Morgunblaðið - Sunnudagur - 18.11.2012, Page 18

S
igurður Guðmundsson og
Bragi Valdimar Skúlason
fóru í fylgd Memfismafí-
unnar til Kúbu í sept-
emberlok þar sem tekin var upp
ellefu laga plata, Okkar menn í
Havana. Þeir voru ánægðir með
ferðina og ekki síður afrakstur
hennar en platan kom út fyrir
helgi. Með í för voru Guðmundur
Kristinn Jónsson sem stjórnaði
upptökum, Samúel Jón Samúels-
son og Tómas R. Einarsson.
Tómas kom þeim í kynni við góð-
an hóp hljóðfæraleikara sem spila
á plötunni en þetta var í áttunda skipti sem Tómas heimsækir landið svo
hann var líka sjálfskipaður fararstjóri. Heimildarmynd, sem var tekin á
Kúbu, fylgir útgáfunni. Sigurður Guðmundsson og Memfisamfían hafa áð-
ur sent frá sér tvær plötur, Oft spurði ég mömmu og jólaplötuna Nú
stendur mikið til.
Hljóðverið Egrem er gamalt og sögufrægt, eins og svo margt annað á
Kúbu, og er til húsa í miðbæ Havana. „Við vorum innilokaðir í átta tíma á
dag í heila viku. Loftræstingin var biluð í upptökusalnum. Strákunum var
sjúklega heitt á meðan við Kiddi vorum að drepast úr kulda í upptöku-
stjórninni,“ segir Bragi en á kerfinu var bara ein stilling. „Þetta var eins
og að vera í mjólkurkælinum í Bónus.“
Í svitakófi allan daginn
„Við unnum frá tíu á morgnana til fimm, sex á daginn, en í þessum hita er
ekki hægt að vinna mikið lengur. Maður var í svitakófi meira og minna
allan daginn,“ segir Siggi en vinnuaðferðin reyndist vel. „Við fórum út
með lög í farteskinu og ákváðum að vinna plötuna þarna úti. Við komum
heim með nánast fullunna plötu og það þurfti ekki mikið að snurfusa,“
segir Bragi.
Greinilegt er að ferðin hefur haft mikil áhrif á þá þótt þeim hafi litist
misvel á það sem bar fyrir augu. „Við vorum í miðborg Havana og fórum
þar um. Tommi, Sammi og Siggi höfðu komið áður og lóðsuðu okkur á
réttu staðina. Við fórum ekki í mikinn túrisma en skoðuðum svolítið
krárnar. Og löbbuðum heilmikið um. Tókum svona „light“ túristapakka á
þetta,“ segir Bragi. „Áreitið þarna er svakalegt. Það eru allir að selja þér
vindla eða frænkur sínar eða allt þar á milli,“ segir hann. „Ég hef aldrei
lent áður í því að labba út úr leigubíl og þar standa strax tveir menn að
bjóða mér bíl. Það er það skrýtnasta sem ég hef lent í.“
„Bragi komst vel að orði á svona þriðja, fjórða degi þegar hann var bú-
inn að átta sig á því hvernig honum leið,“ segir Siggi og Bragi útskýrir.
„Mér leið eins og hraðbanka! Það voru allir að reyna að taka pening út
OKKAR MENN Í HAVANA
Bara ein
Kúba
SIGURÐUR GUÐMUNDSSON, BRAGI VALDIMAR SKÚLASON
OG FÉLAGAR ÞEIRRA Í MEMFISMAFÍUNNI FÓRU MEÐ LÖG Í
FARTESKINU TIL KÚBU Í SEPTEMBERLOK.
Inga Rún Sigurðardóttir ingarun@mbl.is
Siggi í mögnuðum fé-
lagsskap en heimamenn
voru jafnan ánægðir með
skeggið hans.
Stund milli stríða. Tómas kælir sig í
loftkælda upptökuklefanum.
Bragi kominn í „hljómsveitarbúninginn“;
skærgula skyrtu að kúbönskum hætti.
*Við sáum einaauglýsinguþarna og hún var
fyrir Maggi-súpur
og var utan á bíl.
Sammi á bókamarkaði í Havana. Úrvalið var ekki mikið og samanstóð mest-
megnis af bókum um Che Guevara eða Fidel Castro.
18 MORGUNBLAÐIÐ SUNNUDAGUR 18.11. 2012
Ferðalög og flakk
NÚNA
30.000
KR. AFSLÁTTUR
UMBRIA 2 sæta sófi. B:180 D:87 H:80 cm. 3
sæta: B:250 D:88 H:78 cm. Tungusófi: B:250 D:87
H: 80 T: 163 cm. Einnig til tungusófi XL. Þrír litir.
149.990
VERÐ FRÁ: 169.990
TVEGGJA SÆTA B:180 CM
169.990
VERÐ FRÁ: 189.990
ÞRIGGJA SÆTA B: 220 CM
219.990
VERÐ FRÁ: 249.990
TUNGUSÓFI
NÚNA
20.000
KR. AFSLÁTTUR
H Ú S G AG N A H Ö L L I N • B í l d s h ö f ð a 2 0 • Re y k j a v í k • s í m i 5 5 8 1 1 0 0 O P I Ð V i r k a d a g a 1 0 - 1 8 , l a u g a rd . 1 1 - 1 7 o g s u n n u d . 1 3 - 1 6
HÚSGAGNAHÖLLIN – fyrir lifandi heimili
OPIÐ
ALLA
HELGINA!
12 MÁNAÐA
VAXTALAUS
LÁN
SÓFAR