Morgunblaðið - 06.04.2013, Blaðsíða 4

4 FRÉTTIRInnlent
MORGUNBLAÐIÐ LAUGARDAGUR 6. APRÍL 2013
VIÐ VILJUM VITA
MÖGULEG INNGANGA ÍSLANDS Í
EVRÓPUSAMBANDIÐ SNÝST UM HAGSMUNI
ALMENNINGS – UM LÍFSKJÖR – UM FRAMTÍÐ.
KLÁRUM VIÐRÆÐURNAR OG SJÁUM
SAMNINGINN.
JAISLAND.IS
SVIÐSLJÓS
Hólmfríður Gísladóttir
holmfridur@mbl.is
Líkt og greint hefur verið frá í fjöl-
miðlum fer ferðamönnum til Íslands
sífellt fjölgandi og forsvarsmenn
nokkurra stærri hótela landsins
segja stefna í gott ferðasumar. Á
einhverjum stöðum er þegar upp-
bókað ákveðna daga, sem m.a. má
þakka ráðstefnugestum og norður-
ljósaferðamönnum.
„Horfurnar eru góðar, hjá okkur
eins og hjá flestöllum. Það eru mörg
tímabil í sumar sem eru orðin yf-
irfull nú þegar,“ segir Jóhann Sigur-
ólason, yfirmaður gistisviðs hjá
Grand hótel Reykjavík. Hann segir
stefna í met en þrátt fyrir að hótelið
sé það stærsta á landinu, 311 her-
bergi, þá hafi aldrei þurft að vísa
jafn mörgum frá.
„Fljótlega upp úr áramótum voru
ákveðin tímabil í sumar orðin full,
sérstaklega tímabil þegar stórar og
miklar ráðstefnur eru í bænum. Það
þýðir náttúrlega að ráðstefnuhótelin
fyllast og þá er það mikið farið af
gistirými að það er stutt í að allt
annað fyllist,“ segir Jóhann. Hann
segir ráðstefnutímabilin í lok maí og
fram í júní og aftur í ágúst en júlí sé
svo aftur háannatími hvað varðar
„hefðbundna“ ferðamenn.
Jóhann segir að þrátt fyrir að of-
framboð sé á gistirými í janúar og
febrúar hafi dreifing ferðamanna
jafnast út og norðurljósaferðamenn
komi þar sterkir inn. „Það eru
svakalegar sveiflur í þessu en þær
hafa minnkað verulega undanfarin
ár, það er orðin svo miklu meiri
vetrartraffík en við höfum séð áð-
ur,“ segir hann. Því sé m.a. að
þakka kynningarstarfsemi und-
anfarin ár.
Hildur Ómarsdóttir, forstöðu-
maður sölu- og markaðssviðs Ice-
landair Hotels, segir útlitið fyrir
sumarið gott en bókanir séu enn að
berast. „Það er alltaf svo að það eru
ákveðnir landshlutar sem eru mjög
eftirsóttir. Það má nefna Kirkjubæj-
arklaustur, Egilsstaði, Akureyri og
Reykjavík. Þar eru biðlistar og þeir
voru komnir síðasta haust,“ segir
hún.
Hildur segir að þar sem Ice-
landair Hotels selji mikið af gistingu
í heildsölu sé erfitt að draga upp
heildarmynd af sumrinu enn sem
komið er. Hún segir umfjöllun um
vaxandi fjölda ferðamanna að ein-
hverju leyti yfirdrifna.
„Mér finnst að við eigum að ein-
beita okkur að því að hámarka söl-
una. Það eru enn flugsæti laus til
landsins og það eru enn gistirými
laus. Við eigum að gera því sem best
skil og einbeita okkur að því að
tryggja að innviðir íslenskrar ferða-
þjónustu standi undir þeim aukna
straumi ferðamanna sem er að
koma til landsins. Gera það vel og
fókusa á það sem skiptir máli til
þess að allt gangi sem best. Þannig
að gestirnir fari síðan ánægðir heim,
svo það komi síðan aftur fleiri ferða-
menn á næsta ári og að við verðum
undir það búin þegar að því kemur.“
Uppbókað ákveðna daga í sumar
 Mikill gangur í bókunum fyrir sumarið hjá stærri hótelum  Gistirými fljót að fyllast þegar stórar
ráðstefnur eru í borginni  Dregur úr árstíðasveiflum  Tryggja þarf innviði ferðaþjónustunnar
Morgunblaðið/Golli
Túristar Jóhann segir ferðamönnum frá Asíu sem koma hingað til að skoða norðurljósin hafa fjölgað mikið.
Gisting
» Ingólfur Haraldsson, hótel-
stjóri Hilton Reykjavík Nordica,
segir stöðu bókana fyrir sum-
arið með svipuðu móti og und-
anfarin ár. „Eigum við ekki að
segja að sumarið sé fullt, það
er bara spurning hvort það
verði troðfullt eða minna fullt.“
» Hann segir tölur Hagstof-
unnar um fjölda ferðamanna
ekki ríma við raunveruleikann,
þar sem margir gisti hjá vinum
eða kunningjum eða í svartri
gistingu í íbúðum eða her-
bergjum.
