Morgunblaðið - 24.11.2012, Síða 76

76 Jólablað Morgunblaðsins
N
ú fyrir skemmstu opn-
aði Tivoli í Kaupa-
mannahöfn hlið sín,
búið undir jólatíðina
og að þessu sinni er
slegið á ævintýrastrengi rússneskra
jóla og þau látin mæta hinum nor-
rænu. Hinn rússneski jólasveinn
sem nefndur er Faðir Frosti stikar
um á svæðinu og lætur mynda sig í
bláhvítum loðfeldi sínum með gest-
um. Flutt er rússnesk þjóðleg tón-
list, leikin og sungin.
Þjóna óræðum draumi
Umgjörð þessa er litskrúðug eft-
irgerð af dómkirkju sánkti Basils í
Moskvu. Um innviði hennar ekur
lest sem gestir geta tekið sér far
með til að láta koma sér á óvart.
Enga krossa er að sjá á turnspírum
sánkti Basils í Tivoli heldur gefur
þar að líta gyllt
hreindýr. Inn á
milli turnspíranna
stendur síðan hátt
jólatré, lítið eitt
keilulaga, prýtt
marglitum ljósum
sem tendruð voru
af Föður Frosta
er jólatíðin hófst
um miðjan nóv-
ember.
Vetrarstef rússneskra jóla með
gliti og glaðlegum litum er látið
þjóna óræðum draumi í vitund
manns og Snædrottning H.C And-
ersens kemur óvart upp í hugann.
Gervisnjórinn glitrar á sígrænum
trjám og glansandi jólaskreytingar
senda auganu fjörleg ljósblik sín.
Ungir og aldnir ganga um með
barnslega gleði í andliti. Hinir full-
orðnu leitast við að gleðja börnin og
láta eftir sér að gleyma því eitt
augnablik að mest er þetta nú gert
til að nálgast það sem budda þeirra
geymir.
Töfraheimur mætir
hverjum þeim
Ilmur af lakkrís og heimagerðum
brjóstsykri í lögun fyllir vitin. Annan
ilm af smákökum og vöfflum sem
verið er að baka leggur frá kaffihúsi
og austrænan keim af kryddi ber
fyrir nef þegar minnst varir. Í kliði
gangandi mannfjöldans vill svo til að
hljóðin í fólki sem skemmtir sér í
misháskalegum hringekjum berast
eyranu eins og í kvöldstillu þó garð-
urinn sé umlukinn iðandi umferð
stórborgarinnar.
Tivoli er fyrir löngu orðið næsta
samgróið ímynd Kaupmannahafnar;
rétt eins og Sívaliturn eða Litla haf-
meyjan úti við Löngulínu. Lengi enn
munu Íslendingar eins og allra þjóða
kvikindi önnur leggja leið sína um
Tivoli. Það sem fólki mætir ræðst
mjög af sinni og auga þess sem í hlut
á hverju sinni. Sjálfum hefur mér
fundist að í þessum nafnkunna
skemmtigarði sé leitast við að láta
töfraheim ævintýra mæta hverjum
þeim sem þangað kemur sér til
skemmtunar og afþreyingar.
revthorir@hotmail.com
Skilti Vegir liggja til allra átta og Ísland í norðri er ágætt viðmið.
Glóðir Hér er farið að hitna í kolunum og fjör farið að færast í leikinn.
Með gliti og
glaðlegum litum
Tívolí í Köben komið með jólasvip. Rússnesk ævintýri og jólasveinninn er
Faðir Frosti. Töfraheimur, skrifar séra Þórir Jökull Þorsteinsson.
Þórir Jökull
Þorsteinsson
Sveinki Hinn rússneski Faðir Frosti bregður á leik með gestum.
Hringekja Kaupmannahafnarbúar í Tívolí nú á aðventu. Dagskráin er fjölbreytt og svæðið með hátíðarsvip. Tívolí Kastalar og turnspírur eru fagurlega skreyttar jólalitunum.
Ljósm/Þórir Jökull
Ilmur af jólum
Kalkúnakryddið frá Pottagöldrum er ómissandi
á Jólakalkúnann. Uppskrift á pottagaldrar.is