Morgunblaðið - 15.11.2012, Side 40

40 MENNING
MORGUNBLAÐIÐ FIMMTUDAGUR 15. NÓVEMBER 2012
„Náljóð – Deadlines“ nefnist fyrsta ljóðabók
Breka Karlssonar, en þar má finna stutt ljóð
um frægt fólk sem fallið hefur frá. „Náljóð
eiga það sammerkt að hinir liðnu eru kvaddir
á glaðværan hátt, með kerskni í anda þess
sem ég kynntist þegar ég bjó í Mexíkó, þar
sem dauðanum er fagnað sem eðlilegum
hluta lífsins,“ segir Breki.
Náljóðin eru gefin út í 211 tölusettum ein-
tökum og var útgáfuhátíðin á allraheilagra-
messu eða degi hinna dauðu, 2. dag 11 mán-
aðar, í Suðurgötukirkjugarði. „Þá fjölmenna
mexíkanskar fjölskyldur í kirkjugarða og
fagna með framliðnum, bera fram eftirlætis
mat þeirra, drykki og tónlist,“ segir Breki.
„Ég lærði þar á sínum tíma, heillaðist af
þessum sið og má segja að ég hafi með þessu
verið að kinka kolli til hinna dauðu. Hófið var
í óveðrinu 2. nóvember og merkilegt nokk þá
var blankalogn í garðinum sjálfum.“
Hugmyndin að ljóðunum kviknaði þegar
lafði Díana og Dodi al Fayed féllu frá á vof-
veiflegan hátt árið 1997. „Í stað þess að bera
harm minn á torg lagðist ég undir feld og
samdi mig frá sorginni og þannig varð fyrsta
ljóðið til.“ Það hljóðar svo:
Dódí dó
Dæ dó.
Og það er tvennt við bókina sem Breki er
sérlega stoltur af. „Annað er að þetta er eina
bókin í ár, sem ég veit um, sem Oddi prentar
ekki, þ.e.a.s. Oddi útbjó bókbandið, en ég
stimplaði ljóðin sjálfur í bókina með stimpl-
um sem Ámundi Sigurðsson hannaði fyrir
mig. Hitt er, og það er líklega alheimsný-
næmi, að boðið er upp á hliðrænt niðurhal.
Ég skildi eftir tvær auðar blaðsíður aftast og
á degi hinna dauðu á næsta ári verð ég í Hóla-
vallakirkjugarði og „uploada“ eða stimpla ný
ljóð í bókina.“
Morgunblaðið/Árni Sæberg
Náljóð Breki við myndir af persónum bókarinnar. Kveikt var á kertum þeim til heiðurs.
Náljóð á degi hinna dauðu
 Hliðrænt niðurhal í gamla kirkjugarðinum árlega
Fróðleikur Lestrarfélagið Krummi stóð fyrir
sögugöngu um kirkjugarðinn í tilefni dagsins.
Fallegt rit Heppinn ljóðaunnandi með
Náljóðin í tveimur ólíkum útgáfum.
Silja Björk Huldudóttir
silja@mbl.is
Kristinn Sigmundsson og Víkingur Heiðar
Ólafsson halda útgáfutónleika í Norðurljósasal
Hörpu annað kvöld kl. 20 í tilefni af því að út
kemur hjá Dirrindí tónleikaupptaka (DVD) og
stúdíóupptaka (CD) af Vetrarferðinni eftir
Franz Schubert. Ljóðaflokkinn fluttu þeir á
margrómuðum tónleikum fyrir fullu húsi í Eld-
borgarsal Hörpu sumarið 2011.
„Þetta er Vetrarferðin í tveimur mismunandi
útgáfum. Það er alltaf meiri spenna á tónleikum
heldur en þegar maður getur legið yfir efninu í
stúdíói og sungið aftur og aftur ef eitthvað er
öðruvísi en maður vill hafa það,“ segir Kristinn
um útgáfuna.
