Morgunblaðið - Sunnudagur - 12.05.2013, Side 4

Ég er mjög glaður fyrir hanshönd, en ég er City-maðurog hef verið frá 1955,“ segir
Heimir Guðjónsson sem átti sam-
skipti við David Moyes eldri sem
stjórnarmaður í KR og hefur verið
fjölskylduvinur síðan þá. „Ég vildi
fá hann til City, en því miður hafa
þeir ekki sama smekk og ég!“
Heimir kynntist Moyes eldri þeg-
ar sá síðarnefndi var aðstoðar-
skólastjóri í Anniesland College og
KR-ingar settu sig í samband við
hann. „Við vildum komast í sam-
skipti við félag ytra og svo fór að við
sendum út lið í þriðja flokki árið
1972. Þarna hófst gott samstarf og
vinátta við Moyes og hún stendur
enn á traustum grunni. Við erum
alltaf í sambandi ég og sá gamli og
ég hef hitt þann yngri nokkrum
sinnum. Það er góður maður og
traustur – séntilmaður.“
Skemmtilegri en Ferguson
Moyes eldri var áður tækniteiknari í
Clyde-skipasmíðastöðinni þar sem
Sir Alex Ferguson vann sem lær-
lingur verkfærasmiðs. Og spurning
vaknar hvort Skotarnir David Moyes
yngri og Sir Alex séu líkir.
„Nei, nei, David Moyes er
skemmtilegur. Ég held að Fergu-
son sé ekkert skemmtilegur,“ svar-
ar Heimir.
– Eru þetta City-fordómar?
„Að sjálfsögðu! Þú getur ekkert
haldið með City og hælt gaurum
hjá United. Þá værirðu ekki sannur
í trúnni. Eins og ég fari að hæla
Völsurum eða Skagamönnum. Það
getur maður ekki, þó að ég geti
borið virðingu fyrir þeim – upp að
vissu marki.“
Heimir hefur tvisvar sinnum séð
Moyes yngri spila fótbolta. „Fyrst
með skoska unglingalandsliðinu
sem kom hingað til landsins og svo
einn leik með Celtic í Glasgow.
Hann var bakvörður og harður
nagli, eins og þeir eru allir þessir
Skotar. Hann var góður knatt-
spyrnumaður, en aldrei yfirburða-
leikmaður. „Solid gaur“ í boltanum,
myndi ég segja, en frábær þjálfari.“
Það er ekki á margra vitorði, en
David Moyes yngri á ekki langt að
sækja þjálfarahæfileikana, því sá
eldri þjálfaði Drumchapel Ama-
teurs, þar á meðal Kenny Dalglish
og Andy Gray. „Þetta voru strákar
undir átján ára aldri og hann sagði
mér að hann hefði farið með þá í
margar ferðir til Hollands á sínum
tíma,“ segir Heimir.
„Það er til skemmtileg saga af
því sem karlinn sagði mér. Þegar
Dalglish var sextán ára vildi Celtic
fá hann í sínar raðir, en vegna ungs
aldurs þurfti samþykki foreldra og
pabbi hans sagði þvert nei. Hann
vildi að Dalglish lyki trésmíðanám-
inu fyrst í Anniesland College. Þá
sagði Moyes eldri við hann: „Ef
hann skrifar undir hjá Celtic getur
hann keypt öll trésmíðaverkstæði í
Glasgow og rúmlega það.“ Það
dugði til að sannfæra föður
Dalglish.“
Heimir rifjar upp að Moyes yngri
hafi byrjað þjálfaraferil sinn 15ára
gamall er hann æfði og spilaði í
Eyjum, en þá hafi hann í fyrsta
skipti fengið greitt fyrir þjálfun.
„Sá gamli sagði mér að honum
hefði aldrei leiðst eins mikið á æv-
inni, enda var hann aðeins 15 ára
og langt frá foreldrahúsum. En
Eyjamenn geta verið stoltir af því
að hafa gefið honum þetta tæki-
færi.“
Fékk fálkaorðuna
Moyes eldri átti í góðum sam-
skiptum við fjölmörg félög hér á
landi í tengslum við æfingaferðir til
Skotlands. „Það er óhætt að segja
að hann sé sannur Íslandsvinur,“
segir Heimir. „Enda fékk hann
fálkaorðuna og er mjög stoltur af
henni, sýndi mér hana þegar ég var
hjá honum síðast. Og svo hefur
hann líka fengið orðu frá drottning-
unni. Hún á ábyggilega eftir að
heiðra þann unga líka – fylgir það
ekki starfinu hjá United?“
Hann þagnar.
„Þú ert kannski United-maður?“
– Mikið rétt.
„Þú hefðir þá átt að tala við mig
á sama tíma í fyrra!“
David Moyes hefur tekið við keflinu
frá samlanda sínum Ferguson.
Ferguson vann hjá sömu
skipasmíðastöð og Moyes eldri.
