Morgunblaðið - 15.11.2012, Qupperneq 26

26 UMRÆÐAN
MORGUNBLAÐIÐ FIMMTUDAGUR 15. NÓVEMBER 2012
Margir spyrja hvers
vegna maður með
áherslur á náttúru-
vernd og umhverf-
ismál sé að bjóða sig
fram í prófkjöri
Sjálfstæðisflokksins.
Eru þessi mál ekki
bara eitthvað fyrir
vinstra liðið?
Nei, ekki mínu mati.
Ég hef lengi ferðast
um landið, oft með allan farangur á
bakinu, mat, tjald og svefnpoka. Við
sem þannig njótum útiveru og ferða-
laga lítum ekki á landið með tilfinn-
ingalausum gagnaugunum. Við tök-
um ástfóstri við það, viljum vernda
það og verja. Ekki síst til að börnin
okkar og óbornar kynslóðir geti notið
þess á sama hátt og við gerum.
Kannski hallærislega sagt, en er
þetta ekki rökrétt afstaða?
Vatnsaflið
Ég hef haldið því fram að við þurf-
um að fara varlega í mannvirkjagerð.
Við gætum hæglega breytt Langasjó
og Hólmsárlóni í miðlun fyrir vatns-
aflsvirkjun, hækkað yfirborð Þing-
vallavatns og kaffært hinn forna
þingstað. En þetta gerum við ekki,
við fórnum ekki náttúruperlum eða
sögustöðum til þess eins að safna
kílóvöttum. Ég veit að sjálfstæðis-
menn eru mér sammála.
Það er varla forsvaranlegt að eitt
hundrað árum eftir að Einar skáld
Benediktsson hvatti til vatnsvirkjana
skuli tækniþróunin ekki lengra komin
en svo að enn er land kaffært í vatni
til að gera miðlunarlón fyrir virkjun.
Gufuaflið
Jú, gufuaflsvirkjun
var byggð við Hellisheiði
og menn héldu að nýir
tímar væru framundan.
Flest hefur þó farið í
kaldakol á Kolviðarhóli.
Öll mannvirki þar eru í
hróplegu ósamræmi við
umhverfið.
Stöðvarhúsið lítur út
eins og misheppnuð flug-
stöð, vegir hafa verið
lagðir út um allt, rör liggja sem lýti á
landinu og borholur eru uppi á fjalls-
tindum. Og vegna niðurdælingar
kælivatns verða jarðskjálftar sem
enginn bjóst við eða skilur til hlítar.
Sjálfstæðismenn eru eins og aðrir
landsmenn. Við göngum um fjöllin,
tökum ástfóstri við landið, höfum lært
að njóta þess. Viljum varðveita það
rétt eins og allir aðrir, en við þurfum
að segja það upphátt, taka afstöðu.
Ég vona að sjálfstæðismenn í
Reykjavík séu mér sammála, taki
þátt í prófkjörinu og styðji mig í
sjötta sætið.
Við njótum útiveru
og ferðalaga, tökum
ástfóstri við landið
Eftir Sigurð
Sigurðarson
Sigurður Sigurðarson
» Stöðvarhúsið lítur út
eins og misheppnuð
flugstöð, vegir hafa ver-
ið lagðir út um allt, rör
liggja sem lýti á landinu
og borholur eru uppi á
fjallstindum.
Höfundur er rekstrarráðgjafi og býð-
ur sig fram í 6. sætið í prófkjöri Sjálf-
stæðisflokksins í Reykjavík.
Prófkjöri Sjálfstæð-
isflokksins í Suðvest-
urkjördæmi er lokið.
Niðurstöður voru á
þann veg að sérfræð-
ingar hafa verið kall-
aðir til að meta slaka
kjörsókn og það um-
boð sem þátttakendur
taka með sér. Sér-
fræðingarnir eru hins
vegar merkilega oft
ekki miklir stuðnings-
menn þess sama flokks sem þeir
tjá sig um. Prófkjör eru lýðræð-
isleg aðferð til að sem flestir sem
vilja geti haft áhrif á röðun lista til
kosninga fái þeir einmitt tækifæri
til þess. Prófkjörsleiðin er einnig
mikilvægt tækifæri fyrir ein-
staklinga sem vilja láta til sín taka
á opinberum vettvangi, því hún
opnar þeim leiðir til þátttöku í al-
mannaþágu.
Kjörsókn og þátttaka
Mikil umræða hefur verið um
slaka kjörsókn í
Sjálfstæðisflokknum í
Suðvesturkjördæmi
þó svo að vissulega
hafi hún ekki verið
betri hjá Samfylkingu
í sama kjördæmi þótt
sjaldan sé minnst á
það. En þetta er um-
hugsunarvert fyrir
okkur sem störfum í
flokksfélögum og vilj-
um leggja okkar
vinnu og verk í gegn-
um okkar félög og
flokka. Hugsanlega
þarf að kynna betur þann áhrifa-
mátt sem prófkjör raunverulega
hafa. Tilgangur þeirra og áhrif
þarf betri kynningu á meðal
flokksmanna og annarra áhuga-
samra sem láta sig stjórn lands –
borgar og bæjarfélaga eitthvað
varða. Gefa fólki betri tilfinningu
fyrir mikilvægi þátttöku í próf-
kjöri til jafns á við þegar kosið er
til þings eða í sveitarstjórnir.
Það er erfitt að fá fólk til að
taka virkan þátt í félagsstörfum í
dag, hvort sem um er að ræða for-
eldra- og eða félagastarf á ein-
hvern máta. Fólk er upptekið,
sinnir vinnu og fjölskyldu samhliða
áhugamálum. Það eru ekki allir
eins og ég, sem hef stjórnmál bæði
sem áhugamál og aukastarf og hef
í gegnum það kynnst ógrynni af
frábærum einstaklingum sem
einnig eru að leggja sitt á vog-
arskálarnar til að bæta nær-
umhverfi sitt.
