Morgunblaðið - 15.11.2012, Side 18

18 FRÉTTIRInnlent
MORGUNBLAÐIÐ FIMMTUDAGUR 15. NÓVEMBER 2012
ÚR BÆJARLÍFINU
Skapti Hallgrímsson
Akureyri
Ekki er loku fyrir það skotið að ak-
ureyrskir skíðamenn geti dustað
rykið af svigskíðunum um helgina og
rennt sér í Hlíðarfjalli. Ákveðið var
að opna skíðasvæðið 1. desember en
vegna þess hve mikið hefur snjóað
undanfarið er allt tilbúið.
  
Veðurspáin er að vísu leiðinleg
fyrir næstu daga og því verður ekki
ákveðið fyrr en á morgun hvort opið
verður um helgina.
  
Logi Már Einarsson arkitekt
keypti fyrir nokkrum árum gömlu
kartöflugeymsluna við Kaupvangs-
stræti og breytti í skrifstofu undir
fyrirtæki sitt, Kollgátu, en seldi síð-
ar. Logi og hans fólk snýr senn aft-
ur; hann hefur keypt húsnæðið á ný
og fyrirtækið flyst í kartöflugeymsl-
una 1. desember.
  
Árshátíð Menntaskólans á Akur-
eyri er fjölmennasta vímulausa sam-
koma landsins ár hvert. Þar er jafn-
an glatt á hjalla og gera má ráð fyrir
óvenju miklu fjöri í ár.
  
Aldrei hafa fleiri tónlistarmenn
skemmt á árshátíð MA en nú; í
íþróttahöllinni föstudagskvöldið 31.
nóvember verða nefnilega Bernd-
sen, Hermigervill, Þórunn Antonía
og Retro Stefson!
  
Áhugaverð umræða fer nú fram
á meðal bæjarbúa um Húsmæðra-
skólahúsið við Þórunnarstræti. Þar
hefur Akureyrarakademían verið til
húsa síðustu ár en bæjaryfirvöld
hafa ákveðið að koma þar fyrir
skammtímavistun fatlaðra.
  
Hólmsteinn Snædal húsasmíða-
meistari, sem unnið hefur að því að
gera upp hvert gamla húsið af öðru í
bænum, biðlar til yfirvalda, í opnu
bréfi til Odds Helga Halldórssonar
formanns bæjarráðs og annarra sem
málið varðar, að endurskoða
ákvörðunina.
  
Hólmsteinn vitnar í viðtal við
Odd Helga sem birtist í Akureyri
vikublaði þar sem sagði að halda
ætti í ytra útlit hússins, „en viður-
kennir að margt annað þyrfti breyt-
inga við. Nú er það svo að sum hús
eru ein heild, en ekki margar ein-
ingar. Sum hús eru byggð fyrir
margskonar starfsemi og hreinlega
hugsuð þannig að auðvelt á að vera
að laga þau að nýrri og ólíkri starf-
semi. En sú lýsing á ekki við um
þetta hús Húsmæðraskólann við
Þórunnarstræti.“
  
Húsasmíðameistarinn heldur
áfram: „Þetta hús er teiknað af þeim
merka manni, Guðjóni Samúelssyni
húsameistara ríkisins. Og þetta hús
er teiknað sem ein heild. Þannig að
þegar einhverju er breytt í því þá
hefur það áhrif á heildina.“
  
„Mörg hús eru listaverk, kannski
öll,“ segir Hólmsteinn. „En listaverk
eru misjöfn; góð og miður góð, og
líka slæm. Sum eru börn síns tíma.
Önnur tímalaus. Þetta hús er lista-
verk sem stenst tímann. Það er
nærri því jafn gott listaverk eins og
þegar það var byggt 1945. Þó ég segi
að það sé nærri jafn gott, þá er engin
ástæða til að skemma það meira.
Frekar ætti að laga þær skemmdir
sem unnar hafa verið. Ég ætla því að
biðja þessu listaverki griða. Biðja
þig, Oddur Helgi Halldórsson og L-
lista fólk að finna þessu húsi hlut-
verk. Hlutverk þar sem hægt er að
nota það og njóta þess eins og það
er. Ekki henda sjálfu listaverkinu,
og skilja bara rammann eftir!!!“
  
Mikil hátíð verður í Hofi á laugar-
daginn í tilefni 90 ára afmælis Karla-
kórs Akureyrar – Geysis. Kristján
Jóhannsson syngur með kórnum,
auk þess sem fram koma fimm ein-
söngvarar, tvöfaldur kvartett og
hljómsveit. Sagan verður rakin í
máli og myndum og m.a. gamlar
myndbandsupptökur spilaðar. Hætt
er við því að gaman verði í Hofi!
  
