Morgunblaðið - Sunnudagur - 06.01.2013, Blaðsíða 9

TYGGJÓIÐ 2012
Rannsóknir sýna að notkun sykurlauss Extra eykur
munnvatnsframleiðslu, jafnar sýrustig, heldur
tönnunum hreinum og stöðvar sýklaárásir á þær.
Extra minnkar upptöku hitaeininga og dregur
það úr streitu í amstri hversdagsins.
*
H
ei
m
ild
:A
C
N
ie
ls
en
Ca
pa
ce
nt
-s
öl
ut
öl
ur
6.1. 2013 MORGUNBLAÐIÐ SUNNUDAGUR 9
Mín tilfinning er sú að bók-sala fyrir þessi jól hafiverið jafngóð ef ekki
betri en árið á undan sem var
mjög gott bóksöluár,“ segir Egill
Örn Jóhannsson, framkvæmda-
stjóri Forlagsins, en bókaútgef-
endur á þessu landi eru nú í óða
önn að leggja mat á jólabókaflóðið.
Fram hefur komið að sjaldan
eða aldrei hafi fleiri bókatitlar
komið út á Íslandi en á síðasta ári
og Egill tekur svo djúpt í árinni að
segja að gæðin hafi að sama skapi
sjaldan eða aldrei verið meiri. Sér-
staklega hafi árið 2012 verið sterkt
skáldsagnaár, bæði hvað varðar
magn og gæði. „Það stafar af því
að við Íslendingar eigum orðið
mjög marga skáldsagnahöfunda í
háum gæðaflokki,“ segir hann.
Egill segir bókavertíðina hafa
farið vel af stað í haust en fyrsta
vikan í desember hafi á hinn bóg-
inn verið lakari en oft áður. „Eftir
þá viku var ég satt best að segja
orðinn svolítið áhyggjufullur en
það var ástæðulaust, strax í ann-
arri viku desember kom verulegur
kippur og þegar upp er staðið held
ég að útgefendur geti almennt vel
við unað. Sala gekk vel fyrir jólin
og tilefni til bjartsýni fyrir hönd
bókarinnar,“ segir Egill.
Sama á við um árið í heild, að
sögn Egils. „Það var mikil og góð
bókaútgáfa fyrri hluta ársins og
salan fín.“
Aukinn fjöldi ferðamanna spilaði
þar rullu en Egill segir útgáfu
bóka fyrir erlenda gesti okkar Ís-
lendinga sífellt vaxandi þátt í starf-
semi Forlagsins. „Við gefum á
hverju ári út nýjar bækur sem sér-
staklega eru ætlaðar ferðamönnum
og stígandi hefur verið í þeirri sölu
á undanförnum árum. Nýliðið ár
var sérstaklega gott í því sam-
bandi,“ segir Egill og bætir við að
erlendir ferðamenn séu líka farnir
að kaupa annars konar bækur en
þeir gerðu fyrir fimm til átta ár-
um. „Áður voru þetta mest stærri
ljósmyndabækur en nú eru það
meira minni og ódýrari bækur og
fólk kaupir jafnvel meira. Hand-
bækur eru líka vinsælar.“
Egill veit það ekki fyrir víst en
giskar á að markaðshlutdeild bóka
handa ferðamönnum sé á bilinu 5-
10% á ársgrundvelli. Það hlutfall
sé vitaskuld mun hærra á sumrin.
Skáldverk gefin út að vori
Bókaútgefendur á Íslandi hefur
lengi dreymt um að dreifa útgáf-
unni betur yfir árið og segir Egill
jákvæð teikn á lofti í þeim efnum.
„Undanfarin ár höfum við verið að
auka skáldsagnaútgáfu okkar á
fyrri hluta ársins og jafnvel verið
með nýjar íslenskar skáldsögur.
Þetta hefur mælst vel fyrir og gæti
verið upphafið að meiri bókaútgáfu
á öðrum árstíma en fyrir jólin.“
Eins og staðan er þá eru það
einkum höfundar sem eru að stíga
sín fyrstu skref á skáldsagnabraut-
inni sem gefnir eru út fyrri hluta
ársins en Egill sér vel fyrir sér að
rótgrónari höfundar komi til með
að sýna því áhuga þegar fram í
sækir. „Að vísu eru metsöluhöf-
undar eins og Arnaldur Indriðason
orðnir svo klassísk jólagjöf að erf-
itt yrði að gefa hann út á öðrum
árstíma.“
Nema hann fari að skrifa tvær
bækur á ári. „Það er fín hug-
mynd,“ segir Egill hlæjandi.
Aðrar tegundir bóka sem njóta
hylli utan jólavertíðarinnar eru
ekki síst handbækur er viðkoma
landinu og útivist og landakort og
atlasar en Forlagið hefur lagt
mikla áherslu á bækur af því tagi.
Egill segir útgáfu ævisagna, end-
urminninga og viðtalsbóka hafa
dregist saman á síðustu árum en
það sé einfaldlega liður í hefðbund-
inni þróun, slíkar bækur eigi án
efa eftir að ná vopnum sínum á ný.
„Ekki má heldur líta framhjá því
að spútníkbók síðasta árs var klár-
lega ævisaga Gísla á Uppsölum.
Ég held að sú bók hafi gengið bet-
ur en nokkur þorði að vona. Staða
vandaðra rannsóknaævisagna, eins
og ævisögu Nonna, er líka og verð-
ur sterk. Það er alltaf rými fyrir
vandaðar bækur.“
Egill segir sveiflur af þessu tagi
alþekktar. Þannig hafi spennu-
sagnahöfundar á borð við Ham-
mond Innes og Alistair MacLean
verið allra höfunda vinsælastir hér-
lendis á árunum 1975-85 en næstu
tíu ár þar á eftir hafi ekkert geng-
ið að selja spennusögur. „Með til-
komu skandinavísku höfundanna
og Arnaldar Indriðasonar fór þessi
bylgja síðan aftur af stað af fullum
þunga og ekkert lát er á henni.“
Ein umtalaðasta bók ársins var
Fimmtíu gráir skuggar eftir E.I.
Jones. Bækur af því tagi verða
seint dálæti gagnrýnenda en Egill
segir samt varasamt að skauta
framhjá þeim. „Að mínu mati eru
vinsældir Fimmtíu grárra skugga
um margt sambærilegar við vin-
sældir Harrys Potters. Svona bæk-
ur draga í mörgum tilvikum nýtt
fólk inn í bókabúðirnar, fólk sem
alla jafna les ekki mikið. Því ber
að fagna enda á bókin í harðri
samkeppni í afþreyingarsamfélag-
inu.“
Egill Örn Jóhannsson segir áberandi að sala á dýrustu bókunum hafi dregist saman eftir bankahrunið.
Morgunblaðið/RAX
JÓLABÓKAFLÓÐIÐ AFSTAÐIÐ
Alltaf rými fyrir
vandaðar bækur
EGILL ÖRN JÓHANNSSON, FRAMKVÆMDASTJÓRI FORLAGSINS, ER ÁNÆGÐUR MEÐ
BÓKSÖLU NÝLIÐINS ÁRS. FRAMBOÐIÐ OG GÆÐIN HAFI SJALDAN VERIÐ MEIRI.
Orri Páll Ormarsson orri@mbl.is