Morgunblaðið - 24.11.2012, Side 24

Fjöldaframleiðsla Þau eru hvert öðru glæsilegra, húsin sex sem barnabörn og langömmubörn Valdísar gerðu.
Þ
ær Valdís Einarsdóttir og
Anna Jóhannesdóttir
fara misjafna leið að
sama markmiði. Báðar
hafa þær gaman af því að
gera piparkökuhús fyrir jólin en
velja sitthvora leiðina. Þegar mest
var lagði Valdís eldhúsið undir pip-
arkökuhús í margar vikur en þá
hafði hönnunar- og teiknivinna þeg-
ar tekið nokkurn tíma. Anna brá sér
hins vegar út í búð, keypti tilbúið
hús, setti saman og leyfði börnunum
að skreyta samdægurs.
Níu sinnum meistari
Valdís Einarsdóttir hóf „ferilinn“
fyrir 20 árum á því að búa til sælgæt-
ishús sem hún gerði í nokkur ár. Þeg-
ar bökunarvöruframleiðandinn Katla
fór að standa fyrir piparköku-
húsakeppni fyrir jólin fyrir um fimm-
tán árum jókst metnaðurinn til
muna. Hún ákvað strax að taka þátt
af miklum móð. „Ég var einu sinni í
þriðja sæti en vann svo níu sinnum.
Þá fóru þeir hjá Kötlu fram á að ég
myndi draga mig í hlé til að hleypa
öðrum að. Þeir leyfðu mér að taka
þátt sem heiðursþátttakanda sem ég
gerði í tvö ár en síðan hef ég gert pip-
arkökuhús með börnum, barnabörn-
um og barnabarnabörnum án þess að
taka þátt í keppninni“ segir Valdís.
Eldhúsið undirlagt í 3-6 vikur
Síðustu tvö árin hefur farið minni
tími í þetta hjá Valdísi en áður en nú
er eldhúsið „aðeins“ undirlagt í um
tíu daga vegna piparkökuhúsagerð-
ar. Þegar Valdís tók þátt í keppninni
varð hins vegar ekki þverfótað í eld-
húsinu fyrir piparkökuhúsum í 3-6
vikur. Þá er ekki talinn tíminn sem
fór í að hanna og teikna húsin en það
getur einnig tekið talsverðan tíma.
„Í ár reikna ég með að vera bara
með krökkunum eins og síðustu tvö
ár en ég var að koma úr utanlands-
ferð og er ekki byrjuð að undirbúa
neitt ennþá. Hvort tveggja er mjög
skemmtilegt. Það er mjög gaman að
gera svona hluti með krökkunum.
Leyfa þeim að mála og skreyta en
setja svo saman sjálfur. Þegar ég
tók þátt í keppnunum var maður að
vinna í þessu fram á nótt og þurfti að
gera meira sjálf.“ segir Valdís.
Sælgætið gæðaprófað
Það þarf hins vegar ekki endilega
að taka þátt í keppni til að hafa
gaman af hlutunum. Það þekkir
Anna Jóhannsdóttir, kennari sem
hefur í átta ár haft það fyrir hefð að
búa til piparkökuhús með börn-
unum sínum, þeim Einari Birni sjö
ára og Söru Björk 9 ára. Fyrst
gerði hún þetta að mestu ein því
dóttirin sem nú er níu ára var eins
árs þegar þetta var gert í fyrsta
sinn. Hún fer mun auðveldari leið
en Valdís að sama markmiði. Hún
kaupir tilbúið hús í búð og límir
saman með eggja- og flórsyk-
urblöndu, síðan skemmta börnin
sér við að skreyta húsið, setja
„snjó“, og sælgæti á húsið.
„Að sjálfsögðu þarf að gæðaprófa
sælgætið. Það finnst okkur
skemmtilegast og eins að setja
snjóinn,“ segja börnin.
