Morgunblaðið - 15.12.2012, Qupperneq 18

18 FRÉTTIRInnlent
MORGUNBLAÐIÐ LAUGARDAGUR 15. DESEMBER 2012
Hálf öld er liðin frá því að Kópavogs-
kirkja var vígð og verður þess
minnst um helgina með ýmsum
hætti.
Í dag klukkan 14 verða opnaðar
sýningar í safnaðarheimilinu Borg-
um á sögu og nokkrum helgigripum
Kópavogskirkju, ljósmyndum Guð-
mundar Ingólfssonar og verkum
Wilhelms Beckmanns.
Þá verða flutt stutt erindi um
listamenn, sem eiga verk í Kópa-
vogskirkju og safnaðarheimilinu.
Guðbjörg Kristjánsdóttir, safn-
stjóri Gerðarsafns, flytur erindi um
Gerði Helgadóttur og Barböru
Árnason. Steinunn Þórarinsdóttir
listamaður flytur erindi um altaris-
töflu Kópavogskirkju. Hrafn Andrés
Harðarson, bæjarbókavörður Kópa-
vogsbæjar, flytur erindi um verk
Wilhelms Beckmanns og Gunnar
Kristjánsson sóknarprestur fjallar
um list Benedikts Gunnarssonar.
Veitingar verða í boði Kársnessafn-
aðar.
Hátíðarmessa á vígsluafmæli
Hátíðarmessa verður á sunnudag
klukkan 11 í tilefni af vígsluafmæl-
inu. Agnes M. Sigurðardóttir, bisk-
up Íslands, prédikar. Sóknarprestur
og djákni Kópavogskirkju þjóna fyr-
ir altari ásamt fyrrverandi sóknar-
prestum Kópavogskirkju, sókn-
arpresti Digranessafnaðar og
prestum, sem tengjast Kópavogs-
kirkju með ýmsum hætti. Kór Kópa-
vogskirkju syngur undir stjórn
Lenku Matéová. Guðmundur Haf-
steinsson trompetleikari og fiðlu-
leikararnir Guðný Guðmundsdóttir
og Herdís Mjöll Guðmundsdóttir
flytja tónlist. Sunnudagaskólinn
verður á neðri hæðinni í safn-
aðarheimilinu undir stjórn Þóru
Marteinsdóttur og Sólveigar Ara-
dóttur.
Móttaka verður eftir messuna í
safnaðarheimilinu í boði Kársnes-
safnaðar og þar verða flutt stutt
ávörp. Á sama tíma verða sýningar-
nar í safnaðarheimilinu opnar.
Hátíðartónleikar skólakórs
Kársnesskóla
Hátíðartónleikar Skólakórs Kárs-
nesskóla verða haldnir á sunnudags-
kvöld klukkan 20 í Kópavogskirkju.
Þar syngja núverandi og fyrrver-
andi félagar úr kórnum undir stjórn
Þórunnar Björnsdóttur.
Hálf öld liðin frá vígslu
Kópavogskirkju
Morgunblaðið/Ómar
50 ár frá vígslu Kópavogskirkja var vígð 16. desember árið 1962.
 Hátíðarmessa á
sunnudag í tilefni
af vígsluafmælinu
Vígsluafmæli
» Kópavogskirkja var reist á
árunum 1958-1962 eftir teikn-
ingum frá embætti húsameist-
ara ríkisins.
» Kirkjan var vígð 16. desem-
ber árið 1962 af Sigurbirni Ein-
arssyni, þáverandi biskupi.
Pakkasendingar héðan til útlanda
eru 5% fleiri fyrir þessi jól en þær
voru í fyrra, að sögn Ágústu
Hrundar Steinarsdóttur, forstöðu-
manns markaðsdeildar Íslands-
pósts. Pakkarnir fara aðallega til
Norðurlandanna og annarra Evr-
ópulanda.
Ágústa sagði að hingað bærust
pakkar frá póstverslunum bæði í
Evrópu og Bandaríkjunum. Ekki
hefði orðið vart aukningar í slíkum
sendingum og væri fjöldi þeirra
mjög svipaður og hann var í fyrra.
Ágústa sagði gert ráð fyrir að
jólakort yrðu svipað mörg nú og
þau voru í fyrra. Það kemur þó ekki
í ljós fyrr en í næstu viku, en síð-
asta vikan fyrir jól vegur þungt í
jólakortasendingum. Síðasti dagur
til að senda B-póst innanlands var í
gær. Hægt er að senda pakka og
bréf í A-pósti til 19. desember eigi
þau að berast viðtakendum innan-
lands fyrir jólin.
Ágústa sagði póstmagnið það
sem af er aðventu hafa verið mjög
svipað og undanfarin ár.
gudni@mbl.is
Fleiri pakkar eru
sendir til útlanda
 Erlend póstverslun svipuð og í fyrra
Morgunblaðið/Ómar
Pakkar Flestir pakkar héðan fara
til Norðurlandanna og Evrópu.
Jón Pétur Jónsson
Heimir Snær Guðmundsson
„Það eru til leiðir. Það er engin
ástæða til þess að óttast eða efast um
það að við munum leysa þetta af
hendi,“ segir Jón Sigurðsson, nýr
stjórnarformaður, hjúkrunarheimilis-
ins Eirar um komandi verkefni.
Fulltrúaráð hjúkrunarheimilisins
kom saman í gær og kaus nýja stjórn
en fyrrverandi stjórnarformaður Eir-
ar, Magnús L. Sveinsson lýsti því yfir
í viðtali við mbl.is fyrr í vikunni að
stjórnin væri óstarfhæf.
