Morgunblaðið - Sunnudagur - 18.11.2012, Page 28

að taka mjög svo ódýran bita af kjöti sem flestir hefðu ekki
nennt að nota og umbreyta honum í dásemd fyrir bragðlauk-
ana,“ segir Ragnar.
Áhugann á eldamennskunni má rekja til foreldra Ragnars
sem eru miklir matgæðingar. Ragnar segist svo hafa haldið
áfram af aðeins meiri þráhyggju en þau. Mataráhuginn er svo
smám saman að smitast til tveggja eldri barna Ragnars sem
eru orðin liðtæk sem aðstoðarmenn í eldhúsinu.
Íslenska lambakjötið er í miklu uppáhaldi hjá honum og þá
sérstaklega framparturinn sem hann segir besta bita sem hægt
sé að komast í. „Ég hef verið svo heppinn að fá reglulegar
heimsóknir og þá er þetta flutt til mín. Ég tek lambakjötsbita
upp í leigu og uppihald. Þeir sem heimsækja okkur vita að það
er nauðsynlegt að koma annaðhvort með íslenskt lamb eða
smjör sem gjaldmiðil fyrir gistingu,“ segir Ragnar.
LÆKNIRINN Í ELDHÚSINU
Frampartur besta kjötið
HANN BÝR Í LUNDI ÁSAMT KONU SINNI OG ÞREMUR BÖRNUM, ER SÉRFRÆÐINGUR Í LYFLÆKNINGUM,
LAUK NÝLEGA NÁMI Í GIGTARLÆKNINGUM OG HEFUR EINNIG VERIÐ TITLAÐUR ÁHUGAKOKKUR. SÁ
TITILL DUGAR SKAMMT TIL AÐ FANGA ÁSTRÍÐU RAGNARS FREYS INGVARSSONAR FYRIR MATSELD.
Signý Gunnarsdóttir signy@mbl.is
Ragnar Freyr ásamt syni sínum Vilhjálmi Breka sem er orðinn
ansi liðtækur í eldhúsinu þrátt fyrir ungan aldur.
*Matur og drykkir Undir merkjum hráfæðis má reiða fram dýrindis kökur og sætindi segir Sólveig Eiríksdóttir »30
MAROKKÓSKUR
LAMBAFRAMPARTUR
1 lambaframpartur
2 kúfaðar tsk. brodd-
kúmen
2 kúfaðar tsk. kóríander-
fræ
1 tsk. súmak
2 hvítir laukar
2 gulrætur
2 sellerístangir
4 hvítlauksrif
2 kanilstangir
15 döðlur
300 ml vatn
salt
pipar
jómfrúarolía
Byrjið á því að rista brodd-
kúmenið og kóríanderfræin
á heitri, þurri pönnu í um
það bil hálfa mínútu. Færið
svo fræin yfir í mortél ásamt
grófu salti og súmaki. Skerið
niður laukinn, gulræturnar
og sellerístangirnar og setjið
í botninn á ofnpotti. Setjið
yfir skvettu af olíu og svo salt
og pipar. Blandið öllu vel
saman. Leggið síðan fram-
partinn ofan á, þið gætuð
þurft að skera hálsinn af til
að koma bitanum í fatið.
Nuddið síðan kjötinu fyrst
upp úr jómfrúarolíu og síðan
kryddblöndunni. Saltið síðan
og piprið. Bætið síðan hvít-
lauksrifjunum ofan á lærið og
setjið kanilstangir með kjöt-
bitanum. Setjið vatnið í botn-
inn á pottinum, lokið og setj-
ið inn í forhitaðan ofn á 170
gráður í fjórar klukkustundir.
Þegar ein klukkustund er eft-
ir af eldunartímanum setjið
þið döðlurnar í botninn með
grænmetinu.
KÚSKÚS-SALAT
kúskús
grænmetissoð
½ kúrbítur
5 sveppir
½ laukur
10 döðlur
70 g fetaostur
hvítlauksolía
fersk steinselja
Byrjið á því að setja kúskúsið
í skál og hellið síðan græn-
metissoði saman við. Setjið
plastfilmu yfir og látið standa
í fimm mínútur. Þá skerið þið
niður kúrbítinn, laukinn og
sveppina og steikið því næst í
hvítlauksolíunni. Saxið síðan
döðlurnar í bita. Blandið
steikta grænmetinu og döðl-
unum saman við kúskúsið.
Saltið og piprið. Setjið að
lokum mulinn fetaostinn
saman við og skreytið með
ferskri steinselju.
JÓGÚRTSÓSA
200 ml grísk jógúrt
2 hökkuð hvítlauksrif
½ tsk. broddkúmen
2 tsk. sykur
2 tsk. hlynsíróp
sítrónusafi
salt
pipar.
Allt hrært saman.
Þ
að er svo stór hluti af áhugamálinu að sitja við og lesa
matreiðslubækur og horfa á matreiðsluþætti. Þetta er
bara eins og að stunda golf. Þannig að þegar ég kem
heim úr vinnunni og vil slappa af þá sest ég með mat-
reiðslubók og glugga í gegnum hana til að fá góðar hugmyndir.
Einhver myndi kalla þetta slökunaraðferð,“ segir Ragnar Freyr
Ingvarsson sem heldur úti heimasíðunni laeknirinnieldhusinu.com.
Hann á þúsundir aðdáenda, bæði íslenska og erlenda sem láta sig
dreyma um að vera jafn færir með hráefnið og hann. Draumur
aðdáendanna kemst eflaust nær því að rætast á næsta ári en
Ragnar stefnir á að gefa út matreiðslubók fyrir jólin 2013.
„Núna er ég mjög upptekinn af því að elda gamaldags klass-
ískar uppskriftir eins og coq au vin, andabringur, bernaise-sósu
og þvíumlíkt. Mikið af þessum mat er langeldað og það finnst
mér alveg ofboðslega gott. Það er fátt meira verðlaunandi en
*Langeldaðurmarokkóskurlambaframpartur
með kúskús-salati
og jógúrtsósu