Morgunblaðið - 14.11.2012, Blaðsíða 21

FRÉTTIR 21Erlent
MORGUNBLAÐIÐ MIÐVIKUDAGUR 14. NÓVEMBER 2012
Tilboðsdagar
peysur, toppar, töskur og treflar á
20% afslætti
dagana 14.-17. nóvember.
Verið velkomin.
Álfheimum 74, 104 Rvk, sími 568 5170
Kristján Jónsson
kjon@mbl.is
Fram kemur í nýrri skýrslu frá Al-
þjóðaorkumálastofnuninni, IEA, að
líkur séu á að Bandaríkin verði orðin
mesti olíuframleiðandi heims árið
2017, að sögn blaðsins Guardian.
Einnig að landið geti orðið sjálfu sér
nægt um orku fyrir 2035. Ástæðan
fyrir þessum umskiptum er að þróuð
hefur verið aðferð til að vinna olíu og
gas úr grjóti og sandi djúpt í jörðu.
Geysilegt magn er af þessu jarð-
efnaeldsneyti víða um landið.
Þótt deilt sé vestra um áhrifin
sem vinnslan geti haft á náttúruna,
m.a. hættu á jarðskjálftum vegna
borana á umræddum svæðum, þykir
ljóst að framleiðslan muni aukast
hratt. Umhverfisverndarsinnar í
ýmsum Evrópulöndum berjast ákaft
gegn aðferðinni sem þeir segja valda
mikilli mengun.
Aðalhagfræðingur IEA, Fatih
Birol, segir að gangi þessar spár eft-
ir muni yfir 90% af olíu og gasi frá
Mið-Austurlöndum innan fárra ára
verða seld til Asíulanda, ekki síst
Kína.
Áhrifin af þessum breytingum á
alþjóðamál eru augljóslega svo mikil
að tala má um vatnaskil. Áhugi
Bandaríkjamanna á Mið-Austur-
löndum hefur að verulegu leyti átt
rætur að rekja til þess hve ríkið
sjálft og bandamenn þess í Evrópu
og Japan eru háð orkulindum í Sádi-
Arabíu, Írak og fleiri olíuríkjum.
Þessir hagsmunir verða ekki jafn
mikilvægir þegar Bandaríkjamenn
geta látið nægja að kaupa olíu frá
grönnum sínum í Kanada og Mexíkó
og jafnvel orðið óháðir þeim.
Bráðum óháðir
olíuinnflutningi
 Bandaríkin að verða mesta olíuríkið
Orka Miklar birgðir af olíu og gasi
leynast í möl og sandi djúpt í jörðu.
Eykur losun koldíoxíðs
» Vinnsla á gasi og olíu úr
grjóti djúpt í jörðu er talin geta
aukið verulega losun koldíox-
íðs.
» Slík hnattræn losun hefur
aldrei verið meiri en í fyrra,
einkum vegna hagvaxtar í Kína
og Indlandi.
Nú geta allir fengið iPad-áskrift
Skráðu þig í iPad-áskrift á www.mbl.is/mogginn/ipad/