Morgunblaðið - Sunnudagur - 18.11.2012, Síða 42

*Fjármál heimilannaÞað getur kostað sitt að reka bíl en að mati Brynhildar Pétursdóttur er bíll ekki nauðsynlegur
Í síðustu pistlum frá Stofnun um fjármálalæsi hefur nokkuð verið fjallað um neysluvenjur Íslendinga og hefur veriðnotast við upplýsingar úr Meniga-hagkerfinu. Í dag er fjallað um fyrirbærið Meniga, hvað það er og hvernig þaðgetur hjálpað fólki að ná betri yfirsýn yfir heimilisfjármálin á einfaldan og skemmtilegan hátt.
Meniga er heimilisfjármálahugbúnaður sem byggist á nýjustu netttækni og auðveldar fólki að stjórna heimilisfjár-
málum sínum og í framhaldinu nýta peninga sína á sem bestan máta. Meniga flokkar sjálfkrafa allar færslur af banka-
reikningum og greiðslukortum óháð viðskiptabönkum og jafnvel færslur frá mörgum
bönkum. Þannig fær fólk góða yfirsýn yfir fjármálin sín á myndrænan og skýran hátt.
Meniga aðstoðar notendur við gerð fjárhagsáætlana, en byggt á fjárhagssögu notenda
eru gerðar sjálfkrafa áætlanir. Standi vilji til breytinga geta notendur á einfaldan hátt
breytt þeim áætlunum og til dæmis sparað við sig í ákveðnum vöruflokkum. Þá er hægt að
fá sendar reglulegar tilkynningar í tölvupósti um hvernig gengur að fara eftir áætlununum
og fá þannig aðhald.
Notendur geta borið sig saman við hópa annarra notenda, til dæmis við þá sem búa í
sama póstnúmeri, eru á sama aldursbili eða tilheyra sömu fjölskyldustærð. Með því að læra
af neyslumynstri annarra opnast ýmis tækifæri til breytinga á neysluvenjum sem dregið
geta úr kostnaði og bætt fjárhag heimilisins. Einnig geta notendur tekið krossapróf með
tölum úr eigin bókhaldi og þannig komist að því hversu vel þeir þekkja eigin fjárhag.
Meniga fór fyrst í loftið árið 2009 og hefur hlotið margvísleg verðlaun og viðurkenningar.
Núna nota 21,3% íslenskra heimila Meniga til að stjórna 850.489.341.000 kr. Fyrirtækið er orðið leiðandi á sínu sviði í
Evrópu og stefnir á að hugbúnaðurinn verði aðgengilegur um fjórum milljónum manna um allan heim á næsta ári.
Gagnaöryggiskröfur og aðgangsstjórnun Meniga jafnast á við bankaöryggi. Ennfremur er aldrei unnið með per-
sónugreinanleg gögn í tölfræðilegum samantektum. Meniga er ókeypis fyrir notendur og er í samstarfi við helstu við-
skiptabanka og kortafyrirtæki. Hægt er að fá frekari upplýsingar um Meniga á www.meniga.is. Höfundur situr í ráð-
gefandi stjórn Meniga.
Aurar og
krónur
HVAÐ ER ÞETTA MENIGA? TÖLURNAR Á BAKVIÐ MENIGA
21,3% íslenskra heimila nota Meniga til að stjórna
850.519.189.000 kr.
Til samanburðar er gert ráð fyrir
að heildartekjur ríkissjóðs í ár verði
533.200.000.000kr.
eða 63% af Meniga hagkerfinu
og verg landsframleiðsla 2011 var áætluð
1.626.335.000.000 kr.
BREKI
KARLSSON
B
rynhildur Pétursdóttir og
Guðmundur H. Sigurðarson
á Akureyri höfðu velt því
fyrir sér að prófa að vera
bíllaus um tíma, en höfðu sig ekki í
það á meðan enn þurfti að skutla
börnunum reglulega á íþrótta-
æfingar. Svo gafst óvænt tækifæri.
Eftir að ekið var á bílinn vildi
tryggingafélagið kaupa hann.
„Krakkarnir eru orðnir 18 og 15 ára
og engin vorkunn að ganga eða
hjóla lengri vegalengdir og því
ákváðum við að láta á þetta reyna,“
segir Brynhildur.
