Morgunblaðið - 29.01.2013, Síða 15

15
MORGUNBLAÐIÐ ÞRIÐJUDAGUR 29. JANÚAR 2013
TREFJARÍKAR PRÓTEINSTANGIR
FYRIR KREFJANDI AÐSTÆÐUR
Fulltrúarnir verða til viðtals um markaði og markaðsaðstoð
í umdæmislöndum sendiráðanna. Fundirnir verða haldnir á
Grand Hótel Reykjavík, 4. hæð.
Viðskiptafulltrúarnir eru starfandi við sendiráð Íslands í New York,
London, Kaupmannahöfn, Nýju-Delí, Tókýó, Pekíng, Moskvu og Berlín.
Einnig verða fulltrúar frá sendiráði Íslands í Osló og Helsinki til viðtals.
Þeir sem vilja skrá sig í viðtal eru hvattir til að gera það sem fyrst
í síma 511 4000 eða á islandsstofa@islandsstofa.is
Nánari upplýsingar veita:
Andri Marteinsson, andri@islandsstofa.is og
Hermann Ottósson, hermann@islandsstofa.is
Viðskiptafulltrúar sendiráða Íslands verða með viðtals-
tíma miðvikudaginn 30. og fimmtudaginn 31. janúar nk.
Nú geta allir fengið iPad-áskrift
Skráðu þig í iPad-áskrift á www.mbl.is/mogginn/ipad/
Baldur Arnarson
baldura@mbl.is
„Dagurinn byrjaði þannig að ég var í
leigubíl og öskraði af gleði í bílnum
þegar ég heyrði þetta. Þetta er mik-
ill hátíðisdagur fyrir Ísland. Þetta
hófst hjá okkur í Indefence fyrir
rúmum fjórum árum þegar við fór-
um að berjast gegn hryðjuverkalög-
unum. Það ofbeldi virkaði greinilega
ekki fyrir EFTA-dómstólnum. Það
er framar björtustu vonum hjá mér
að fá þessa niðurstöðu,“ sagði Magn-
ús Árni Skúlason hagfræðingur um
niðurstöðuna sem fékk þjóðina til að
varpa öndinni léttar.
„Þetta er eins og hafa verið í fjög-
urra ára stríði og það er friður í dag.
Eigum við ekki að vona að það sé
friður áfram,“ sagði Magnús Árni.
Einstök stemning skapaðist þegar
haldið var upp á niðurstöðuna á
Slippbarnum við Mýrargötu í
Reykjavík í gær. Kunningjar föðm-
uðust og skáluðu í tilefni dagsins.
Gleðin skein úr hverju andliti.
Baráttumenn fengu hrós
Fulltrúar Indefence og Advice,
tveggja hópa sem lögðust gegn Ice-
save-samningunum, voru þar
fremstir í flokki og notuðu ófáir
tækifærið til að klappa þeim á bakið.
Spurður um aðdraganda þess að
Indefence-hópurinn var stofnaður
sagði Magnús Árni að tilefnið hefði
verið sú ákvörðun breskra stjórn-
valda að beita hryðjuverkalögum
gegn Íslandi haustið 2008. Hópurinn
hefði orðið til í kjölfarið og staðið
fyrir söfnun 83.000 undirskrifta
gegn þessari ákvörðun sem afhentar
voru breska þinginu í mars 2009.
„Það gaf okkur trúverðugleika í
augum hinnar alþjóðlegu pressu
þannig að eftirleikurinn var auðveld-
ari þegar næsta undirskriftasöfnun
fór fram sem var afhent á Bessa-
stöðum í byrjun árs 2010,“ segir
Magnús Árni um fyrstu skrefin.
Frosti Sigurjónsson, einn for-
svarsmanna Advice-hópsins, sem
hóf söfnun undirskrifta gegn samn-
ingnum sem þjóðin felldi í síðari
þjóðaratkvæðagreiðslunni, sagði
þetta mikinn gleðidag.
„Nú á þjóðin að gera sér glaðan
dag, finnst mér, enda reiknast mér
til að þetta hafi sparað hverju heim-
ili 800.000 krónur með því að síðasti
samningur var felldur.“
Eiríkur S. Svavarsson, hæsta-
réttarlögmaður og talsmaður Inde-
fence-hópsins, var glaðbeittur í gær.
„Þetta byrjaði hjá okkur með því
að við vöktum mikla athygli á hinni
ömurlegu beitingu hryðjuverkalaga
í Bretlandi og efndum af því tilefni
til stærstu undirskriftasöfnunar sem
hafði farið fram á Íslandi. Þegar
fyrsti Iceave-samningurinn leit
dagsins ljós komum við heim í bar-
áttuna, þá færðist hún hingað. Það
endaði með undirskriftasöfnun til
forsetans í lok árs 2009 sem 53.000
manns skrifuðu undir.“
Sigurður Hannesson, dr. í stærð-
fræði og einn stofnenda Indefence,
brosti út að eyrum. „Við erum að sjá
árangur þrotlausrar vinnu í mörg
ár,“ sagði Sigurður og svaraði því
aðspurður til að þetta væri einn
stærsti dagur sem hann hefði lifað.
Morgunblaðið/Kristinn
Á gleðistund Frosti Sigurjónsson (lengst til vinstri), Hörður Gunnarsson,
Sigurður Hannesson og Magnús Árni Skúlason, héldu upp á niðurstöðuna.
„Öskraði af gleði“
yfir tíðindunum
 Mikil stemning á hátíðarsamkomu
baráttuhópanna Indefence og Advice
Í Indefence Eiríkur S. Svavarsson
sagði daginn mikinn hátíðisdag.
Farið yfir málin Guðfríður Lilja Grétarsdóttir ræðir við Sigmund Davíð
Gunnlaugsson, formann Framsóknarflokksins. Margir þingmenn mættu.