Morgunblaðið - Sunnudagur - 24.03.2013, Qupperneq 34

*Græjur og tækniFjármögnunarsíðan Kickstarter er týndi hlekkurinn á milli lánastofnana og vefverslunar »36
Þ
etta er bíll sem öllum langar í en fáir þora hreinlega að keyra. Aflið er slíkt,“ segir
Bæring Jón Skarphéðinsson, sölumaður hjá Höfðabílum, en bílasalan hefur fengið
Mercedes Benz til sölu. Bíllinn er ekki bara einhver Benz því þarna er á ferðinni eitt
af þremur eintökum í heiminum sem er eins. Bíllinn er algjört villidýr því hrossin
eru alls 550 undir húddinu og hámarkshraði er 400 kílmetrar á klukkustund. Og hann kemst
upp í 400 fái hann tækifæri til þess.
Til að hemja alla þessa orku er bremsukerfið sérsmíðað frá Brembo. Átta stimplar þrýsta
bremsuklossunum að fljótandi bremsudiskunum að framan og fjór-
ir að aftan. Venjulegur bíll býr ekki við svona munað. Langt í
frá. Bremsudiskarnir aflagast aldrei en dýrir eru þeir.
„Það er mjög auðvelt að vera í rólegheitum á 250 kíló-
metrum á klukkustund á þessum bíl. Hann er meira að
segja hannaður til að geta tekið 110 oktana bensín. Þá
fást auka 30 hestöfl. En hann er stilltur á hefðbundið 95
oktana bensín núna,“ bætir Bæring við.
Bæring er sjálfur enginn aukvisi þegar kemur að kraft-
miklum bílum. Ekur um á Corvettu. Pústkerfið er einnig
sérsmíðað frá Eisenhaus og hljóðið sem bíllinn gefur frá sér
bæði tignarlegt og rosalegt. Felgurnar eru svartar og sérsmíð-
aðar, allt í senn. Ljósin reyklituð og kramið litað svart. Hér hef-
ur verið hugað að öllum smáatriðum og frágangi.
Bíllinn er sannkallað listaverk að utan sem og innan. Kostar 13
milljónir og ef þú lesandi góður skyldir sjá þetta óargadýr í bak-
sýnisspeglinum þá er um að gera að færa sig frá. Það er allt í lagi að
hleypa þessum framhjá sér.
Mælaborðið sýnir hámarkshraðann.
Sérsmíðað að sjálfsögðu.
20 tomma felgurnar eru sérsmíðaðar.
Þarna leynast 550 hross.
Innanstokksmun-
irnir eru ekki
af verri endanum.
6,2 lítra vél breytt
frá AMG. Gerist
ekki flottara.
Morgunblaðið/Rósa Braga
MERCEDES BENZ SEM KEMST UPP Í 400
Listaverk á
hjólum
Á HÖFÐABÍLUM STENDUR EINN GLÆSILEGASTI BÍLL LANDSINS. BÍLLINN
ER AF TEGUNDINNI MERCEDES BENZ CLS 63 AMG OG ER 550 HESTÖFL
OG AÐEINS EINN AF ÞREMUR SLÍKUM BÍLUM SEM TIL ERU Í HEIMINUM.
SÉRBREYTT SJARMATRÖLL.
Benedikt Bóas benedikt@mbl.is
Hægt er að skipta um gír með stýrinu.