Morgunblaðið - 15.11.2012, Síða 20

20 FRÉTTIRInnlent
MORGUNBLAÐIÐ FIMMTUDAGUR 15. NÓVEMBER 2012
Brimborg Reykjavík: Bíldshöfða 6, sími 515 7000 | Brimborg Akureyri: Tryggvabraut 5, sími: 515 7050 | volvo.is
Brimborg og Volvo áskilja sér rétt til að breyta verði og búnaði án fyrirvara. Útbúnaður og gerð getur verið frábrugðin mynd í auglýsingu.
Volvo XC60 AWD
D4 dísil, 20 ventlar, 5 strokkar, 163 hö, tog
400 Nm, sjálfskiptur. Eldsneytisnotkun í blönd-
uðum akstri 6,8 l/100 km. CO2 179 g/km.
Verð frá 8.890.000 kr.
Helgi Bjarnason
helgi@mbl.is
Ungmennafélag Íslands er að und-
irbúa tillögu að IPA-verkefni Evr-
ópusambandsins til að koma á fót
lýðháskóla á Skógum undir Eyja-
fjöllum. Rangárþing eystra og Mýr-
dalshreppur eru formlegir sam-
starfsaðilar UMFÍ við styrk-
umsóknina en öll sveitarfélögin í
Rangárvalla- og Vestur-Skaftafells-
sýslu standa að baki verkefninu.
Sæmundur Runólfsson, fram-
kvæmdastjóri UMFÍ, segir að Ung-
mennafélag Íslands hafi í mörg ár
undirbúið stofnun lýðháskóla á Ís-
landi. Hann nefnir að slíkir skólar
séu á öllum Norðurlöndunum, einn-
ig á Grænlandi og í Færeyjum.
UMFÍ er í samstarfi við nokkra
lýðháskóla og hefur haft milligöngu
um að koma íslenskum ungmennum
í skóla þar, ekki síst í Danmörku.
Sæmundur segir að mikill áhugi
hafi komið fram í viðræðum við full-
trúa stjórnvalda, meðal annars hjá
menntamálaráðherra, en ekki hafi
verið til fjármagn til að setja í verk-
efnið. Umsókn um IPA-styrk hjá
Evrópusambandinu sé tilraun til að
koma hreyfingu á málið. Markmið
IPA-verkefna sem framkvæmda-
stjórn Evrópusambandsins styrkir
er að undirbúa þátttöku aðila í um-
sóknarlöndum undir mögulega þátt-
töku í uppbyggingarsjóðum ESB
komi til aðildar að sambandinu.
Ólíkt námsefni
Ætlunin er að hefja kennslu í
lýðháskóla á Skógum með 50 til 100
nemendum á aldrinum frá átján ára
til þrítugs. Námsefnið er ólíkt al-
mennum skólum því áhersla er lögð
á verklegt nám, listir, menningu,
umhverfi og íþróttir. Dagarnir
byrja á söng. Lagt er upp úr því að
mynda gott samfélag í skólanum og
að allir nemendur taki þátt í dag-
legum störfum við rekstur hans.
Sæmundur segir að lýðháskóli
geti orðið val fyrir einstaklinga sem
finni sig ekki í almennum fram-
halds- eða háskólum, eða vilji prófa
eitthvað annað í eitt ár. Hins vegar
sé hann ekki hugsaður sem úrræði
fyrir sérstaka hópa. Þá reiknar
hann með að áhugi verði hjá ungu
fólki frá hinum Norðurlandaþjóð-
unum að sækja slíkan skóla á Ís-
landi.
Undirbúa lýðháskóla á Skógum
 Ungmennafélag Íslands sækir um IPA-styrk til Evrópusambandsins til að stofna lýðháskóla
 Sveitarfélögin standa að verkefninu  Valkostur fyrir ungt fólk á aldrinum 18 til 30 ára
Morgunblaðið/Jónas Erlendsson
Forn frægð Héraðsskóli og framhaldsskóli voru í Skógum í fimmtíu ár. Þar
er nú rekið Eddu-hótel á sumrin en húsin ónotuð á vetrum.
Héraðsskóli tók til starfa í
Skógum á árinu 1949 eftir að
Rangárvalla- og Vestur-
Skaftafellssýslur tóku við
stórum hluta jarðarinnar Ytri-
Skóga að gjöf. Héraðsskóli og
síðar framhaldsskóli var þar í
fimmtíu ár.
Þegar ríkið hætti rekstri
Skógaskóla 1989 tóku heima-
menn byggingarnar á leigu í
þeim tilgangi að reka hann
áfram en skólahald lagðist al-
veg af árið eftir.
Hótel Edda rekur sumarhótel
í húsnæði gamla héraðsskólans.
Skóli rekinn
í fimmtíu ár
SKÓGASKÓLI