Aðrir flottir tónleikar verða í Hofi
daginn eftir. Fjöldi listamanna kem-
ur þá fram á samstöðuhátíð og
styrktartónleikum og rennur að-
gangseyrir í söfnun fyrir þá bændur
sem urðu fyrir áföllum í óveðrinu
sem gekk yfir Norðurland í
september.
  
Meðal þeirra sem fram koma eru
söngvararnir Kristján Jóhannsson,
Sigrún Hjálmtýsdóttir og Gissur
Páll Gissurarson og gefa allir lista-
mennirnir vinnu sína. Heiðursgestir
verða forsetahjónin, Ólafur Ragnar
Grímsson og Dorrit Moussaieff, og
mun forsetinn flytja ávarp við þetta
tækifæri.
Morgunblaðið/Skapti Hallgrímsson
Jól í Gilinu Hefðbundnar skreytingar eru komnar upp á gamla Kaupfélagshorninu; stjarnan góða og ljósaskreytingarnar upp með kirkjutröppunum.
Biður merku „listaverki“ griða
„Þetta er bara til
gamans gert.
Tíminn á Ríkis-
útvarpinu var að
mörgu leyti
skemmtilegasti
tíminn í mínu lífi,
fjölbreytt starf
með góðu fólki.
Ég hef í rauninni
alltaf saknað
þess,“ segir Árni
Gunnarsson, fyrrverandi fréttamað-
ur. Hann sýndi gamla takta í fyrra-
kvöld þegar hann stjórnaði þætti á
Útvarpi Suðurlands.
„Þeir nefndu það við mig piltarnir
á Útvarpi Suðurlands, hvort ég vildi
taka að mér klukkutíma þátt. Ég
gleypti agnið og hafði gaman af,“
segir Árni en hann hefur ekki unnið í
útvarpi í 35 ár, eða frá því hann
hætti sem fréttamaður og aðstoðar-
fréttastjóri á Ríkisútvarpinu. Hann
hóf afskipti af stjórnmálum, var um
tíma alþingismaður og síðar fram-
kvæmdastjóri Heilsustofnunar
NLFÍ í Hveragerði. Hann er nú bú-
settur á Selfossi.
„Það var reglulega skemmtilegt
að koma inn í þetta umhverfi sem
maður þekkir ágætlega og tala við
sjálfan sig,“ segir Árni og tekur
fram að hann hafi ekki verið klár á
öllum hlutum og viti því hvað hann
þurfi að bæta í næsta þætti.
„Á besta aldri“
Þátturinn heitir „Á besta aldri“ og
fjallar Árni um málefni eldri borg-
ara, les úr bókum, fær til sín gesti og
leikur tónlist. Sjálfur er Árni „á
besta aldri“, kominn yfir sjötugt og
er vel inni í þessum málefnum því
hann er formaður endurskoð-
unarnefndar almannatrygginga. Þá
vinnur hann ásamt fleirum að því að
koma upp heilsuþorpi á Flúðum.
„Ég hef aldrei haft meira að gera,
kominn á áttræðisaldur,“ segir Árni.
helgi@mbl.is
Árni
Gunnarsson
 Árni Gunnarsson
sýnir gamla takta
Alltaf
saknað
útvarpsins
VG á Akureyri stendur í kvöld fyrir
fundi um líf og lífsbaráttu verka-
kvenna á 20. öldinni.
Andrea Hjálmsdóttir félags-
fræðingur og Margrét Guðmunds-
dóttir sagnfræðingur kynna rann-
sóknir sínar á fundinum, sem
verður haldinn í húsnæði VG við
Brekkugötu á Akureyri og hefst
klukkan 20.
Fundur um sögu
verkakvenna
Þú velur
og draumasófinn þinn er klár
GERÐ (yfir 90 mismunandi útfærslur)
STÆRÐ (engin takmörk)
ÁKLÆÐI (yfir 3000 tegundir)
Sófinn þinn útfærður eftir þínum óskum
Íslensk
framleiðsla
H Ú S G Ö G N
Patti verslun | Dugguvogi 2, 104 Reykjavík
Sími: 557 9510 | Vefsíða: www.patti.is
Torino Lyon Texas
Verslun okkar er opin:
Virka daga kl. 9-18
Laugardaga kl.11-16
Sunnudaga lokað
Dallas 2+tunga
Verð frá 284.900 kr
Basel 2H2
Verð frá 343.900 kr