Morgunblaðið - Sunnudagur - 06.01.2013, Blaðsíða 2

2 MORGUNBLAÐIÐ SUNNUDAGUR 6.1. 2013
Á tímamótum eins og þegarár mætast hugsa flestirsinn gang og stefna að
nýjum markmiðum á nýju ári. Oft
tekst ekki að uppfylla þau full-
komlega en mestu skiptir kannski
bara að halda áfram.
Afreksfólkið Kári Steinn Karls-
son og Ragna Ingólfsdóttir deilir
sínum markmiðum fyrir árið með
lesendum Sunnudagsblaðsins að
þessu sinni. Þá fjöllum við um
hvernig snjallsíminn getur að-
stoðað við að ná markmiðum og
hvatt okkur áfram í að standa við
áramótaheit. Til að forðast mis-
skilning er það nú samt ekki svo
gott að hægt sé að senda æfóninn í
ræktina – við þurfum víst að mæta
í eigin persónu óháð tækni-
framförum.
Tæknin hjálpar okkur í mörgu
en þegar móðir náttúra skellur á
okkur í öllu sínu veldi, líkt og í
óveðrinu sem gekk yfir landið um
daginn, þarf oftar en ekki að dusta
rykið af annars konar tækjum. Þá
skiptir líka máli að láta ekki bug-
ast þótt aðstæður breytist.
Í Árneshreppi á Ströndum eld-
aði skólastýran Elísa Valgeirs-
dóttir humarsúpu á prímus um
áramótin eins og fram kom í
Morgunblaðinu í vikunni. Hún við-
urkenndi reyndar að það hefði ver-
ið alveg hætt að vera kósí eftir 84
klukkutíma af kertaljósi! Í Sunnu-
dagsblaðinu í dag er rætt við við
Sigþór Guðbrandsson hjá Rarik í
Ólafsvík sem stóð vaktina við að
keyra dísilrafstöðvar bæjarins
sleitulaust í rúma tvo sólarhringa
til að rafmagn héldist á í þorpinu.
Öll heimsins smáforrit hjálpa
víst ekki þegar tugir rafmagns-
staura liggja á jörðinni eftir veð-
urhaminn. Nýtt ár ber með sér
von og hækkandi sól. Þótt við sjálf
göngum líklega enn á varaafli eft-
ir hátíðirnar er engin ástæða til
annars en að hlakka til að takast á
við áskoranir nýs árs.
RABBIÐ
Eftir áramót
Eyrún Magnúsdóttir
Morgunblaðið fór á stúfana í Bolungarvík á norðanverðum Vestfjörðum að lokinni mikilli snjókomu á milli hátíðanna. Meðfylgjandi mynd var tekin á horni
Aðalstrætis og Brimbrjótsgötu þegar veður var farið að æsast föstudagskvöldið 28. desember en í kjölfarið fylgdi ofsaveður á svæðinu. Snjó kyngdi lát-
laust niður í rúman sólarhring að lokinni jólahátíðinni en umræddan föstudag kom slydda með tilheyrandi bleytu í snjósköflum og snjóruðningum. Fáir
voru á ferli enda hafði verið varað mjög við óveðrinu í fjölmiðlum. Bæjarfulltrúarnir skrópuðu þó ekki á bæjarstjórnarfundi og funduðu stíft í ráðhúsinu
hinum megin við Aðalstrætið. Nokkrir útgerðarmenn voru að huga að bátum sínum við höfnina og var vel gengið frá þeim en í óveðrinu slitnaði þó einn
bátur frá bryggju og fór suður í slipp í byrjun nýs árs. kris@mbl.is
AUGNABLIKIÐ
Morgunblaðið/Kristján Jónsson
SNJÓ KYNGDI NIÐUR
ÞEIM SEM ÓSKUÐU SÉR HVÍTRA JÓLA Á NORÐANVERÐUM VESTFJÖRÐUM VARÐ AÐ ÓSK SINNI.
ÚR VARÐ MIKIL SNJÓKOMA MEÐ RAFMAGNSLEYSI OG TILHEYRANDI RASKI Á SAMGÖNGUM Á LANDI OG Í LOFTI.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Útgefandi Óskar Magnússon
Ritstjórar Davíð Oddsson, Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hvað? Þrettánda/Nýárstónleikar.
Hvar? Í Þjóðmenningarhúsinu.
Hvenær? Sunnudaginn kl. 17:00
Nánar? Spiluð verður tónlist eftir Inga
Bjarna. Aðgangseyrir er 1.000 kr.
Nýárstónleikar
Hvað? Jazzhljómsveit
með tónleika
Hvenær? Sunnudags-
kvöldið klukkan 21:30
Hvar? Á Faktorý,
Smiðjustíg 6
Nánar? Frítt á tónleikana, þrælvanir
strákar spila.
Jazz á Faktorý
Í fókus
VIÐBURÐIR HELGARINNAR
Hvað? Körfubolti kvenna.
Hvar? Á heimavelli Njarðvíkur.
Hvenær? Á laugardag klukkan 15:30.
Nánar? Botnslagur í Úrvalsdeild
kvenna, en Fjölnir er í síðasta sæti deild-
arinnar og Njarðvík í því næst síðasta.
Njarðvík - Fjölnir
Hvað? Myndlist-
arsýningin Shades of
blue eftir Mariko
Takahashi.
Hvar? Í miðstöð
myndlistar á Austur-
landi: Skaftfelli.
Hvenær? Laugardaginn kl. 16:00
Nánar? Myndlistarverk japansks lista-
manns. Einnig verður opnuð vinnustofa
listamanna við Norðurgötu.
Myndlist á Austurlandi
Hvað? Sögusýning um nokkur skáld.
Hvenær? Á afgreiðslutíma Þjóðar-
bókhlöðunnar.
Nánar? Fjórar sýningar í gangi, m.a.
með Jóhannesi úr Kötlum og Elíasi Mar.
Sögusýning
Hvað? Leikrit.
Hvar? Borgarleikhúsinu.
Hvenær? Sunnudaginn 6. janúar.
Nánar? Stórvirki í bókmenntasögunni,
drama um vináttu og samúð.
Ertu mús eða maður?
* Forsíðumyndina tók Árni Sæberg.