Morgunblaðið - 24.11.2012, Blaðsíða 34

34 Jólablað Morgunblaðsins
Draumafrí, skemmtisigling
í Karabíska hafið.
Allt innifalið í verðinu.
Frábær gjöf fyrir
alla aldurshópa.
Góð og örugg þjónusta.
Akstur til og frá skipi
á sanngjörnu verði.
www.Floridafri.com
H
netusteikin mín er án
glútens, mjólkur og
eggja og er vinsæl
bæði hjá fjölskyldu-
meðlimum og við-
skiptavinum,“ segir Friðrik V.
Karlsson, matreiðslumaður og eig-
andi Friðriks V. á Laugaveginum.
„Steikin er reglulega á boðstólum
hjá okkur á veitingastaðnum, oftast í
hádeginu og verður það á aðvent-
unni líka.
Ég hef eldað hnetusteikina í mörg
ár en upphaflega hannaði ég upp-
skriftina ásamt meðlæti fyrir góða
vinkonu, sem vildi matreiða ljúffeng-
an mat á aðfangadagskvöld fyrir
tengdadóttur sína sem er grænmet-
isæta. Það þróaðist svo þannig að
rétturinn varð glútenlaus.“
Coca Cola-sósa
Friðrik segist halda í jólahefðir
heima fyrir, bæði í matargerð og að-
ventustússi. „Við höldum í marga
jólasiði í kringum jólakort, skreyt-
ingar, smákökur, laufabrauð og
fleira sem mér finnst vera nauðsyn-
legur partur af jólunum og sameinar
fjölskylduna,“ segir Friðrik og held-
ur áfram:
„Á Þorláksmessu fáum við okkur
alltaf skötu og saltfisk, sem við bjóð-
um upp á á veitingastaðnum. Það
var hefð hjá okkur á Akureyri að
bjóða gestum og gangandi upp á
rjúpusúpu fyrir utan veitingastaðinn
á Þorláksmessukvöld og það munum
við einnig gera á Laugaveginum í ár.
Á aðfangadag borðum við alltaf
humar í forrétt í mismunandi út-
færslum og hamborgarhrygg með
Coca Cola-sósu, jólarauðkáli og
eplasalati; hryggurinn er alltaf eins,
börnin okkar vilja alls engu breyta
þar. Eftirrétturinn er mismunandi
milli ára en þó yfirleitt einhvers kon-
ar ís. Á jóladag er alltaf kalt hangi-
kjöt með laufabrauði, kartöflum og
uppstúf; þetta er hefð frá tengdafor-
eldrum mínum fyrir norðan sem við
höfum haldið í. Gamlárskvöld er
kvöldið til að gera eitthvað nýtt og
frumlegt. Þá erum við aldrei með
það sama og það er enn óákveðið
hvað við eldum að þessu sinni.“
Óvissa á kvöldin
Friðrik og eiginkona hans, Arn-
rún Magnúsdóttir, hættu rekstri
Friðriks V. á Akureyri vorið 2010.
Tóku upp þráðinn þar sem frá var
horfið og opnuðu nýjan veitingastað
undir sömu merkjum við Laugaveg
sl. sumar.
„Við erum ánægð með viðtök-
urnar. Þetta fyrirkomulag, að bjóða
upp á ferskan, léttan mat í hádeginu
og eingöngu þriggja eða fimm rétta
óvissumatseðla, með áherslu á ís-
lenskt hráefni, á kvöldin er greini-
lega það sem fólk kann vel að meta.“
Hnetusteik og meðlæti –
án eggja, mjólkur eða
glútens
fyrir 6-8
2 msk ólífuolía
1 laukur, saxaður
150 g sætar kartöflur
70 g sellerírót
70 g næpa
70 g gulrætur
150 g kartöflur, soðnar
150 g hýðishrísgrjón, soðin
150 g kasjúhnetur, ristaðar
150 g heslihnetur, ristaðar
4 greinar ferskt blóðberg
3 msk tómatmauk
smá chiliduft
smá túrmerik
smá broddkúmen
salt og pipar
Hjúpur
100 g sesamfræ
50 g heslihnetur
50 g kasjúhnetur
Allt maukað saman í mat-
vinnsluvél.
Rífið sætu kartöflurnar, gulræt-
urnar, næpuna og sellerírótina og
svitið í olíunni ásamt lauknum.
Kryddið, bætið tómatmaukinu sam-
an við og látið malla í 10 til 15 mín-
útur, látið síðan kólna. Blandið öllu
hinu hráefninu saman við og hnoðið
vel saman áður en búin eru til buff
úr blöndunni og þeim velt upp úr
hjúpnum. Buffin eru steikt í 200°C
heitum ofni í 30 til 40 mínútur. Þau
má einnig frysta óelduð.
Sinnepssósa
2 msk. gott kornasinnep
2 msk. eplaedik
1 lime, bæði safi og börkur, rifinn
með fínu rifjárni
2 msk eplasafi
2 dl góð jómfrúarólífuolía
Blandið öllu saman með töfra-
sprota eða hristið saman.
Epla- og
rauðrófusalat
1 grænt epli
1 rauðrófa
2 sellerístilkar
1-2 msk. eplaedik
1-2 msk. villiblómahunang
2 kvistar ferskt blóðberg
sjávarsalt
Hrærið saman hunangi og ediki,
rífið epli, rauðrófu og sellerí saman
við og smakkið til með salti og blóð-
bergi. Geymið í kæli í einn til tvo
tíma áður en salatið er borið fram.
beggo@mbl.is
Morgunblaðið/Kristinn
Meistarakokkur Við höldum í marga jólasiði í kringum jólakort, skreytingar, smákökur, laufabrauð og fleira
sem mér finnst vera nauðsynlegur partur af jólunum og sameinar fjölskylduna,“ segir Friðrik V. Karlsson.
Salat Meðlætið er ljúffengt og uppskriftin ekki ýkja flókin.
Hnetusteik Gróður jarðar er uppistaðan og útkoman er afar ljúffeng.
Hefðir að norðan
Á Friðriki V. er á aðventunni matreidd gómsæt hnetusteik án
mjólkur, eggja eða glútens og á Þorláksmessukvöld er gestum og
gangandi boðið upp á rjúkandi rjúpusúpu.