Skemmtileg hefð
Þetta er skemmtileg sam-
verustund með börnunum á aðvent-
unni og krökkunum finnst, að sögn
Önnu, gaman að sjá eitthvað verða
til og taka þátt. „Ég gæti vel hugsað
mér að gefa mér meiri tíma í þetta
næst og gera þá deigið sjálf og jafn-
vel teikna. Það er bara fínt að hafa
þetta svona þegar maður hefur ekki
meiri tíma. Þá þurfa krakkarnir lítið
að bíða,“ segir Anna.
Fjölskyldan er staðráðin í að
halda í þessa hefð en smám saman
hafa börnin tekið meiri og meiri þátt
í piparkökuhúsagerðinni. „Kannski
endar þetta með því að ég þarf ekki
að gera neitt, börnin sjá um þetta
bara,“ segir Anna.
Mætast á miðri leið
Ef til vill mætast Valdís og Anna á
miðri leið í piparkökuhúsagerð. Val-
dís dregur ef til vill enn frekar úr
þeim tíma sem hún ver í þetta og
Anna gefur sér kannski meiri tíma
og þá enda þær á svipuðum nótum.
Það skiptir þó litlu máli svo lengi
sem þær og fjölskyldur þeirra halda
áfram að hafa gaman af þessu og
njóta samverustunda við piparköku-
húsagerð. Niðurstaðan verður sú
sama: Gleði, bara gleði. Annað er
aukaatriði.
Piparkökuhús
Uppskrift frá Valdísi Ein-
arsdóttur sem 9 sinnum vann pip-
arkökuhúsakeppni Kötlu.
150 g sykur
250 g síróp
½ tsk pipar
2 tsk engifer
2 tsk kanill
½ tsk negull
125 g smjör
1 stk egg
2 stk matarsódi
10-12 dl hveiti
Látið suðuna koma upp á sykri,
sírópi og kryddi. Hrærið matarsód-
anum vel saman við. Smjörið hrært
saman við og eggið látið í. Seinast er
ca. 10 dl af hveiti smám saman hrært
saman við.
Nú er hægt að hnoða deigið á borði
og láta meira af hveitinu. Deigið má
fletja strax út eða geyma. Ef þið viljið
geyma deigið þá vefjið plasti utan um
það og látið á kaldan stað.
Sykurbráð
4 dl flórsykur
1 – 1 ½ eggjahvíta, hrært vel
saman.
Litað eftir smekk.
Best er að sprauta sykurbráðinni
úr plastpoka, sem horn hefur verið
klippt af.
Klippið mynstrin fyrst út í smjör-
pappír. Fletjið deigið út og skerið
síðan eftir mynstrunum. Bakið við
ca 175°C. Skreytið húshlutina áður
en þið límið saman. Það er hægt að
nota sykurbráðina sem lím eða brún-
ið sykur á pönnu þar til hann er eins
og karamella.
halldorbach@gmail.com
Ljósmyndir/Halldór Bachmann
Fjölskylda Anna Jóhannesdóttir og þau Sara Björk og Einar Björn Ragnarsbörn ánægð með piparkökuhúsið.
Vandvirk Börnin skreyta hús sem
móðir þeirra er búin að setja sam-
an. Prófa svo gæði sælgætisins.
Leiðbeint Valdís Einarsdóttir hannaði og teiknaði þetta piparkökuhús og
hér segir hún barnabarninu, Líf Kristinsdóttur, hvernig skuli skreyta.
Framkvæmdir Gert klárt. Húsið
tekið úr pakkanum og lagt á borð-
ið. Þá hefst sjálf byggingarvinnan.
Kastali Hús ræningjanna í Kardimommubænum. Ljónið er í búrinu og
ræningjarnir Kasper, Jesper og Jónatan, við húsið. Valdís, Matthías Sæv-
arsson barnabarn og Ólafur Ásgeirsson langömmubarn gerðu húsið.
Gleði, bara gleði
Það er hægt að hafa gaman af piparkökuhúsagerð hvort sem maður
hefur mikið fyrir því eða ekki. Þetta staðfesta Valdís Einarsdóttir sem
níu sinnum hefur unnið í piparkökuhúsasamkeppni og Anna Jóhann-
esdóttir sem aldrei hefur keppt í piparkökuhúsagerð.
24 Jólablað Morgunblaðsins