Morgunblaðið - Sunnudagur - 18.11.2012, Qupperneq 2

2 MORGUNBLAÐIÐ SUNNUDAGUR 18.11. 2012
Benedikt Erlingsson leikari kom
með umhugsunarverða ábend-
ingu í síðasta þætti af Dans dans
dans þegar hann var gestadómari
í þættinum. Hann sagði það sem
margir áhorfendur hugsuðu þeg-
ar hann setti spurningarmerki
við þankagang danspars sem
setti á svið dramatískt dansleik-
hús byggt á nautabanadansinum
paso doble (fyrir þá sem ekki sáu
þáttinn er hægt að horfa á
www.ruv.is/dans og fletta upp
þættinum frá 10. nóvember).
Dómarar drógu ekki dans-
hæfni parsins í efa og það er
heldur ekki gert hér, en líklega
hafa fleiri áhorfendur en Bene-
dikt sett upp kynjagleraugun og
klórað sér í hausnum yfir svið-
settu drápi á kvendansaranum,
eggjandi sporunum og kynferðis-
legum skírskotunum í dansinum,
ekki síst í ljósi þess að stór hluti
áhorfenda þessa vinsæla þáttar
er börn.
Þótt engin ástæða sé til að
kveða upp harða dóma yfir þessu
hæfileikaríka unga danspari var
það virðingarvert hjá Benedikt
að velta því upp hvað býr að baki,
hvernig svona dansútfærsla verð-
ur til. Ef til vill hafa dansararnir
hugsað sinn gang. Hinir dómar-
arnir virtust þó ekki höndla það
vel að Benedikt skyldi færa um-
ræðuna á þetta stig og gripu til
hláturs til að reyna að drepa mál-
inu á dreif og halda áfram.
Eftir að hafa horft á þáttinn í
félagsskap tveggja leikskóla-
barna sem reyndu eftir bestu
getu að leika eftir allt sem fyrir
augu bar sat eftir hjá undirrit-
aðri spurningin: Þarf allt að vera
sexí? Þarf í alvörunni sex og þarf
morð í dansþátt þjóðarinnar?
Þessar hugsanir fylgdu inn í
morgunumferðina í Ártúnsbrekk-
unni á mánudag þegar leið sex
þaut fram úr, merkt í bak og fyr-
ir nýju slagorði fyrirtækisins:
Strætó er sexí.
RABBIÐ
Þarf allt að vera sexí?
Eyrún Magnúsdóttir
Í nepjunni og blæstrinum sem gengið hefur yfir landið upp á síðkastið getur verið gulls ígildi að leita skjóls á hlýju kaffihúsi, svo sem þessi glaðbeitti maður
hafði gert í vikunni á Café Paris við Austurvöll, þegar Ómar Óskarsson, ljósmyndari Morgunblaðsins, átti leið hjá. Vel lá á hinum kaffiþyrsta gesti og hafði
létt lundin smitandi áhrif á þjóninn, nema það hafi verið á hinn veginn. Um hvað skyldu þeir annars hafa verið að tala? Varla veðrið, það kallar sjaldan
fram slík viðbrögð á þessum árstíma, nema menn hafi þeim mun meiri áhuga á djúpum lægðum og vatnsbörðum byggingum. Ekki hafa þeir heldur verið
að spjalla um pólitík, slíkur gleðigjafi er hún ekki, tíkin sú arna. Þá stendur bara eitt eftir sem þessi þjóð talar um að staðaldri, bækur. Jólabókaflóðið er
skollið á af umtalsverðum þunga og yfir því er sannarlega ástæða til að gleðjast og gantast við náungann. Blindur er bóklaus maður. orri@mbl.is
AUGNABLIKIÐ
Morgunblaðið/Ómar
MAÐUR ER MANNS GAMAN
VIÐMÓT GETUR SKIPT MIKLU MÁLI Í MANNLEGUM SAMSKIPTUM OG STIMAMJÚKIR ÞJÓNAR ERU ALLTAF LÍKLEGRI
TIL AÐ NJÓTA VELVILJA OG VIRÐINGAR VIÐSKIPTAVINA SINNA EN ÞEIR SEM ERU AFUNDNIR OG ÖNUGIR.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Útgefandi Óskar Magnússon
Ritstjórar Davíð Oddsson, Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hvað? Framhaldsprófstónleikar Stef-
áns Ólafs Ólafssonar klarinettuleikara.
Hvar? Salurinn, Kópavogi.
Hvenær? Laugardag kl. 17.
Framhaldsprófstónleikar
Hvað? Valur-HK.
Hvar? Vodafonehöll-
in.
Hvenær? Laugardag
kl. 15.
Nánar? Hörkuslagur
í N1-deild karla. Valur er í 6. sæti deild-
arinnar en HK í því 7.
Handbolti
Í fókus
VIÐBURÐIR HELGARINNAR
Hvað? Leiksýningin Tveggja þjónn.
Hvar? Þjóðleikhúsið, Stóra svið.
Hvenær? Laugardag kl. 19.30.
Nánar? Leikarar: Jóhannes Haukur Jó-
hannesson, Ólafía Hrönn Jónsdóttir,
Örn Árnason, Eggert Þorleifsson o.fl.
Tveggja þjónn
Hvað? Óperan Il
Trovatore eftir Gius-
eppe Verdi.
Hvar? Eldborg,
Hörpu.
Hvenær? Laugardag
kl. 20.
Nánar? Í helstu hlutverkum eru Jóhann
Friðgeir Valdimarsson, Hulda Björk
Garðarsdóttir, Alina Dubik, Elsa Waage
og Viðar Gunnarsson.
Il Trovatore
Hvað? Nýr Mercedes Benz A-Class
frumsýndur.
Hvar? Bílaumboðið Askja.
Hvenær? Laugardag kl. 12-16.
Mercedes Benz A-Class
Hvað? Rokktónleikar.
Hvar? Silfurberg, Hörpu.
Hvenær? Laugardag kl. 20.
Nánar? Magni, Eyþór Ingi, Páll Rósin-
kranz, Pétur Guðmunds og Biggi Har-
alds flytja klassísk rokklög.
Rokkveisla
* Forsíðumyndina tók Golli.