Morgunblaðið - Sunnudagur - 24.02.2013, Síða 32

32 MORGUNBLAÐIÐ SUNNUDAGUR 24.2. 2013
Matur og drykkir
É
g stunda tilraunastarfsemi í eldhúsinu en er svo stórtæk að ég vil
helst elda fyrir marga og þá veislumat,“ segir Guðlaug Ágústa
Halldórsdóttir, eða Gulla, sem bauð góðri blöndu af vinum og
vinnufélögum heim til sín á Flókagötu um síðustu helgi. Á boð-
stólum voru fiskréttir af ýmsu tagi og gómsætur berjamarens í eftirrétt.
„Þetta voru vinir og svo nokkrir sem hjálpuðu mér að koma veit-
ingastaðnum nýja, Fish, af stað.“ Gulla er sjóuð í veitingarekstri og er í
tíunda sinn í slíkri frumkvöðlastarfsemi. Í endaðan janúar var Fish opnað
á Skólavörðustíg en fyrir rak Gulla stað og rekur enn undir sama heiti í
Ingólfsstræti.
„Ég hef sjálf alltaf borðað mikinn fisk og lítið kjöt og meira að segja í
veislum þar sem hefð er fyrir að kjötmeti sé frekar notað er ég oftar með
fisk á boðstólum. Ég er lítið fyrir að fara eftir uppskriftum en býð líka
upp á hefðbundnari rétti svo sem gufusoðinn fisk og hollt meðlæti,“ segir
Gulla en þá hefð hefur hún tekið heiman frá og útfært á Fish, sem er
heldur nýstárlegt í veitingaheiminum.
Gulla hvetur fólk til að útbúa tartar og cevhiche og eiga í ísskápnum og
nota ofan á brauð og með grænmeti. Slíkt geymist ísskápnum í 2-3 daga.
„Bestu uppskriftirnar koma þegar maður á ekki eitthvað til í réttina og
neyðist til að finna upp á einhverju. Ég þarf alltaf að vera að prófa eitt-
hvað nýtt – líka heima. Og bestu uppskriftirnar koma þegar maður á ekki
eitthvað til og maður þarf að finna eitthvað annað í staðinn“.
FYRIR FJÓRA
300 g nýr lax
½ rauðlaukur, fínt saxaður
½ lítil krukka af kapers, fínt saxað
2 msk. olía
1 tsk. truffluolía
Laxinn skorinn í fína bita. Öllu blandað
öllu saman og kryddað með sjávarsalti
og nýmuldum svörtum pipar. Látið
standa í ísskáp í 1-2 klukkustundir.
Berið fram með djúpsteiktum Won-
ton-flögum sem skornar eru í tvennt,
horn í horn og djúpsteiktar þar til þær
eru gullinbrúnar og stökkar.
Laxatartar
Laxinn er borinn fram með rauðlauk og kapers og wonton-flögum.
Parið Gulla og Stefán standa yfir pottunum.
GUÐLAUG ÁGÚSTA MEÐ MATARBOÐ
Kvöldverður
á Flókagötu
GUÐLAUG ÁGÚSTA HALLDÓRSDÓTTIR, EÐA GULLA
EINS OG HÚN ER JAFNAN KÖLLUÐ, FÉKK VINI OG
VINNUFÉLAGA HEIM Í MAT Á LAUGARDAGSKVÖLDI
Júlía Margrét Alexandersdóttir julia@mbl.is
300 g þorskhnakki
safi úr 2 límónum
safi úr 1 sítrónu
½ rauðlaukur, fínt sax-
aður
2 tómatar, fræhreins-
aðir, skornir í fína ten-
inga
½ agúrka, fræhreinsuð,
skorin í fína tenginga
1 chili-pipar, fræhreins-
aður, fínt skorinn
¼ bolli ferskt kóríander,
fínt skorinn
salt og pipar
2 tsk. sterk sósa
4 tortillur
1 avókadó
Fiskurinn skorinn í bita og
settur í skál. Límónur og sí-
trónur kreistar yfir og
blandað saman. Plastfilma
sett yfir og sett í kæli í15-
20 mínútur. Setjið tómat,
agúrku, lauk og kóríander
útí. Kryddið með salti og
pipar og setjið sterka sósu
út í.
Berið olíu á tortillur og
bakið í ofni þar til þær eru
gullinbrúnar og stökkar.
Skerið í sneiðar með pitsu-
skera. Berið ceviche fram í
glasi eða skál og skreytið
með avókadó- og tortillu-
sneið.
Ceviche
Ferskt og fallegt í glasi.
300 g ferskur túnfiskur, skorinn í teninga
¼ bolli ferskt kóríander, fínt saxað
½ rauðlaukur, fínt saxaður
1 rauður chili-pipar, kjarnhreinsaður og fínt saxaður
½ dós kókosmjólk
1-2 msk. ostrusósa
salt og pipar
Hrærið öllu saman í skál og smakkið til og kryddið eftir smekk. Látið
standa í kæli í a.m.k. 2 klukkustundir. Berið fram með djúpsteiktu
wonton.
Túnfiskstartar
Það er smekksatriði hveru mikið skal krydda réttinn.