Morgunblaðið - 02.02.2013, Blaðsíða 2
2 FRÉTTIRInnlent
MORGUNBLAÐIÐ LAUGARDAGUR 2. FEBRÚAR 2013
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Þorvarður Gunnarsson, forstjóri
Deloitte, segir að eftir fyrsta yfir-
lestur telji hann að nýtt frumvarp
um stjórn fiskveiða muni hafa slæm
áhrif á greinina. „Í grunninn er
þetta sama frumvarp og ráðherra
lagði fram á síðasta þingi. Við mát-
um áhrif þess samhliða frumvarpi
um veiðigjöld og gáfum frumvörp-
unum falleinkunn. Áhrif veiðigjalda
voru minnkuð í meðförum þingsins,
en þau hafa eigi að síður gríðarleg
áhrif á greinina til hins verra,“ segir
Þorvarður.
„Mér sýnist þetta frumvarp
muni sömuleiðis hafa slæm áhrif.
Þarna er mikil úthlutun til kvóta-
þings og í potta, sem aftur skerðir
aflahlutdeild hjá núverandi sjáv-
arútvegsfélögum. Þetta verður á
kostnað hagkvæmni og arðsemi í
greininni og hættan er auðvitað sú
að um einhvers konar pólitískar
úthlutanir verði
að ræða. Þannig
fái verr rekin fé-
lög aðstoð á
kostnað hagræð-
ingar í grein-
inni,“ segir Þor-
varður.
„Byggðateng-
ingar og for-
gangsréttur
sjávarbyggð-
anna er veiktur í frumvarpinu,“
sagði Jón Bjarnason, fyrrverandi
sjávarútvegsráðherra. „Nú verða
þær að keppa um aflaheimildir á
markaði kvótaþings. Það er gert á
kostnað byggðakvóta, línu-
ívilnunar og annarra byggða-
tengdra aðgerða. Mín stefna var
að styrkja byggðatengingar afla-
heimilda.“ » 16
aij@mbl.is gudni@mbl.is
„Á kostnað hag-
kvæmni og arðsemi“
Þorvarður
Gunnarsson
Byggðatengingar veiktar í frumvarpi
Skrifað var undir samninga í gær um gerð
Vaðlaheiðarganga á milli Eyjafjarðar og
Fnjóskadals. ÍAV og svissneska verktakafyr-
irtækið Matri áttu lægsta tilboð í verkið, 11,5
milljarða króna á núvirði, og stefnt er að því að
taka göngin í notkun 2016. Þau styttta hringveg-
inn um 16 km. Meðal viðstaddra í gær voru
Steingrímur J. Sigfússon atvinnuvegaráðherra
og Kristján L. Möller alþingismaður. Báðir eru
fyrrv. samgönguráðherrar og fögnuðu áfang-
anum innilega í menningarhúsinu Hofi eins og
aðrir viðstaddir. Vaðlaheiðina má sjá í baksýn.
Morgunblaðið/Skapti Hallgrímsson
Vaðlaheiðargöng að veruleika
Hólmfríður Gísladóttir
holmfridur@mbl.is
Alls hafa 40 geislafræðingar í 32
stöðugildum sagt upp störfum á
Landspítalanum en uppsagnirnar
taka gildi 1. maí næstkomandi, sam-
kvæmt upplýsingum frá mann-
auðssviði LSH.
Katrín Sigurðardóttir, formaður
Félags geislafræðinga, segist hafa
heimildir fyrir því að fjöldinn sé
meiri, að alls 47 hafi sagt upp störf-
um, en boðað hefur verið til fundar
fulltrúa spítalans og fulltrúa geisla-
fræðinga kl. 14 næstkomandi mið-
vikudag.
„Við teljum okkur hafa verið mjög
mikið eftir á og fólk er búið að fá
nóg,“ segir Katrín en hún segir að
auk launahækkana hafi geislafræð-
ingar viljað ræða breytingar á
vaktafyrirkomulagi og skipulag
starfa.
„Við teljum að það sé margt sem
við eigum órætt við Landspítalann
en það var allt inni í drögum okkar
að stofnanasamningi þannig að þeir
vita alveg hvað það er,“ segir hún.
Hún viti þó ekki hvað standi til að
ræða á fundinum.
Bjóða 4,8% hækkun launa
Samkvæmt yfirlýsingu fulltrúa
hjúkrunarfræðinga í samstarfsnefnd
LSH ætla stjórnvöld að veita 370
milljónir króna í endurskoðun stofn-
anasamninga. Þar sem launatengd
gjöld nemi um fjórðungi þessarar
fjárhæðar verði um 300 milljónir til
skiptanna. Það þýði meðalhækkun
launa upp á 4,8%, eða 18.200 krónur,
sem samsvari einum launaflokki.
Félag íslenskra hjúkrunarfræð-
inga hefur boðað til kynningarfund-
ar með hjúkrunarfræðingum á
Landspítalanum á mánudag en Elsa
B. Friðfinnsdóttir, formaður Fíh,
segir að stefnt sé að því að fram-
kvæma ráðgefandi skoðanakönnun á
fundinum, skriflega og leynilega, til
að kanna hug hjúkrunarfræðinga til
útspils LSH og stjórnvalda.
