Morgunblaðið - 15.11.2012, Qupperneq 38

38 DÆGRADVÖL
MORGUNBLAÐIÐ FIMMTUDAGUR 15. NÓVEMBER 2012
Stjörnuspá
21. mars - 19. apríl 
Hrútur Gott næði í sveitinni eða kyrrlátu um-
hverfi gerði þér gott. Einhver vill ná tali af
þér, þú tekur ekki eftir neinu.
20. apríl - 20. maí 
Naut Þú ert eitthvað utan við þig og getur
hæglega týnt sjálfum/sjálfri þér ef þú ert
ekki á verði. Gerðu vinum ljóst að þú meinir
það sem þú segir og að þú munir standa við
orð þín.
21. maí - 20. júní 
Tvíburar Hugur þinn starfar vel í dag og þú
heldur einbeitingunni þar til þú hefur gengið
frá öllum lausum endum. Nákominn ættingi
þarf á stuðningi þínum að halda.
21. júní - 22. júlí 
Krabbi Þú ert sérlega næm/ur fyrir umhverfi
þínu í dag og ættir því að leita uppi fegurðina
í hversdagsleikanum. Fólk sýnir þér mikla
þolinmæði.
23. júlí - 22. ágúst 
Ljón Himintunglin hvetja þig til þess að
stunda hreyfingu, heilsurækt og lestur til
þess að auka þekkinguna. Hlustaðu á aðra
áður en þú kveður upp dóm.
23. ágúst - 22. sept. 
Meyja Þú verður sjaldan of tilfinninganæm/
ur eða skapmikil/l, en í dag verður undan-
tekning á því. Hringdu í konurnar í lífi þínu og
þakkaðu þeim.
23. sept. - 22. okt. 
Vog Þroski felur það meðal annars í sér að
fara eins hægt og þarf til þess að maður geti
verið viss um hvert skref. Brynjaðu þig gegn
utanaðkomandi áhrifum og taktu málin í þín-
ar hendur.
23. okt. - 21. nóv.
Sporðdreki Þú laðast að kvenlegri orku, því
þú þarfnast umhyggju og næringar. Settu
ekki upp hundshaus þótt þér líki ekki allar
hugmyndir sem fram koma.
22. nóv. - 21. des.

Bogmaður Láttu óttann ekki hindra þig í að
ná takmarki þínu. Hnýttu lausa enda varð-
andi tryggingar, erfðamál og sameiginlegar
eignir.
22. des. - 19. janúar 
Steingeit Láttu draumórana ekki ná þannig
tökum á þér að þú hafir ekki hugann við
vinnuna. Farðu vel yfir öll yfirlit. Þú hefur
heppnina með þér í dag.
20. jan. - 18. febr. 
Vatnsberi Hlutirnir ganga oft upp af sjálfu
sér, en það kostar ekkert að leggja sig fram
um að tryggja hagkvæm úrslit. Sæstu við
andstæðinga þína.
19. feb. - 20. mars

