Morgunblaðið - Sunnudagur - 04.11.2012, Qupperneq 46

Viðtal
46 MORGUNBLAÐIÐ SUNNUDAGUR 4.11. 2012
Þ
að er skákborð á skrifstofu
Skúla Mogensens, eiganda
og forstjóra flugfélagsins
WOW. Hann hefur löngum
verið áhugamaður um skák,
tók meira að segja þátt í að
fá Kasparov til landsins á
sínum tíma og hafði ákveðið að fórna manni í
sókn á kóngsvæng er þeir mættust í fjöltefli.
„Kasparov drap manninn ekki í fyrsta leik,
heldur leit á mig og spurði: „Heldurðu að
þetta sé damm?“ Hann drap ekki í öðrum
leik, en í þeim þriðja lét hann sig hafa það og
muldraði: „Hann er hvort sem er dauður.““
Það er nóg að gera í höfuðstöðvum WOW
í Katrínartúni. Skúli er í símanum fyrstu
mínúturnar, en blaðamaður sest og virðir
fyrir sér fjallahjólið við gluggann og fjólublá-
an veitingavagn á hjólum, sem sniðinn er að
mjóum gangi flugvélanna. Í því lýkur símtal-
inu og Skúli segir hressilega: „Blessaður.
Velkominn í vitleysuna!“ Fyrsta spurningin
liggur beint við.
– Ertu kominn þangað sem þú ætlaðir þér?
„Nei, alls ekki. Þetta eru fyrstu skrefin. Nú
er eitt ár liðið frá stofnun félagsins. Vissulega
er yfirtaka Iceland Express mikill áfangi. En
það var aldrei tilgangurinn, þó að hún hafi
legið í loftinu. Ég horfði einfaldlega til ferða-
þjónustunnar í heild sinni, sem skilar 158
milljarða gjaldeyristekjum í þjóðarbúið og
nemur 12% af þjóðarframleiðslu. Ég vildi tak-
ast á við stóra áskorun, sem jafnframt væri
áhugaverð, skapandi og á vaxandi markaði.“
Tækifærin úti á landi
Og hann segir horfurnar bjartar. „Ég hef sagt
að ég sé sannfærður um að hingað komi millj-
ón ferðamenn á ári áður en langt um líður.
Ólafur Ragnar Grímsson skákaði mér og tal-
aði um tvær milljónir. Ég vona að hann hafi
rétt fyrir sér sér. En að sjálfsögðu þarf upp-
byggingin að vera markviss. Ég nefni stund-
um hjólreiðar sem dæmi, en 1,5 milljónir fara
á hverju ári til Skotlands í hjólaferðir. Í raun
er Skotland ekki ósvipað Íslandi, ekki beint
sólarlandastaður, víðfeðmt hálendi og náttúran
hér er að mörgu leyti enn stórkostlegri.“
Og svo er það miðnætursólin! „Ég kynnt-
ist því vel þegar ég hjólaði hringinn í hjól-
reiðakeppni WOW (WOW Cyclothon), sem
er árlegur viðburður í kringum Jónsmessu.
Ég er sannfærður um að við eigum nóg
tækifæri þar, enda eru hjólreiðar umhverf-
isvænar og misskilningur að slíkir ferðamenn
skilji ekki mikið eftir.“
Tækifærin liggja úti á landi, að mati
Skúla. „Það hefur sýnt sig að náttúran er í
fyrsta, öðru og þriðja sæti. Og til þess að
komast upp í eina og hálfa milljón ferða-
manna er nauðsynlegt að ráðast í uppbygg-
ingu á landsbyggðinni og ekki síst held ég að
það séu tækifæri á Austurlandi. Í því sam-
bandi skiptir miklu máli að nálægðin þar er
meiri við Evrópu, flugtíminn skemmri og
fargjöldin því ódýrari. Maður er ekki nema
tvo tíma að hoppa til Evrópu þaðan. Þarna
leynast mikil tækifæri sem gaman væri að
taka þátt í að byggja upp.“
Fékk samúðarkveðjur
Höfuðmálið er að fylgja eftir þeim góða
árangri sem náðst hefur við að lengja ferða-
mannatímabilið og leita leiða til að stækka
kökuna, að mati Skúla. „Svo er augljóslega
gamalgróið flugfélag hérna, sem hefur fengið
að ráða ansi miklu en á mikinn heiður skilið
fyrir að hafa staðið sig frábærlega í að
markaðssetja Ísland. Til samanburðar gerum
við ráð fyrir að sameinað félag velti 9 til 10
milljörðum á næsta ári á meðan Icelandair
muna velta um 80 milljörðum á þessu ári.
Við erum því rétt að byrja.“
– Það hristu eflaust margir höfuðið þegar
þú lagðir WOW til 500 milljónir í sumar og
minntust orða Warrens Buffets: „Hvernig
verðurðu milljónamæringur? Græddu millj-
arð og kauptu flugfélag.“
„Þetta er í fyrsta skipti sem ég legg út í
svona stórt ævintýri, þar sem ég fæ engin
heillaóskaskeyti, hvorki sms né símhring-
ingar, bara samúðarkveðjur!“ segir Skúli og
hlær.
„Ég held að þessa ímynd megi rekja til
þess að lággjaldaflugfélög hafa um allan heim
verið að veita gömlu og þungu flugfélögunum
harða samkeppni og iðulega haft betur.
Ef við horfum á meginlandið velti Ryanair
úr sessi Aer Lingus, Norwegian knésetti SAS
og svo má telja upp flugfélög á borð við ea-
syJet og Virgin, sem hafa gert það að verkum
að gamalgróin flugfélög hafa þurft að minnka
verulega við sig og sum hver horfið af mark-
aðnum. Það kallar auðvitað á fyrirsagnir um
gríðarlegt tap, en Ryanair, Southwest,
JetBlue og easyJet hafa öll skilað hagnaði á
hverju ári síðustu tíu til fimmtán árin.“
Hann segir að sami brandarinn eigi raun-
ar við um fjárfestingar sínar í MP banka.
„Það töldu allir okkur galna að koma með
ferska peninga til Íslands og endurreisa lít-
inn banka. En það hefur tekist vel. Ytra um-
hverfið hefur líka þróast í rétta átt, en það
er mun jákvæðara en fyrir átján mánuðum
þegar við létum slag standa.“
Pólitískt getuleysi
Í viðtali sem ég átti við þig þegar tilkynnt
var um þá ákvörðun gagnrýndir þú stefnu-
leysi stjórnvalda.
Skilyrði að vinnan
sé skemmtileg
TÆKIFÆRIN LIGGJA ÚTI Á LANDI, AÐ SÖGN SKÚLA MOGENSENS, SEM SEGIR FERÐAMENN SÆKJA FYRST OG FREMST Í ÍSLENSKA
NÁTTÚRU. HANN KEMUR VÍÐA VIÐ OG TALAR UM UPPBYGGINGU Á AUSTURLANDI, PÓLITÍSKT GETULEYSI, ÓVISSUNA SEM VIÐ-
SKIPTALÍFIÐ BÝR VIÐ, NÝJA FLUGFLOTANN, FERÐINA Á GRÆNLANDSJÖKUL OG MARGT FLEIRA.
Texti: Pétur Blöndal pebl@mbl.is Ljósmyndir: Kristinn Ingvarsson kring@mbl.is Ragnar Axelsson rax@mbl.is