Aðspurður um efnisskrá útgáfutónleikanna
segir Kristinn þá Víking hafa valið lög sem
harmóneruðu vel við Vetrarferðina, en ekki hafi
verið inni í myndinni að endurflytja ljóðaflokk-
inn að þessu sinni þó vel komi til greina að gera
það síðar. „Okkur fannst smart að vera með
nýtt prógram í stað þess að spila efnið sem er á
diskinum. Við munum þannig flytja Dichter-
liebe eftir Robert Schumann sem er hans flott-
asti lagaflokkur. Einnig Lieder eines fahrenden
Gesellen eða Söngvar förumannsins sem er
svar Gustavs Mahlers við Vetrarferðinni, en
þetta er fyrsti söngflokkurinn sem hann samdi.
Flokkurinn er yfirleitt fluttur með hljómsveit,
en það er líka til píanóútsetning sem við not-
umst við. Síðustu fjögur lögin eru síðan eftir
Hugo Wolf. Þetta er allt mjög flott músík og
fallegir og skemmtilegir textar.“
Skemmtileg áskorun
Í samtali við blaðamann lýkur Kristinn lofs-
orði á Víking og segir samstarf þeirra sérlega
gefandi og skemmtilegt. „Hann er náttúrlega
mjög snjall píanóleikari og tónlistarmaður. Það
var viss áskorun fyrir mig að flytja Vetrarferð-
ina með Víkingi, því hann hefur svo leitandi
hugarfar og setti spurningarmerki við marga
hluti sem ég gerði og var hættur að spekúlera í.
Ég stóð því frammi fyrir því að þurfa að rök-
styðja af hverju ég gerði hlutina á einn veg en
ekki annan, sem var mjög lærdómsríkt,“ segir
Kristinn og rifjar upp að hann hafi fyrst flutt
Vetrarferðina fyrir tæpum þrjátíu árum. „Þessi
flokkur er toppurinn í ljóðasöngsbókmennt-
unum, því þetta gerist ekki flóknara. Ég held
hins vegar að þetta sé býsna gott hjá okkur þó
ég segi sjálfur frá,“ segir Kristinn að lokum.
„Flott músík og
fallegir textar“
 Fagna Vetrarferðinni með útgáfutónleikum
Morgunblaðið/Ernir
Músíkantar Víkingur Heiðar Ólafsson og Kristinn Sigmundsson leika í Norðurljósum.
Flauta og fantasía er yfirskrift
næstu tónleika í tónleikaröðinni
Klassík í hádeginu sem haldnir
verða í Gerðubergi á morgun,
föstudag, kl. 12:15 og á sunnudag-
inn kemur kl. 13:15. Flytjendur á
tónleikunum eru Áshildur Haralds-
dóttir flautuleikari og Nína Mar-
grét Grímsdóttir píanóleikari, sem
jafnframt er listrænn stjórnandi
tónleikaraðarinnar. Á efnisskránni
eru flautufantasíur eftir Telemann,
Taffanel, Fauré, Jolivet og Borne.
„Fantasían er frjáls í formi og
hefur því nokkra sérstöðu meðal
hefðbundinna formgerða klass-
ískrar tónlistar. Oft eru vinsælar
laglínur uppspretta tónbálka og út-
úrdúra sem hrífa ímyndunaraflið á
flug,“ segir m.a. í tilkynningu.
Að vanda er hverjum tónleikum
fylgt úr hlaði með kynningum flytj-
enda með það markmið að veita
áheyrendum innsýn inn í heim
klassískrar tónlistar. Hver efnis-
skrá tónleikaraðarinnar er flutt
tvisvar, á föstudegi og á sunnudegi,
en lengd hverra tónleika er um 40
mínútur án hlés. Aðgangur er
ókeypis.
Áshildur Haraldsdóttir
Flauta og fantasía
í Gerðubergi
 Tónleikaröðin Klassík í hádeginu
Nína Margrét Grímsdóttir
Akureyringur
Borgari, franskar,
gos og kokteilsósa
1.550 kr.
Nautakjöt, ostur,
tómatar, agúrkur,
jöklasalat, franskar
og hamborgarasósa
Ögurhvarfi 2 • 203 Kópavogi • Sími 567 1770 • Opið alla daga kl. 10 -23