„Ef niðurstaðan verður afdráttar-
laus á annan hvorn veginn þá auðvit-
að munum við fara eftir því en ef það
verður mjótt á munum verður
nefndin að vinna eftir bestu vitund
og heilindum, eins og hún hefur
gert,“ segir Elsa.
40 geislafræðingar segja upp
Samstarfsnefnd LSH og geislafræðinga fundar á miðviku-
dag Kanna afstöðu hjúkrunarfræðinga til útspils stjórnvalda
Björt framtíð er
næststærsti
flokkurinn með
tæplega 19%
fylgi, samkvæmt
Þjóðarpúlsi Gall-
ups. Fylgi Sam-
fylkingarinnar
minnkar um þrjú
prósentustig á
milli mánaða og
er nú tæplega
16%. Fylgi VG mælist nú nær 8%.
Sjálfstæðisflokkurinn er stærstur
með 36% fylgi, Framsóknarflokk-
urinn nýtur rúmlega 14% fylgis.
Rúmlega 2% styðja Hægri-græna,
um 2% Dögun og sama hlutfall styð-
ur Pírata en 1% segist myndu kjósa
Samstöðu. Netkönnunin var gerð
3.-31. janúar og var svarhlutfall
60,1%. Úrtakið var 9.798 manns, 18
ára og eldri, um allt land.
Framsóknarflokkurinn er næst-
stærstur og með 21% fylgi sam-
kvæmt könnun sem 365 gerði fyrir
Stöð 2 og Fréttablaðið nú í vikunni.
Sjálfstæðisflokkur nýtur 32%
fylgis, Björt framtíð fær yfir 16%
fylgi en Samfylkingin aðeins 12%
fylgi. VG nýtur rúmlega 11% fylgis.
800 voru spurðir en 45% neituðu að
gefa upp afstöðu. gudni@mbl.is
Kannanir sýna
Bjarta framtíð og
Framsókn í sókn
Björt framtíð Fylgi
við flokkinn eykst.
Heildarskuldir styrktarsjóðs og sjúkrasjóðs Félags ís-
lenskra hjúkrunarfræðinga við vinnudeilusjóð og fé-
lagssjóð Fíh nema alls um 89 milljónum króna. Til að
rétta af fjárhagsstöðu þeirra og greiða niður skuldir
hafa stjórn sjóðanna og stjórn Fíh ákveðið að breyta
úthlutunarreglum þeirra og verða einungis veittir
sjúkradagpeningar vegna ólaunaðrar fjarveru frá
vinnu í sex mánuði í báðum sjóðum og fæðing-
arstyrkir úr styrktarsjóði.
Þetta kemur fram í bréfi til hjúkrunarfræðinga
dagsettu 22. janúar 2013.
Í bréfinu segir að slæma stöðu sjóðanna megi m.a.
rekja til aukningar í úthlutunum vegna sjúkradagpen-
inga en hún hafi numið 122% 2010-2012. Elsa B. Friðfinnsdóttir, formað-
ur Fíh, segir ákvörðunina um að breyta reglunum hafa verið erfiða. „Við
höfðum auðvitað tvær leiðir til að bregðast við; annars vegar að draga
eitthvað úr og reyna að ná þessu hægt og hægt en tillaga stjórnar sjóðs-
ins var að gera þetta svona skarpt og geta þá frekar bætt fljótt í aftur.“
Sjóðirnir skulda 89 milljónir
BREYTTAR ÚTHLUTUNARREGLUR
Elsa B.
Friðfinnsdóttir
ILVA Korputorgi, sími 522 4500 www.ILVA.is
laugardaga 10-18 sunnudaga 12-18
mánudaga - föstudaga 11-18:30
ILVA Korputorgi, 112 Reykjavík
sími 522 4500 www.ILVA.is
Útsölulok...
living withstyle
sunnudaginn 3. febrúar
Enn meiri afsláttur af
völdum útsöluvörum
25% AFSLÁTTUR
AF ÖLLUM
BORÐSTOFUHÚSGÖGN
UM
Lyktir Icesave-
deilunnar eru
áfall fyrir al-
þjóðlega banka-
starfsemi, segir í
grein í nýjasta
tölublaði The
Economist.
Þar segir m.a.
að viðamiklar
breytingar hafi verið gerðar á evr-
ópskum lögum um innistæðuvernd
síðan alþjóðafjármálakreppan skall
á en samt sem áður sé úrskurð-
urinn aðvörun til þeirra sem hafi
vonast til þess að reglugerðasmiðir
gætu gert bindandi samninga um
hvernig þeir myndu deila með sér
kostnaði við bankakreppur í fram-
tíðinni.
„Vonir um að bankabandalag
Evrópu muni fela í sér gagnkvæmt
innistæðutryggingakerfi eru í öllu
falli veikar. Úrskurðurinn í vik-
unni mun aðeins draga úr trúnni á
vilja ríkja til þess að greiða kröfur
erlendra skuldaeigenda.“
Lyktir málsins áfall
fyrir alþjóðlega
bankastarfsemi