Fiskar Það er eins og ekkert gangi upp hjá
þér í dag. Gættu þess að velja ekki bara það
sem þér finnst best henta. Þú færð símtal
sem gleður þig mikið.
Grétar Snær Hjartarson sendiumsjónarmanni góða kveðju:
„Fyrir nokkrum dögum náði ég mér
í Limrubókina og hef haft mikla
ánægju af. Langar til að þakka þér
með limru eftir Mosfellinginn Lárus
Þórðarson.
Fyrir margt löngu bárust menn á
banaspjótum í blóðugri borg-
arastyrjöld í Beirút. Geir Hall-
grímsson var þá utanríkisráðherra.
Varð þá til þessi limra hjá Lárusi.
Þeir eru að berjast í Beirút
svo blíðmælgi þarlendra deyr út,
en til að þeir hætti
þá held ég að ætti
að hóta að senda þeim Geir út.
En að öðru. Fyrir þó nokkrum ár-
um fékk Lárus kransæðastíflu og
var hætt kominn. Eftir að hann rank-
aði við sér kom þessi vísa:
Ég eitthvað af meðvitund missti
er mót gengu örlagaþyrnar
svo ég klappaði uppá hjá Kristi,
en karl setti stól fyrir dyrnar.
Allt fór vel en Lárusi gert skylt að
hætta að reykja vindla. Hann samdi
af þessu tilefni vísu sem hann kallaði
Bjartsýni.
Nú er ég í virku vindlastraffi
svo væntanlega gróa hjartasárin,
en ég má drekka koniak og kaffi
og kvíði engu næstu hundrað árin.
Á Iðunnarfundinum kváðu dætur
Rósu Jóhannesdóttur og Helga Zim-
sens Innipúkavísur eftir föður sinn.
Þær eru fjögurra og sex ára gamlar
og vakti kveðskapurinn mikla hrifn-
ingu. Arnþór Helgason gaukaði vísu
að foreldrunum:
Þessar smáu kvæðakonur
kættu þann sem hlýddi á.
Held ég Rósu og Helga sonur
hljóti að erfa ljóðaþrá.
Sigmundur Benediktsson segir
þær systur, Helgu og Grétu Petrínu,
hafa brætt sitt gamla hjarta. „Þær
eiga svo sannarlega framtíðina fyrir
sér og stórbæta meðalaldur Iðunn-
arfélaga. Vel má sjá hvaða lán það
er fyrir verðandi söng og kvæðafólk
að alast upp í svona fjölskyldu. Ólík-
lega verður sonurinn, Jóhannes Jök-
ull, sem enn er í frumbernsku neinn
eftirbátur þeirra systra þegar fram
líða stundir. Hann er yngsti félagi
Iðunnar. Gekk í það óskírður með
vinnuheitinu ,,Jói“. Að venju kastar
Sigmundur fram hringhendu undir
yfirskriftinni Kvæðadísir:
Hending rís og hljómar nett,
háttinn lýsa knáar.
Krakkavísur kunna létt
kvæðadísir smáar.
Pétur Blöndal
pebl@mbl.is
Vísnahorn
Af limru um Geir, fundi
Iðunnar og kvæðadísum
Í klípu
„FRÁBÆRT MIÐ!
ALGJÖRLEGA EFNI Í TÍST!“
eftir Mike Baldwin eftir Jim Unger
„HANN VAR MJÖG RÓMANTÍSKUR ÞEGAR
VIÐ GIFTUMST, EN ÞÚ VEIST HVERNIG
KARLMENN BREYTAST MEÐ TÍMANUM.“
Hermann
Ferdinand
Hrólfur hræðilegi
Grettir
... að finnast þú alltaf
metin að verðleikum.
HALLÓ? HALLÓ? ODDI ER AFTUR BÚINN AÐ
GLEYPA SÍMANN ÞINN.
ÞÚ ÆTTIR AÐ FALLA Á HNÉN OG
ÞAKKA HEILLASTJÖRNUNUM ÞÍNUM
FYRIR AÐ EIGA SVONA GÓÐA
KONU EINS OG MIG!
VERST AÐ ÞAÐ ER SKÝJAÐ
Í KVÖLD.
Víkverji er enginn James Bond þótthonum finnist hann stundum
hinn mesti kappi. Á dögunum stóð
hann í hópi þar sem rætt var um
skíðaferðir utan svokallaðra skíða-
svæða þar sem ekki eru neinar lyftur
og óvissan og háskinn þeim mun
meiri. Einn sagðist aldrei detta, sama
hvað brekkan væri brött, hann stæði
alltaf í lappirnar … eða skíðin. Annar
lýsti bruni þar sem hann studdi sig
við bera klettaveggi á leiðinni niður.
Víkverji hefur litla reynslu af því að
standa á skíðum, hvað þá renna sér á
þeim og hefur sig hægan þegar aðrir
fara að segja skíðasögur og í þessu
tilfelli fann hann að ef hann opnaði
munninn yrði það aðeins til þess að
afhjúpa að hann væri enginn kappi.
Víkverji sér hins vegar að hlíðar Blá-
fjalla eru orðnar hvítar og brátt geta
skíðaunnendur því væntanlega farið
að hugsa sér gott til glóðarinnar.
x x x
Það vakti mikla athygli þegar leik-arinn Clint Eastwood ávarpaði
tóman stól á flokksþingi repúblikana
og vildi með táknrænum hætti leggja
mat á frammistöðu Baracks Obama á
forsetastóli. Eftir fyrstu kappræðu
Mitts Romneys og Obama var vitnað
í gjörning Eastwoods á forsíðu tíma-
ritsins New Yorkers. Þar birtist
teikning af Romney við ræðupúlt og
stóð tómur stóll við ræðupúltið við
hlið hans. Þá birtist leikarinn Daniel
Day Lewis með tóman stól þegar
hann tók á móti viðurkenningu við af-
hendingu Bafta-verðlaunanna um
helgina. Lewis hefur hlotið lof fyrir
túlkun sína á Abraham Lincoln í
mynd Stevens Spielbergs um forset-
ann. Sagðist Lewis dást að hugrekki
Eastwoods að ákveða að ávarpa tóm-
an stól fyrir framan fullan sal af
ókunnugu fólki. Sér hefði ekki tekist
jafn vel upp, enda ætti hann ýmislegt
ólært miðað við Eastwood.
x x x
Víkverji er í þeim hópi, sem telur aðheimabíó muni aldrei slá út kvik-
myndahúsin og ekki sé hægt að bera
saman að horfa á kvikmynd á tölvu-
skjá og hvíta tjaldinu, ekkert frekar
en samanþjöppuð mp3-skrá leikin í
tölvu kemst í hálfkvisti við hljómplötu
spilaða í alvörugræjum. Í báðum til-
fellum virðast hins vegar tækni-
framfarir hafa dregið úr kröfum um
gæði. víkverji@mbl.is
Víkverji
Verið ávallt glöð í Drottni. Ég segi
aftur: Verið glöð. (Filippíbréfið 4:4)
DREIFARAR • SNJÓTENNUR • SNJÓBLÁSARAR • SLITBLÖÐ
A. Wendel ehf | Tangarhöfða 1 | 110 Reykjavík | Sími 551 5464 | wendel.is
Tæki til
vetrarþjónustu
Stofnað 1957