Morgunblaðið - Sunnudagur - 18.11.2012, Side 24

*Heimili og hönnunVeggljós, loftljós og lampar af öllum stærðum og gerðum geta nýst í að lýsa upp skammdegið »26
A
ð mörgu var að huga við hönnun staðarins í upp-
hafi en við vildum að aðaláherslan væri á
skemmtilega upplifun,“ segir vöruhönnuðurinn
Marý um útgangspunktinn við hönnun Noodle
Mama – veitingastaðarins í Stokkhólmi. „Að sama skapi
vildum við að staðurinn væri aðlaðandi og þannig að hann
byði fólk velkomið þó svo að það
staldraði ekki lengi við eins og
vaninn er með skyndibitastaði,“
bætir hún við.
Lagði Marý fljótlega ákveðna
hugmynd að innréttingum og
stemningu fyrir eigendurna Árna
Þór Vigfússon, Mariko Margréti
Ragnarsdóttur og Grétar
Berndsen, sem strax tóku vel í
þær en þau tóku einnig virkan
þátt í öllu ferlinu. Hefur hug-
myndin fengið að halda sér nokk-
uð óbreytt frá byrjun auk þess sem
ýmislegt sniðugt hefur bæst við sem ekki var fyrirséð í
upphafi.
Nafngiftin Noodle Mama lá fljótlega fyrir og í kjölfarið
þróaði Marý hugmyndina að merki staðarins. Var auðséð
að það, sem og öll önnur hönnun, yrði undir asískum
áhrifum en Noodle Mama sérhæfir sig í hollum japönskum
soba-núðluréttum.
„Noodle Mama-merkið þurfti að hafa
margt til að bera. Hún býður alla vel-
komna, er glaðleg, pínu fyndin og per-
sónuleg auk þess að sem merki þurfti
hún að vera fersk, girnileg og áberandi,“
segir Marý. Þykir hafa tekist afar vel til
en merkið þykir ná að fanga vel
stemninguna sem lagt
var upp með. Auk þess
hefur ýmislegt annað
skemmtilegt þróast út frá
merkinu að sögn Marýar,
sem komið hefur bæði
henni og eigendunum
skemmtilega á óvart.
„Árna Þór, einum eig-
andanum, datt t.d. í hug
að búa til ævintýri með
þessum þremur per-
sónum; núðlu-mömmunni og
krökkunum tveimur. Ég þróaði hugmyndina
síðan í þá átt sem síðar varð, þ.e. að setja
Noodle Mama og fjölskyldu í ýmsar þekktar
aðstæður,“ segir Marý. Í góðra vina hópi komu
upp hugmyndir að tilbrigðum við ýmsar kvik-
myndir, skáldverk og annað sem Marý notaðist
síðar við. Varð úr að til urðu veggskreytingar
sem sýndu fjölskylduna m.a. ganga yfir Abbey
Road að hætti Bítlanna o.fl. Veggskreyting-
arnar þróuðust yfir í bakka sem vakið hafa
athygli viðskiptavina auk þess sem Marý
hannaði allar umbúðir, skilti og boli fyrir
starfsfólk auk ýmissa merkinga fyrir staðinn.
Þá tók hún einnig þátt í hönnun allrar
skjágrafíkur, heimasíðu, lýsingar og ann-
arra nauðsynlegra þátta.
Þótt stutt sé síðan Noodle Mama var
opnaður mælist staðurinn þegar vel fyrir
en fjallað hefur verið um hann á ýmsum
sænskum miðlum. Þykir hann fersk og
spennandi nýjung á sænska skyndibita-
markaðnum.
Marý, sem búið hafði í Svíþjóð frá árinu
2008, flutti nýverið til Los Angeles, þar
sem hún nú býr og starfar. Þrátt fyrir að
vera komin yfir á vesturströnd Banda-
ríkjanna hefur hún samt ekki sagt skilið
við Noodle Mama. Sinnir hún áfram
hönnun fyrir staðinn eins og þarf og
heldur góðu sambandi við Stokkhólm.
Vinnur hún þessa dagana að hönnun
ýmiss konar kynningarefnis fyrir No-
odle Mama auk þess að sinna eigin
hönnun og öðrum verkefnum.
Skiltin sem benda á salerni staðarins.
NÚÐLUMAMMAN BÝÐUR ALLA VELKOMNA
Íslensk hönnun í
Stokkhólmi
FYRIR SKÖMMU VAR OPNAÐUR Í STOKKHÓLMI JAPANSKI NÚÐLUSTAÐURINN NOODLE
MAMA, SEM ER Í EIGU ÍSLENDINGA. AUK ÞESS SEM EIGNARHALDIÐ OG HUGMYNDIN ERU
ÍSLENSK VAR VÖRUHÖNNUÐURINN MARÝ FENGIN TIL AÐ SJÁ UM ALLA HÖNNUN STAÐ-
ARINS, JAFNT AÐ UTAN SEM INNAN OG NIÐUR Í HINA ÝMSU SMÁHLUTI.
Gunnhildur Ásta Guðmundsdóttir gunnhildur@mbl.is
Hönnuðurinn
Marý (t.v.) og
vinkona hennar,
Anna Leck-
ström, gæða sér
á Soba-núðlum.
Léttur og skemmtilegur andi svífur yfir vötnum á Noodle Mama.