Morgunblaðið - 06.04.2013, Blaðsíða 12

12 FRÉTTIRInnlent
MORGUNBLAÐIÐ LAUGARDAGUR 6. APRÍL 2013
Rau›arárstígur 14 · sími 551 0400 · www.myndlist.is
Opið virka daga 10–18, laugard. 11–16, sunnud. 14–16
Listmunauppboð
Erum að taka á móti verkum á næsta uppboð
Síðustu forvöð til að koma með verk á
uppboðið er mánudaginn 15. apríl
Vefuppboð
Keramik og speglar
lýkur 8. apríl
Myndlistaruppboð
lýkur 9. apríl
Silfuruppboð
lýkur 29. apríl
Áhugasamir geta haft
samband í síma 551-0400
ungan dreng var þetta alveg nýr
heimur. Heimili þeirra er á sunn-
anverðu Eistlandi og engan sjó er
þar að sjá. „Ég kunni ekki að synda
þegar ég kom til Íslands en lærði
það hér,“ segir Kadri hlæjandi en
hún synti þó ekki í sjónum en hver
veit nema hún eigi það eftir.
Draumahúsið í skóginum
Kadri segir laun tónlistarkennara
betri á Íslandi en í heimalandi sínu
en þar vinna kennarar jafnan mikla
aukavinnu. Þar er líka dýrt að lifa og
rafmagn er mjög dýrt.
Kadri hefur kjark og þor til að
koma draumum sínum í framkvæmd
en hún er með draumahúsið sitt í
byggingu í heimalandinu. „Þetta er
stórt timburhús í skógi í sunn-
anverðu Eistlandi, stutt frá Rúss-
landi og Lettlandi. Þar er líka hús
afa míns þar sem móðir mín býr
ásamt börnum mínum og ég hef
keypt landskika í skóginum kringum
bæði húsin,“ segir Kadri ánægð.
Þarna sér hún fyrir sér að í framtíð-
inni gæti hún stofnað eins konar
gistiheimili og boðið líka upp á lif-
andi tónlist. Í skóginum finnast
merki um stríðsátök frá fyrri tíð og
gamlar byssukúlur sitja enn í trjá-
stofnum, segir Kadri en umhverfið
er fagurt og hefur alla burði til að
geta orðið vinsæll ferðamanna-
staður.
Vindurinn á Íslandi hressandi
Hinni sígildu íslensku spurningu
um veðrið svarar Kadri með stríðn-
islegu brosi: „Það er kannski betra
að vera svolítið léttgeggjaður til að
geta þolað veðrið hérna en mér
finnst vindurinn bara hressandi, úti í
Eistlandi er oft mjög kalt en það er
aldrei vindur á heimaslóðum mínum
í skóginum. Svo lærist það fljótlega
að ekki þýðir að ákveða of langt fram
í tímann og veðrið getur á svip-
stundu breytt öllum fyrirætlunum.“
Það er meira en veðrið sem þarf
að takast á við á Íslandi, það er sjálf
íslenskan. Kadri er ágætlega ensku-
mælandi og því hafa samskipti eink-
um verið á því tungumáli. Hún er nú
að læra íslensku gegnum skype hjá
eistneskum kennara sem búið hefur
hér á landi um árabil og er afar
ánægð með það.
Tónlistarsúpa og tónlistarbúðir
Kadri ber hag tónlistarskólans
fyrir brjósti og stuttu áður en hún
fór út í páskafrí stóð hún fyrir „tón-
listarsúpu“ í íþróttahúsinu til fjár-
öflunar fyrir tónlistarskólann, sem
vantar bæði hljóðfæri og annað bún-
að.
Súpa var þá í boði í hádeginu,
nemendur skólans fluttu tónlist og
innkoman var um sextíu þúsund
krónur sem renna til skólans.
Kadri er metnaðarfullur kennari
og hefur einnig komið á tónlist-
arbúðum fyrir nemendur sína, bæði
á Þórshöfn, Bakkafirði og á Sval-
barði í Þistilfirði. Nemendur gista
saman eina nótt í búðunum og kallar
Kadri þetta 24ra stunda tónlist-
arbúðir, þar sem nemendur spila
saman undir stjórn hennar og eiga
einnig góðar hvíldarstundir saman.
Nemendur frá Raufarhöfn og Lundi
í Öxarfirði hafa einnig tekið þátt í
tónlistarbúðunum. Kadri fékk op-
inberan styrk til þess að fara með
nemendur sína og aðstoðarfólk í tón-
listarbúðir til Eistlands í fyrrasum-
ar. Sem nærri má geta var það
skemmtilegur viðburður hjá ís-
lensku nemendunum sem voru
reynslunni ríkari eftir dvölina.
Harmonikkan uppáhaldið
Kadri kennir á ýmis hljóðfæri en
aðspurð segir hún harmonikku vera
uppáhalds hljóðfæri sitt. Hún segir
að sér sýnist tónlistaruppeldi eist-
neskra skólabarna nokkuð frá-
brugðið því sem er hér á landi. Á
fyrstu níu árum grunnskólans í
heimalandi hennar er mikil áhersla
á grunnþekkingu á nótum og nótna-
lestri og telur hún að þetta styðji
síðar við nám í öðrum greinum.