AFP
Séntilmaður
MOYES-FJÖLSKYLDAN HEFUR HEIMSÓTT ÍSLAND
REGLULEGA SÍÐUSTU ÁRATUGI. DAVID MOYES
ELDRI ER STOLTUR AF FÁLKAORÐUNNI. SÁ YNGRI
HÓF FERILINN Í VESTMANNAEYJUM. HARÐUR
NAGLI Á VELLINUM OG FRÁBÆR ÞJÁLFARI.
David Moyes, Heimir Guðjónsson og David Moyes eldri á góðri stundu.
4 MORGUNBLAÐIÐ SUNNUDAGUR 12.5. 2013
„Ég kynntist David Moyes eldri fyrir 27 árum
þegar ég hóf störf að ferðaþjónustu fyrir
íþróttahópa,“ segir Hörður Hilmarsson hjá
ÍT ferðum.
„Þá vorum við Þórir heitinn Jónsson, burð-
arás hjá FH í fótbolta, að stofna íþróttadeild
Samvinnuferða-Landsýn. Eitt af því fyrsta
sem við gerðum var að heimsækja David Mo-
yes eldri, sem hafði verið í sambandi við
knattspyrnuhreyfinguna, útvegað þjálfara og
leikmenn til Íslands og tekið á móti mörgum
íslenskum fótboltaliðum í Glasgow.“
Nóg að komast til Íslands
Moyes vann raunar lengi fyrir Glasgow Rang-
ers við að leita að leikmönnum og tók á móti
mörgum þekktustu leikmönnum íslenskrar
knattspyrnu á borð við Ásgeir Sigurvinsson,
Arnór Guðjohnsen, Sigurð Jónsson, Pétur
Pétursson og Arnar Grétarsson. Ungir og
efnilegir íslenskir leikmenn fengu að æfa með
Rangers, gistu oft heima hjá Moyes-
hjónunum, hún eldaði ofan í þá og keyrði þá á
æfingar.“
Það sem vakti fyrir Herði og Þóri var að
skipuleggja íþróttaferðir til Skotlands og Mo-
yes tók vel í það. „Ég man að ég spurði hvort
við ættum ekki að leggja á 10 til 20 pund á
mann til að greiða hans þjónustu, en hann
vildi halda verðinu eins lágu og hægt væri og
sagði að það væri nóg fyrir sig ef hann kæmist
til Íslands einu sinni á ári að hitta vini sína.
Okkur þótti þetta sérstakt, því yfirleitt hreyfa
menn sig ekki nema fyrir peninga.“
Hörður hefur hitt David Moyes yngri
nokkrum sinnum. „Ég hef hitt hann í
tengslum við leiki bæði í Skotlandi og Eng-
landi. Ég fór með honum á landsleik hér á Ís-
landi fyrir rúmum tíu árum og út að borða eft-
ir leik, en þá var hann að velta fyrir sér hvort
hann ætti að vera áfram hjá Preston. Honum
hafði boðist eitthvað af störfum, m.a. sem að-
stoðarstjóri hjá Man. Utd. Hann kom mér
fyrir sjónir sem rólegur og yfirvegaður mað-
ur, það var engin fyrirferð í honum, og hann
tók greinilega sjálfan sig og starfið mjög al-
varlega. Það hefur líka komið fram hjá Sir
Alex Ferguson að arftakinn sé stálheiðar-
legur og vandaður maður.“
Salt jarðar
Hörður hitti Ferguson einu sinni með hópi í
Newcastle. „Við borðuðum á hóteli sem Unit-
ed-liðið gisti á. Ég var gerður út af örkinni til
að spjalla við karlinn og hann var fljótur að
kveikja á Íslandi, mundi strax að hann hefði
komið með Aberdeen í leik á móti ÍA 1984 og
gist á Hótel Sögu. Þegar ég nefndi Moyes-
fjölskylduna kinkaði hann kolli og sagði: „Mo-
yes-feðgarnir, salt jarðar.“
Hörður sendi Moyes eldri heillaóskir frá ís-
lenskum vinum fjölskyldunnar þegar sá yngri
var ráðinn til United og hringdi í kjölfarið.
„Gamli maðurinn var nánast klökkur og
sagði: Síminn stoppar ekki.“
Síminn hefur ekki stoppað hjá Moyes eldri
Kenny Moyes tók við samstarfinu við Íslendinga
af föður sínum. Hér með bróðurnum David.
* Einu sinni sat ég með Moyes eldri á knæpu í Glasgow, líklega átjánára – þ.e.a.s. ég – og ræddum við m.a. um drykkjusiði Íslendingaog Skota, þegar hann mælti þessi ódauðlegu orð: „Við förum ekki á fyll-
irí. Við förum bara út og fáum okkur nokkrar kollur!“ Skapti Hallgrímsson
Þjóðmál
PÉTUR BLÖNDAL
pebl@mbl.is