„Fyrstu heimilismennirnir flytja
inn um helgina,“ segir Gunnar
Einarsson, bæjarstjóri í Garðabæ,
en nýja hjúkrunarheimilið Ísafold
var opnað þar í gær. Heim-
ilisfólkið kemur flest frá hjúkr-
unarheimilinu á Vífilsstöðum eða
40 einstaklingar. Vífilsstaðaheim-
ilið mun þá standa autt en Gunnar
segir það á valdi ríkisstjórn-
arinnar að ákveða framtíð þess.
Á hjúkrunarheimilinu eru 60
rými í formi einstaklingsíbúða en
þeim hefur öllum verið úthlutað
og biðlisti er farinn að myndast.
Gunnar segir mögulegt að opna á
milli íbúða ef hjón eða sambýlis-
fólk sækir um hjá þeim. „Við stí-
um ekki hjónum í sundur sem
vilja koma hingað,“ segir hann en
bendir þó á að báðir aðilar þurfi
að fá vistunarmat til að geta sótt
um.
Gunnar segir hjúkrunarheimilið
ekki einungis fyrir Garðbæinga
þótt það sé þar. „Hver sem er get-
ur sótt um hjá okkur ef hann hef-
ur fengið vistunarmat,“ segir
Gunnar en bætir við að oft sæki
fólk þó um á hjúkrunarheimilum í
nágrenni við heimili sitt. Á neðstu
hæð Ísafoldar verður hægt að
sækja ýmsa þjónustu líkt og fót-
snyrtingu, sjúkraþjálfun, hár-
greiðslu og fleira. Gunnar segir þá
þjónustu ekki einungis fyrir heim-
ilismenn heldur muni hún nýtast
öðrum Garðbæingum líka.
Ísafold stendur við Strikið í Sjá-
landi en götunöfn hverfisins eru
skírskotun í sameiginlega sögu Ís-
lands og Danmerkur. Hallgrímur
Helgason átti þátt í nafngiftum í
Sjálandi og að sögn Gunnars var
leitað til hans þegar kom að því að
nefna hjúkrunarheimilið. „Ísafold
þýðir gamla Ísland og forðum
daga í Kaupmannahöfn voru mörg
ljóðin samin um Ísafold,“ segir
Gunnar.
Hver deild hjúkrunarheimilisins
er svo nefnd eftir náttúruperlum
Íslands líkt og Þórsmörk, Heið-
mörk, Dynjandi og fleira. „Við
viljum sýna virðingu okkar fyrir
starfi fólksins sem hefur lifað og
byggt upp landið og er komið
þarna til að hvíla lúin bein,“ segir
Gunnar um hugsunina að baki
nafngiftunum.
Morgunblaðið/Ómar
Ræða Erling Ásgeirsson formaður bæjarráðs Garðabæjar hélt tölu í tilefni opnunar hjúkrunarheimilisins.
Rými fyrir 60 manns
 Hjúkrunarheimilið og þjónustumiðstöðin Ísafold í Garða-
bæ í notkun  Heimilisfólk kemur flest frá Vífilsstöðum
Jarðskjálftavirkni fyrir norðan land
fer hægt minnkandi, samkvæmt
upplýsingum frá Veðurstofu Ís-
lands. Samkvæmt vef Veðurstof-
unnar varð þó skjálfti upp á 3,6, kl.
hálfellefu í gærkvöld, en styrkleiki
hans fékkst ekki staðfestur hjá
Veðurstofu Íslands. Töluverð virkni
var á svæðinu í gærdag með fjölda
smáskjálfta.
Rétt fyrir miðnætti í fyrrakvöld
jókst virkni en þá urðu tveir skjálft-
ar af stærð 3,4 og 3,6 skömmu fyrir
miðnætti Skjálftarnir áttu upptök
sín um 15 km norðaustur af Gríms-
ey. Skjálftarnir fundust vel í Gríms-
ey og í kjölfarið jókst virkni en datt
aftur niður um tvöleytið um nóttina.
Kemur í smáhviðum
„Ef horft er yfir daginn þá kem-
ur þetta í smáhviðum. En það lítur
ekki út fyrir að það virkni sé að
aukast núna. Ástandið er búið að
vera stöðugt í dag og í raun ekkert
nýtt,“ sagði Benedikt G. Ófeigsson,
sérfræðingur í jarðskorpuhreyfing-
um hjá Veðurstofu Íslands, um
kvöldmatarleytið í gærkvöldi.
Hann tók þó fram að ómögulegt
væri að spá fyrir um framhaldið,
virkni gæti allt eins rokið upp aftur.
Tiltölulega stöð-
ugt fyrir norðan
 Jörð skalf NA af Grímsey í gærkvöldi