Starfið framundan
Það jaðrar stundum við geggjun
að starfa í pólitík í dag. Orðræðan
er erfið, málin vandasöm og van-
traust er mikið. Rík krafa er um
flekklausa fortíð stjórnmálamanna,
að fólk hafi ekki stundað viðskipti,
ekki rekið fyrirtæki, ekki efnast
og alls ekki tekið þátt í því sam-
félagi sem einkenndi hinn svokall-
aða 2007-lífsstíl. Með þessu er ver-
ið að útiloka ansi stóran hóp
hæfileikaríkra einstaklinga.
Verkefni fulltrúa á næsta þingi
verður meðal annars að endurreisa
traustið sem glataðist við efna-
hagslegt hrun landsins. Ég tel það
verða gert með því að þingmenn
einbeiti sér að stóru verkefnunum
og komi af virðingu hver fram við
annan og takist um leið pólitískt á.
Einnig tel ég að fjölmiðlar verði
að taka til sín hluta af þeim álits-
hnekki sem stjórnmálin hafa beð-
ið. Það offar sem hefur verið beint
gegn einstökum stjórnmálamönn-
um er til ekki sóma og jaðrar við
einelti án annars tilgangs en að
halda sögum á lofti. Fjölmiðlar
bera mikla ábyrgð, við treystum á
að þeir upplýsi okkur á hlutlausan
og ígrundaðan hátt.
Umræður um valta formenn og
slakt umboð eftir nýliðin prófkjör
færa okkur ekki neinn nýjan sann-
leika. Niðurstaða prófkjara er
staðreynd og tekur hver og einn
með sér þann stuðning sem hann
fékk í þeirri kjörsókn sem var.
Það er ljóst að stjórnmálaflokkar
eru að breytast og eftirspurnin
eftir hinum „sterka og heimaríka“
leiðtoga er að dragast saman í öll-
um flokkum, sem betur fer fyrir
okkur sem viljum virkt lýðræði og
heiðarleg skoðanaskipti í stjórn-
málaflokkunum okkar.
Ég vil þakka drengilega
„keppni“ meðframbjóðenda minna
í nýliðnu prófkjöri. Nú ríður á að
taka saman höndum og vinna
kosningar og mun ég heilshugar
standa á bak við mína fulltrúa. Ég
mun ekki láta sérskipaða álitsgjafa
eða sérfræðinga um Sjálfstæð-
isflokkinn trufla mig. Ég horfi á
málefnin og þau verkefni sem
núna blasa við þjóðinni og verður
að hafa snör og ákveðin vinnu-
brögð við þau. Nú dugar ekki
lengur að skipa nefndir og ráð-
gjafahópa. Nú fer að koma tími
ákvarðana og treysti ég á Sjálf-
stæðisflokkinn að vera það afl sem
þarf til þess á komandi vori.
Tími til að halda áfram
Eftir Karen Elísa-
betu Halldórsdóttur
Karen Elísabet
Halldórsdóttir
» Verkefni fulltrúa á
næsta þingi verður
meðal annars að endur-
reisa traustið sem glat-
aðist við efnahagslegt
hrun landsins.
Höfundur er varabæjarfulltrúi, MS í
mannauðsstjórnun og BA í sálfræði.
Heill heimur af ævintýrum
Dr. Daniel Mitchell, skattasérfræðingur
Rökin gegn stighækkandi skatti
Fyrirlestur í Háskólatorgi í Háskóla Íslands, stofu HT-102, föstudag
16. nóvember kl. 12–13
Dr. Mitchell, skattasérfræðingur rannsóknarstofnunarinnar
Cato Institute í Washington-borg, hefur skrifað fjölda bóka og
ritgerða um skattamál. Hann mun gagnrýna þá þróun, sem
varð í skattamálum á Íslandi eftir 2009 með því að setja á
stighækkandi tekjuskatt og auðlegðarskatt, og ræða almenn
rök fyrir einfaldri, gagnsærri og réttlátri skattlagningu.
Fundurinn er öllum opinn og aðgangur ókeypis.
RNH, Rannsóknarsetur um nýsköpun og hagvöxt,
í samstarfi við Samtök skattgreiðenda
Frá eldri borgurum
í Hafnarfirði
Þriðjudaginn 13. nóvember var
spilað á 16 borðum.
Meðalskor var 312. Úrslit urðu
þessi í N/S:
Ásgrímur Aðalsteinss. – Ólöf Hansen 368
Bragi Björnsson – Bjarnar Ingimars. 347
Jóhann Benediktss. – Erla Sigurjónsd. 338
A/V:
Jón H. Jónss. – Sigtryggur Jónsson 402
Kristján Þorlákss. – Haukur Guðmss. 378
Sveinn Gunnlss. – Kristín Jóhannsd. 343
Í stigakeppninni eru þessir efstir:
Bragi Björnsson 193
Bjarnar Ingimars 187
Jóhann Benediktsson 183
Erla Sigurjónsdóttir 166
Sveitakeppni hjá
Bridsfélagi Reykjavíkur
Haustsveitakeppnin (sem kennd
er við Þrjá frakka) er hálfnuð. Fjór-
um kvöldum af átta er lokið. Staða
efstu sveita:
Sveit Lögfræðistofu Íslands 235 stig
Sveit Vís 218 stig.
Sveit Hermanns Friðrikssonar 213 stig.
Nú er mótinu skipt í 2 deildir og
flytjast 3 sveitir milli deilda í lok
hvers kvölds.
BRIDS
Umsjón Arnór G.
Ragnarsson| norir@mbl.is