Morgunblaðið - Sunnudagur - 06.01.2013, Blaðsíða 49

6.1. 2013 MORGUNBLAÐIÐ SUNNUDAGUR 49
Charlie, Kristínu og Mjallhvíti löngum verið
kunn í Íslendingabyggðum í Kanada. „Þetta
þótti miklu merkilegra þar en nokkurn tíma
hér,“ segir hún og raunar stórmerkilegt, að
bæði teiknarinn og fyrirmyndin hafi verið ís-
lensk. „Fólk kemst að því þegar það fer til
Winnipeg og Gimli að mjög margir þekkja
þessa sögu.“
Anna Sigríður rifjar það upp þegar þau
hjónin fóru með yngsta soninn til Gimli á Ís-
lendingadaginn. „Við vorum í stórum sal þar
sem var verið að kynna allt mögulegt og allt
í einu stend ég fyrir framan bás þar sem er
fullt af myndum af mömmu! Þar er líka
mynd af Charlie. Ég rek upp stór augu og
þá stendur upp maður sem spyr hvort hann
megi segja mér sögu þessarar konu; hún sé
íslensk og hafi heitið Kristín Sölvadóttir og
verið fyrirmyndin að Mjallhvíti.
Maðurinn var meira en lítið undrandi þeg-
ar ég sagðist þekkja konuna, en þegar ég
sagði honum að hún væri móðir mín missti
hann hreinlega andann! Skipaði mér að bíða,
fór frá í stutta stund en kom til baka með
stóran hóp fólks með sér og tilkynnti: „Þetta
er dóttir Mjallhvítar!“
Dóttirin í sömu sporum
Heiðurskvöldverður vegna Íslendingadagsins
var á dagskrá þennan sama dag og var Önnu
Sigríði sérstaklega boðið þangað. „Mér
fannst stórkostlegt að upplifa hvað Vestur-
Íslendingum finnst sagan af mömmu merki-
leg.“
Sigríður Kristín, dóttir Önnu Sigríðar, hef-
ur líka verið á Íslendingadeginum. Það var
fyrir 16 árum er hún söng í Gimli með
Gradualekórnum undir stjórn Jóns Stef-
ánssonar. Sigríður Kristín var þá 12 ára.
Þegar kórinn hafði lokið við að syngja kall-
aði Jón hana fram og kvaðst vilja segja við-
stöddum frá því að stúlkan væri barnabarn
fyrirmyndar Mjallhvítar. „Það varð víst allt
vitlaust! Henni var boðið í heimsóknir og í
mat hingað og þangað og fólk vildi fá mynd
af sér með henni. Það var mikil upplifun fyr-
ir 12 ára stúlku að lenda í þessu.“
Systkini Kristínar Sölvadóttur voru átta.
Gaman er að geta þess að eitt þeirra var
hinn þjóðkunni Ellert, lengi knattspyrnu-
maður í Val í Reykjavík, aldrei kallaður ann-
að en Lolli í Val.
Það er óneitanlega svipur með Kristínu Sölva-
dóttur og Mjallhvíti! Ljósmynd af Kristínu ungri.
Frummynd teikningar Charles Thorsson af þeim Kristínu Sölvadóttur,
prinsinum og prinsessunni. Myndin er í vörslu Önnu Sigríðar.
Hluti af munum Önnu Sigríðar Garðarsdóttur á heimili hennar í Reykjavík. „Ég stefni að því að setja upp lítið safn, það væri til
dæmis gaman að bjóða skólakrökkum að koma og skoða.“
Þekktur kanadískur listamaður málaði þessa mynd á húsvegg í Winnipeg á árum áður. Í verkinu miðju eru Charles Thorson
og Kristín Sölvadóttir á veitingastaðnumWevel Café. Núverandi eigendur hússins létu mála yfir listaverkið, að sögn Önnu.
Mjallhvít og dvergarnir sjö í ævintýrinu sem Walt Disney gerði ódauðlegt
með dyggri aðstoð Vestur-Íslendingsins Charles Thorson.
„Maðurinn minn var úti á götu í Hollandi
fyrir nokkrum árum að bíða eftir leigubíl
þegar hann sér eitthvað liggja á gangstétt-
inni. Hann ýtir við þessu með fætinum og
sér að það er einn kubbur úr púsli – and-
litið af Mjallhvíti!“ segir Anna Sigríður.
Hún telur að þessi dýrmæti partur hafi
verið úr 500 eða 1000 kubba púsli og er
hann nú vitaskuld varðveittur í fallegu
Mjallhvítarsafni hennar heima í Reykjavík.
Önnur ótrúleg tilviljun átti sér stað í
borginni Calgary í Kanada árið 1977. Sig-
rún, systir Önnu Sigríðar, sem er hjúkr-
unarfræðingur, flutti til borgarinnar, og
hóf fljótlega störf hjá heimilislækni að
nafni Doug Thorson. Eftir að hafa starfað
í mánuð hjá lækninum afréð hún að
spyrja, vegna ættarnafnsins, hvort vinnu-
veitandi hennar kannaðist hugsanlega við
mann að nafni Charlie Thorson. Hvort
hann gerði! Í ljós kom að teiknarinn, fyrr-
verandi unnusti móður Sigrúnar, var föð-
urbróðir læknisins.
ÓTRÚLEGAR TILVILJANIR