„Hér hafa börn almennt ekki
þessa grunnþekkingu, þau eru eins
og óskrifað blað sem hægt er að
móta í tónlistinni,“ segir Kadri og
nefnir að því fylgi bæði ábyrgð og
mikil áskorun.
Eftir gott frí úti hjá börnunum
sínum kom Kadri aftur heim til Ís-
lands um páskahelgina. Hún slær
ekki slöku við fremur en fyrri dag-
inn og verður ekki nema rétt stigin
út úr bílnum þegar hún drífur sig í
næsta verkefni. Hún ásamt fleiri
heimamönnum hélt uppi tónlistar-
fjöri á veitingastaðnum Bárunni hér
við höfnina aðfaranótt annars
páskadags en iðjuleysi er ekki að-
alsmerki þessarar kjarnakonu frá
Eistlandi.
Tónlistarkennari vinnur fyrir
framtíðarheimili í Eistlandi
 Kadri Giannakaina Laube hefur í tvo vetur séð um tónlistarkennslu ungmenna á Þórshöfn
Morgunblaðið/Líney Sigurðardóttir
Í fjörunni Kadri bregður á leik með harmonikkuna í fjörunni við heimili sitt. Harmonikkan er í mestu uppáhaldi.
VIÐTAL
Líney Sigurðardóttir
Þórshöfn
Frá litla húsinu við fjöruna berast
harmonikkutónar sem hljóma vel við
gjálfur bárunnar sem nær stundum
að teygja sig alveg upp að grasblett-
inum við húsið. Þarna í fjöruborðinu
býr eistneski tónlistarkennarinn
Kadri Giannakaina Laube sem hefur
nú í tvo vetur séð um tónlistar-
kennslu ungmenna í byggðarlaginu.
Erlendir tónlistarkennarar hafa
oft unnið við tónlistarskólann á Þórs-
höfn en eitt er sérstakt við Kadri.
Hún tók þá stóru ákvörðun að
skilja börnin sín þrjú eftir í Eistlandi
hjá móður sinni og flytja til Íslands.
Þar vinnur hún að því að búa þeim
góða framtíð. Börnin eru á aldrinum
þriggja til níu ára og því var yngsta
barnið aðeins tveggja ára þegar
Kadri fór frá þeim. Þetta hlýtur að
hafa verið erfið ákvörðun en aðspurð
svarar Kadri:
„Þó það kunni að hljóma ein-
kennilega þá hef ég í raun meiri tíma
fyrir börnin mín núna heldur en þeg-
ar ég var heima í Eistlandi. Netið
brúar mikið bil og ég á samskipti við
börnin mín gegnum skype á hverjum
degi, ég hjálpa þeim með heima-
vinnu fyrir skólann og syng með
þeim. Þegar ég fer til þeirra í frí er
ég virkilega í leyfi, t.d. á jólum og
páskum en er ekki alltaf bundin við
undirleik hér og þar, eins og venjan
var hjá mér.“
Líður vel við sjóinn
Kadri var áður gift úti í Grikklandi
en þar vildi hún ekki búa og eig-
inmaðurinn ekki á Eistlandi og síðan
skildi leiðir þeirra. Hún segist aldrei
hafa fundið neina „heimatilfinningu“
á búskaparárunum á Grikklandi en á
Íslandi er þessi tilfinning sterk.
„Hér er gott að vera og mér finnst
alltaf gott að koma hingað heim aft-
ur eftir frí. Börnum mínum líður vel
úti, eru ánægð í skólanum sínum og
amma þeirra hugsar vel um þau.“
Eldri börnin hafa komið hingað í
heimsókn og sagði hún drenginn
vera svo hrifinn af því að vera svona
alveg við sjóinn, að hann afþakkaði
að fara með henni í skólann og vildi
fá að vera heima í litla húsinu í fjör-
unni þó að ungur væri og fylgjast
með öllu lífinu við höfnina sem blasir
við út um gluggana. Selur gerir sig
stundum heimakominn á steini í
sjónum framan við húsið og fyrir
Áhugasamir nemendur Tónlistarsúpan hjá nemendum tónlistarskólans
heppnaðist vel, ágóði tónleikanna nýtist í hljóðfærakaup fyrir skólann.
Lögregla á þremur lögreglubílum
og þremur bifhjólum sektaði
gesti í Garðabæ grimmt í gær-
kvöldi vegna stöðubrota. Vegna
skorts á bílastæðum lögðu fjöl-
margir gestir á körfuboltaleik
Stjörnunnar og Snæfells eða á
fimleikamóti gjarnan upp á gras-
eyjar eða annars staðar þar sem
þeir gátu. Lögreglan fór á stað-
inn og sektaði fjölmarga öku-
menn og mega þeir búast við sekt
upp á fimm þúsund krónur vegna
yfirsjónarinnar.
Margir sektaðir vegna
stöðubrota í Garðabæ
Morgunblaðið/Árni Sæberg