Morgunblaðið - Sunnudagur - 24.03.2013, Qupperneq 32

32 MORGUNBLAÐIÐ SUNNUDAGUR 24.3. 2013
Matur og drykkir
Ragnheiður smakkar soðið til og eins gott að blása aðeins fyrst.
… og soðinu, sem búið er að malla lengi, bætt á diskinn.
LEIKUR EINN AÐ BÚA TIL GÓÐAN MAT
Súpa sem fær
fólk til að tala
Kjötið er skorið í örþunnar sneiðar …
RAGNHEIÐUR SKÚLADÓTTIR, LEIKHÚSSTJÓRI LEIK-
FÉLAGS AKUREYRAR, HEFUR GAMAN AF ÞVÍ AÐ
ELDA. HÚN BAUÐ Í VÍETNAMSKA NÚÐLUSÚPU.
Skapti Hallgrímsson skapti@mbl.is
U
ppskriftina fékk ég hjá víetnamskri konu sem ég kynntist í
Bandaríkjunum þegar ég var þar í námi. Súpan hefur því fylgt
mér í ... vá, hvað ég er orðin gömul! – tuttugu ár,“ segir Ragn-
heiður leikhússtjóri þar sem blaðamaður rekur úr henni garn-
irnar í eldhúsi íbúðar þeirra Bjarna Jónssonar við Hafnarstræti á Ak-
ureyri. Gestirnir bíða rólegir frammi í holinu.
„Þetta er hefðbundin víetnömsk núðlusúpa. Ég er með nautakjöt í henni
en hægt er að nota ýmislegt annað, sumir hafa til dæmis kjúkling. Soðið
er hins vegar uppistaðan.“ Það býr hún til sjálf með því að sjóða bein,
helst mergmikil, í langan tíma, eins hún útlistar í uppskriftinni.
Ragnheiður segist iðulega bjóða upp á súpuna, aldrei gera hana fyrir
færri en fjóra og ákjósanlegt að sé að laga hana fyrir tíu. „Það er því gott
tækifæri til að slá upp veislu, þegar ég er með þessa súpu og eitt sér-
staklega skemmtilegt við þennan rétt; að bjóða upp á hann er góð leið til
að fá fólk til að tala saman. Þetta er því tilvalinn matur þegar gestir
þekkja ekki hver annan; chili, baunaspírur og límónur eru í skálum á borð-
inu, fólk þarf að biðja sessunautinn að rétta sér það og í framhaldinu skap-
ast iðulega umræður um matinn. Vegna þess að fólk fær ekki allt sem með
þarf á diskana, spinnast svo oft skemmtilegar sögur!“
Vart þarf að taka fram að gestum Ragnheiðar þetta kvöld líkaði súpan
afar vel. Þar var á ferðinni leikhópur LA í vetur, framkvæmdastjórinn og
verkefnisstjóri LA, auk tveggja kvenna úr sviðslistahópnum Kviss búmm
bang, sem undirbýr sýningu sem frumsýnd verður hjá LA í apríl.
Lengi býr að fyrstu gerð
Ragnheiður Skúladóttir segist hafa mjög gaman af því að elda og gerir
mat frá öllum heimshornum. Súpuna góðu segist hún aðallega gera á vet-
urna, eins og gjarnan er með matarmiklar súpur. „Ég elda allt frá íslensk-
um mat yfir í ítalskan, taílenskan, víetnamskan og svo líka mikið af ind-
verskum mat, sem mér finnst mjög góður. Ég var lengi í Bandaríkjunum
og finnist bröns-hefðin þeirra líka skemmtileg; ég á til að skella í amer-
ískar pönnukökur, steikja feitt beikon og egg til hátíðabrigða um helgar.“
Áhuginn á matargerð kviknaði snemma. „Lengi býr að fyrstu gerð, á vel
við í mínu tilfelli. Þessi gífurlegi áhugi á mat kemur frá móður minni þó að
fjölbreytnin stafi af því að ég hef flakkað mikið og kynnst ýmsum mat-
arvenjum hér og þar í heiminum.“
Ragnheiður og Bjarni, eiginmaður hennar og leikskáld, keyptu sér íbúð
á Akureyri og fluttu lögheimilið þangað eftir að hún var ráðin leik-
hússtjóri. „Ég man að í fyrsta viðtali mínu við stjórn Leikfélagsins var ég
spurð hvort ég myndi flytja til Akureyrar og ég sagði nei! Enda var þá
verið að tala um 50% starf listræns stjórnanda í nokkra mánuði. Svo fór-
um við hjónin að leita að húsnæði til að leigja en fundum ekkert við fyrstu
sýn sem hentaði og ég prófaði þess vegna að skoða fasteignavef mbl.is og
sá þessa íðilfögru íbúð – og þegar ég skoðaði hana kom mér á óvart að
hún var meira að segja jafn falleg í alvörunni og á myndum! Eigandinn
býr í Svíþjóð en systur hennar tvær sýndu mér íbúðina og þær heilluðu
mig líka mjög og dró það ekki úr áhuganum …“
Leikhússtjórinn segir afborganir af láni vegna íbúðarinnar svipaðar og
mánaðarleiga þannig að ekki hafi verið vafi í huga hjónanna að kaupa.
„Svo skemmir heldur ekki fyrir að það er örstutt í vinnuna. Mér finnst
nauðsynlegur partur af starfinu að taka á móti fólki fyrir hverja einustu
sýningu, ef ég er í bænum; þannig kynnist ég áhorfendum og finnst
skemmtilegt að vera í svona miklu návígí við þá.“
Núðlurnar, kjötið og vorlaukurinn sett á disk …
Vorlaukurinn skorinn í tiltölulega litla bita … Meðlætið sem fólk setur á diskinn eftir að borðhald hefst.
Ragnheiður bauð upp á innanlærisvöðva í súpuna
að þessu sinni, en segir hægt að nota hvaða góð-
an bita af skepnunni sem er. „Því er þó ekki að
leyna að lundin er auðvitað best.“
Notið góðan bita