Daginn sem hún skilaði bílnum
var Brynhildur í hálfgerðu áfalli,
„því maður er svo háður bílnum;
mér fannst eins og verið væri að
rífa af mér tvo fingur!“
Hjónin vildu spara en jafnframt
temja sér hverfisvænni lífsstíl. „Ak-
ureyringar keyra ótrúlega mikið
þrátt fyrir stuttar vegalengdir. Við
litum á þetta sem tækifæri til að
„afbílast“ og þegar við síðan kaup-
um nýjan bíl munum við vonandi
nota hann skynsamlegar.“
Brynhildi reiknast svo til að fjöl-
skyldan spari 40 þúsund krónur á
mánuði að minnsta kosti, þegar gert
er ráð fyrir rekstrarkostnaði. Það
er tæp hálf milljón á ári. Sjá má
tölur frá FÍB varðandi meðaldýran
bíl á grafinu til hliðar.
„Þetta er miklu auðveldara en ég
hefði trúað. Þegar fólk þurfti að
skipta um dekk eða moka bílana úr
skafli gekk maður bara af stað í
vinnuna! Við búum á góðum stað,
það er stutt í allt á Akureyri og svo
er frítt í strætó. Það er helst að
börnin séu stundum óhress, finnist
það kjánalegt að eiga ekki bíl og
finnist við pínu lúserar!“
Þau áttu Skoda Octavia 2004.
„Það er góður bíll sem við vorum
ákveðin í að keyra út. Við hjónin er-
um blessunarlega laus við bíla-
snobb; bíllinn má gjarnan vera
traustur og þarf að koma mér á
milli staða. Annað er það ekki.“
Hún nefnir að bíll standi líklega á
einhverju bílastæðinu í 23 og hálfan
klukkustund á sólarhring að jafnaði.
„Þetta er sennilega annar dýrasti
hlutur sem fólk kaupir sér; ég vil
því frekar eyða peningunum í ferða-
lög eða að klára húsið. Svo skal ég
viðurkenna að ég snobba fyrir fal-
legum húsgögnum og væri miklu
frekar til í að kaupa mér dýra tösku
en dýran bíl!“
Brynhildur segist oft fá boð um
að sitja í hjá vinum og kunningjum.
„Ég er hins vegar meðvituð um að
ég er ekki að spara peninga til að
leggjast upp á aðra. Ég þigg stund-
um far og ef mér finnst einhver
vera farinn að hafa of mikið fyrir
mér læt ég fólk hafa bensínpening.
Það má líka fara margar leigubíla-
ferðir á ári og spara samt, og svo
er frítt í strætó á Akureyri.“
SPARA AÐ MINNSTA KOSTI 40 ÞÚSUND Á MÁNUÐI
Ekkert mál að
vera bíllaus
FJÖLSKYLDA Á AKUREYRI ÁKVAÐ AÐ VERA ÁN BÍLS Í VETUR.
ÞAÐ GENGUR BETUR EN NOKKUR ÞORÐI AÐ VONA.
Texti: Skapti Hallgrímsson skapti@mbl.is
Grafík: Elín Esther Magnúsdóttir ee@mbl.is
Brynhildur Pétursdóttir arkar til vinnu í snjónum á Akureyri. Hún er ekki lengi á leiðinni úr Víðimýri niður í miðbæ.
Morgunblaðið/Skapti Hallgrímsson
Hvað kostar að eiga bíl í eitt ár?
• Ný bifreið • Verð: 3.500.000 kr. • Eignarár : 5 • 1.250 kg • 150 CO2/km
• 9 l/100 km •Tryggingaflokkur 2 • Akstur á ári: 15.000 km.
Bensín1): 351.000 kr.
Viðhald og
viðgerðir:
132.000 kr.
Hjólbarðar: 53.000 kr.
1) m.v. 260 kr./l
Tryggingar, skattar og skoðun: 214.300 kr.
Bílastæði og þrif: 34.000 kr.
Verðrýrnun: 455.000 kr.
Fjármagnskostnaður: 141.750 kr.
Samtals: 1.381.050 kr. á ári