Í fulltrúaráði Eirar sitja 37 fulltrú-
ar ellefu stofnaðila. Reykjavíkurborg
skipar sjö fulltrúa en hin tíu félögin
sem standa að hjúkrunarheimilinu,
skipa þrjá fulltrúa hvert. Stofnaðilar
hafa undanfarið verið að skipa nýja
fulltrúa í ráðið eða endurnýja umboð
þeirra sem þar hafa setið.
Borgarráð skipti út fulltrúum
Á fundi borgarráðs á fimmtudag
var ákveðið að skipta út öllum fulltrú-
um borgarinnar í fulltrúaráðinu.
Flestir aðrir eignaraðilar hafa einnig
ákveðið að skipta út sínum fulltrúum í
ráðinu. Efling stéttarfélag ákvað
t.a.m. að skipta út sínum fulltrúum í
ljósi aðstæðna.
Deilt var um lögmæti fundar full-
trúaráðsins í aðdraganda hans.
Ágreiningurinn sneri að því hvort
heimilt væri að kjósa nýja fulltrúa
þegar kjörtímabil núverandi fulltrúa-
ráðs væri ekki liðið. Hinsvegar lá fyr-
ir að margir fulltrúar í fulltrúaráðinu
höfðu óskað eftir því að hætta.
Magnús L. Sveinsson fagnaði kosn-
ingu Jóns sem formanns í samtali við
mbl.is í gær. Hann segir Jón, sem er
fyrrverandi ráðherra og seðlabanka-
stjóri, vera með afar góðan bakgrunn
og komandi verkefni falli vel að hon-
um. „Nú vona ég að það verði sam-
staða og stjórnin beri gæfu til að snúa
bökum saman og takast á við það
vandamál sem þarf að takast á við, en
hætti að vera með átök um menn,“
sagði Magnús við mbl.is.
Á fundi fulltrúaráðsins í gær lýsti
framkvæmdastjóri Eirar, Sigurður
Rúnar Sigurjónsson, hugmyndum og
tillögum sem fyrir liggja. Jón Sig-
urðsson, nýkjörinn formaður stjórn-
ar, sagði í samtali við mbl.is að mikil
vinna væri framundan og engin
ástæða væri til að efast um að starfað
yrði í samræmi við hagsmuni, réttindi
og þarfir þess fólks sem hefur trúað
Eir fyrir réttindum sínum. Þá sagði
Jón að leiðirnar væru til en vinnan
mundi taka sinn tíma.
Ágæt samstaða á fundi
Ágæt samstaða var meðal fundar-
manna á fulltrúaráðsfundinum í gær
að sögn Jóns. „Vitaskuld er það fram-
kvæmdastjóri félagsins og starfs-
mennirnir sem vinna mestöll verkin.
Og stjórnin mun auðvitað ekki taka
fram fyrir hendurnar á þeim. Eitt af
því sem rætt var um í morgun [gær-
morgun] er að við þurfum að endur-
skoða skipulag Eirar. Við þurfum að
tryggja það sem best, eðlilega og mál-
efnalega verkaskiptingu,“ sagði Jón
m.a. í samtali við mbl.is
Endurnýjað fulltrúaráð
kaus nýja stjórn Eirar
 Mikil vinna
framundan, segir
nýr formaður
Morgunblaðið/Ómar
Breytingar Nýtt fulltrúaráð hjúkrunarheimilisins Eirar kaus nýja stjórn á
fundi í gær en nýr stjórnarformaður er Jón Sigurðsson, lengst t.h.
Hjúkrunarheimilið Eir
» Nýr formaður stjórnarinnar
er Jón Sigurðsson, fyrrverandi
ráðherra og seðlabankastjóri.
» Reykjavíkurborg skipti út
öllum fulltrúm sínum í full-
trúarráði.
» Nýr stjórnarformaður segir
að endurskoða þurfi skipulag
og tryggja eðlilega og mál-
efnalega verkaskiptingu.
Guðlaugur A Magnússon
Skólavörðustíg 10
101 Reykjavik
www.gam.is
Skógarhlíð 18 sími 595 1000 www.heimsferdir.is
Birt með fyrirvara um prentvillu. Heimsferðir áskilja sér rétt til leiðréttinga á slíku. Ath. að verð getur breyst án fyrirvara.
• •
Tenerife
Jólaferð 20. desember í 14 nætur
3. janúar í 13 nætur
Frá kr. 119.900 með allt innifalið
Heimsferðir bjóða frábært tilboð á allra síðustu sætunum
til Tenerife þann 20. desember og 3. janúar. Í boði er m.a.
sértilboð á Hotel Jacaranda og Vime Callao Garden.
Frá kr. 171.100
Jacaranda með hálfu fæði og jóla- og
áramótamótakvöldverði
Netverð á mann m.v. 2 fullorðna og 2 börn, 2 – 11 ára, í herbergi á
Jacaranda. Netverð á mann kr. 213.600 m.v. 2 fullorðna herbergi.
Sértilboð 20. desember í 14 nætur.
Frá kr. 119.900
Vime Callao Garden – allt innifalið
Netverð á mann m.v. 2 fullorðna og 2 börn, 2 – 11 ára, í ibúð. Netverð á
mann kr. 144.900 m.v. 2 fullorðna í íbúð. Sértilboð 3. janúar í 13 nætur.