Morgunblaðið - 06.04.2013, Blaðsíða 29

FRÉTTIR 29Erlent
MORGUNBLAÐIÐ LAUGARDAGUR 6. APRÍL 2013
Háþrýstidælur
Teg: K 3.500
120 bör max
460 ltr/klst
Teg: K 7.400
160 bör max
600 ltr/klst
Þegar gerðar eru hámarkskröfur
F A G M E N N S K A A L L A L E I Ð
Skeifan 3 E-F • 108 Reykjavík • Sími 581 2333 • rafver.is
makes a difference
Hvalveiðar Japana í Suðurhöfum hafa aldrei verið
minni en í ár frá því að „vísindaveiðar“ þeirra hófust
árið 1987, að sögn sjávarútvegsráðherra Japans,
Yoshimasa Hayashi. Hann sagði í gær að 103 hrefnur
hefðu veiðst á vertíðinni, meira en helmingi færri en í
fyrra. Hann sagði að ástæðan væri „ófyrirgefanleg
skemmdarverk“ umhverfisverndarsamtakanna Sea
Shepherd sem hafa truflað veiðarnar.
Heimildir: Alþjóðahvalveiðiráðið/NOAA/ProjectMinke.org/Veiðimálastofnun Japans
Hvalveiðar Japana
Hrefna853
505
2006 07 08 09 10 11
507
172
551
680
Vertíðarlok
267
12 13
985
Fyrirhuguð
veiði í ár
103 hafa
veiðst, að
sögn yfirvalda
í Japan
Heildarafli á ári
Útbreiðsla hrefnu
á suðurhveli
Áætluð stofnstærð:
515.000
SUÐURSKAUTSLANDIÐ
Aðallega hrefnur en
einnig nokkrar
langreyðar á
síðustu árum
Hafa aldrei veitt jafnfáa hvali
Pakistönsk húsmóðir, sem kann
hvorki að lesa né skrifa, þrátt fyrir
að vera gift skólastjóra, er komin á
spjöld sögunnar fyrir að vera fyrsta
konan til að bjóða sig fram í kosn-
ingum í þeim hluta landsins þar sem
talíbanar ráða ríkjum.
Badam Zari er 53 ára og líklega á
hún litla möguleika á sigri. En eld-
móður hennar þykir glæða vonir um
breytingar í þessum íhaldsamasta
hluta Pakistans. Þar þurfa konur að
hylja líkama sinn frá toppi til táar á
meðal almennings og fæstar þeirra
nýta kosningarétt sinn.
„Ég tek þátt í kosningabaráttunni
af ástríðu, með hreint hjarta og
hreina samvisku. Metnaður minn
liggur í því að mennta komandi kyn-
slóðir, stúlkur og konur, og að þjóna
þeim,“ segir hún í samtali við AFP-
fréttastofuna. „Ég veit að ég er
fyrsta konan sem býður sig fram og
ég vonast til að vinna.“
Faðir hennar sendi hana í skóla en
öðrum í fjölskyldunni fannst það
óviðeigandi þar sem hún væri stúlka.
Þar með lauk skólagöngu hennar.
Bajaur-hérað er afskekkt og þar
er ólæsi útbreitt. Þar ráða afganskir
talíbanar og herskáir hópar Pakist-
ana ríkjum.
Zari segir að sér hafi ekki verið
hótað en hún megi ekki stunda kosn-
ingabaráttu sína á almannafæri. Því
gangi hún hús úr húsi og einbeiti sér
að því að fá konur til að kjósa. Eitt
helsta stefnumál hennar er að bæta
heilsugæslu kvenna. „Stundum
deyja konur hér í fjöllunum vegna
þess að þær fá ekki heilbrigðisþjón-
ustu. Við höfum ekki hreint
drykkjarvatn og ég vil berjast fyrir
því.“
Stjórnmálafræðiprófessor við Há-
skólann í Peshawar segir að fram-
boðið sé mjög athyglisvert. „Fyrir
konu að stíga fram og segjast ætla
að bjóða betur en allir karlarnir og
konurnar, það eitt og sér er mikil
áhætta.“ sunna@mbl.is
Býður sig fram „með hreint
hjarta og hreina samvisku“
AFP
Í framboði Zari við heimili sitt.
Jens Stoltenberg, forsætisráðherra Noregs (til vinstri), ræddi við Dmítrí
Medvedev, forsætisráðherra Rússlands, í Pétursborg í gær eftir ráðstefnu
um umhverfismál á vegum Eystrasaltsráðsins. Stoltenberg sagði eftir
fundinn að þeir hefðu meðal annars rætt samstarf ríkjanna á sviði sjávar-
útvegs og orkumála og benti á að þorskveiðar ríkjanna í Barentshafi hefðu
stóraukist. Þeir ræddu einnig samstarf Rússa og Norðmanna við leitar- og
björgunarstörf í Barentshafi og samvinnu í þágu náttúruverndar á norður-
slóðum.
Stoltenberg kvaðst ennfremur hafa notað tækifærið til að láta í ljósi
áhyggjur af hömlum sem settar hafa verið á mannréttindahreyfingar og
fleiri samtök með nýlegum lagabreytingum í Rússlandi. „Við höfum tekið
eftir því að slíkar lagabreytingar hafa þegar haft áhrif á samstarf norskra
og rússneskra samtaka,“ sagði norski forsætisráðherrann.
AFP
Ræddu hömlur á samtök