Morgunblaðið - 02.02.2013, Blaðsíða 23
FRÉTTIR 23Viðskipti | Atvinnulíf
MORGUNBLAÐIÐ LAUGARDAGUR 2. FEBRÚAR 2013
Hollensk stjórnvöld þjóðnýttu fjórða
stærsta banka landsins, SNS Reaal,
fyrir 3,7 milljarða evra eða 638 millj-
arða króna í gær en hann er sagður
kerfislega mikilvægur. Stjórnendur
bankans höfðu undanfarnar vikur
leitað eftir fjármagni frá einkaaðil-
um, án árangurs, vegna þess að er-
lendar fasteignir bankans, einkum á
Spáni, höfðu rýrnað jafnt og þétt í
verði og var svo komið að bankinn
var ekki lengur greiðslufær. Hlut-
hafar og eigendur víkjandi lána töp-
uðu eign sinni.
ABN Amro var þjóðnýttur árið
2009 og eru nú tveir af fjórum bönk-
um landsins sem sagðir eru kerfis-
lega mikilvægir í eigu hollenska rík-
isins. Stjórnvöld munu láta
bankanum í té 2,2 milljarða evra og
afskrifa 800 milljóna evra lán sem
hollenska ríkið veitti í fyrri björg-
unaraðgerð í fjármálakreppunni.
Einnig verða 700 milljónir evra af-
skrifaðar af fasteignasafni bankans.
Til að koma til móts við hve miklu
af skattfé hefur verið varið í björg-
unina á SNS Reaal, sem margir eru
óánægðir með, verður lagður á eins
milljarðs evra skattur á hollenska
banka árið 2014 og er litið á það sem
framlag þeirra til að viðhalda heil-
brigðum rekstri fjármálakerfisins,
segir í frétt Financial Times.
Forstjóri og fjármálastjóri sögðu
upp störfum eftir þjóðnýtinguna.
Fjármálaráðuneytið segir að stjórn-
endur bankans muni ekki fá bónus-
greiðslur og að búast megi við launa-
lækkunum. helgivifill@mbl.is
AFP
Þjóðnýting Yfirmaður Seðlabanka Hollands og fjármálaráðherra landsins
fengu það leiðinlega verkefni að tilkynna þjóðnýtinguna í gær.
Þjóðnýta fjórða
stærsta bankann
Holland á 2 af 4 stærstu bönkunum
Nú geta allir fengið iPad-áskrift
Skráðu þig í iPad-áskrift á www.mbl.is/mogginn/ipad/
WAVE lounge
Áklæði 269.000.-
Leður 289.000.-
Skeifunni 8 | sími 588 0640 | casa.is