐ HLÝTUR AÐ VERA
NOTALEGT AÐ HAFA
MANNINN SVONA MIKIÐ
HEIMA?
Í TILFELLI HRÓLFS ER LÍKA
NOTALEGT AÐ HAFA SVONA
MIKINN MANN HEIMA!
Ósló ber enn merki hryðjuverk-anna 22. júlí 2011. Aðeins er
hægt að komast fótgangandi að
stjórnarbyggingunum, sem eyðilögð-
ust í sprengjuárás Anders Behrings
Breivik á miðborg Ósló áður en hann
réðst til atlögu á Útey. Settir hafa
verið steypustöplar til að hindra för
bíla. Enn er verið að gera við bygg-
ingarnar og yfir svæðinu hvílir
drungi.
x x x
Aðkoman að höfuðstöðvum dag-blaðsins VG er sláandi. Fyrir ut-
an er glerkassi og hríslast sprungur
um glerið, sem snýr að götunni. Þar
hanga enn uppi síður blaðsins, sem
kom út 22. júlí 2011 líkt og fryst
mynd af heiminum eins og hann birt-
ist Norðmönnum daginn fyrir at-
burðinn, sem öllu breytti. Það er
greinilegt að á blaðinu hefur verið
ákveðið að minnast tilræðis Breivik
við hið siðmenntaða samfélag með
þessum hætti.
x x x
Þess er án efa langt að bíða aðNorðmenn jafni sig á áfallinu
eftir hryðjuverk Breivik. Ekki þarf
hins vegar að fara langt frá vettvangi
hryðjuverksins til að upplifa þensl-
una og uppganginn í Ósló. Víkverji
skrifaði um daginn um hið nýja Ast-
rup Fearnley-safn, sem opnað var
fyrir rúmum mánuði í nýjum húsa-
kynnum. Allt í kringum safnið eru
lítil gallerí og söfn. Nýtt ríkislista-
safn og nýtt landsbókasafn eru á
leiðinni. Olíupeningarnir leyna sér
ekki.
x x x
Tæplega ein og hálf milljón mannabýr nú í Ósló og nágrenni og vex
hún nú hraðast allra borga í Evrópu.
Ósló er ekkert sérlega væn við
pyngjuna og best að hugsa sem
minnst um gengið þegar þarf að
draga fram veskið. Ósló mun vera
ein dýrasta borg heims og jafnframt
meðal þeirra borga, sem þykja bjóða
upp á mest lífsgæði. Ósló á sér næst-
um því þúsund ára sögu. Borgin var
stofnuð árið 1048. Ekki er ljóst hvað
nafnið þýðir. Getgátur eru um að
Ósló þýði „engið við hlíðarfótinn“ eða
engið „helgað guðunum“, en ekki
mun vera átt við árós. víkverji@mbl.is
Víkverji
En öllum þeim sem tóku við honum
gaf hann rétt til að verða Guðs börn,
þeim sem trúa á nafn hans. (Jóhannes-
arguðspjall 1:12)