Morgunblaðið - Sunnudagur - 12.05.2013, Page 8

8 MORGUNBLAÐIÐ SUNNUDAGUR 12.5. 2013
Nýr hópur þingmanna hefur verið valinn.Hluti þeirra er nú upptekinn við aðskoða hvernig best megi sameina
stefnu og áherslur einstakra flokka. Aðrir eru
uppteknari af því að finna átakalínur, hverjir
lofuðu mestu eða minnstu og hvernig hægt sé að
vinna með það eða ekki.
Allt er þetta eðlilegt í eftirleik kosninga og
aðdraganda ríkisstjórnarmyndunar. Einu meg-
um við þó ekki gleyma – því eitt loforð gáfu allir
flokkar. Það er fyrirheitið um ný, breytt og
betri stjórnmál. Hjá frambjóðendum kom þann-
ig ítrekað fram að vinnubrögðin á Alþingi yrðu
að batna. Verkefnið væri að auka traust fólks til
þingsins en það hefur verið í sögulegu lágmarki
undanfarin ár og því sögðu flestir frambjóð-
endur það forgangsverkefni að auka þver-
pólitískt samstarf um brýnustu verkefni þjóð-
arinnar.
Einhverjir eru auðvitað áfram þeirrar skoð-
unar að slík vinnubrögð í stjórnmálum geri lítið
annað en bæta ásýnd en muni síður skila sér í
raunverulegum árangri. Meiri friður, minni átök
og aukið samstarf á milli ólíkra stjórnmálaflokka
sé einfaldlega of fjarri pólitískum áherslum og
hefðum til að ganga upp. Fyrir okkur sem erum
annarrar skoðunar var skýrsla um stjórnsýslu
Reykjavíkur, sem birt var í vikunni, því sérstakt
ánægjuefni.
Þar er fyrrverandi borgarstjórn hrósað fyrir
viðbrögð við efnahagshruninu og þá sérstaklega
þá þverpólitísku samstöðu sem náðist og leiddi
til þess að ,,borgaryfirvöld brugðust við þessum
áföllum strax og þau þóttu fyrirsjáanleg á árinu
2008“ og að sú pólitíska samstaða sem náðist um
viðbrögð við vandanum hafi verið mjög mikilvæg
í því efni.
Einnig er fjallað sérstaklega um fjárhagsáætl-
anagerð Reykjavíkurborgar á síðasta kjör-
tímabili en þá fór borgarstjórn nýjar leiðir sem
skiluðu hagræðingu í borgarkerfinu um 2,3
milljarða. Þá tóku allir borgarfulltrúar, starfs-
menn borgarinnar og íbúar þátt í hagræðing-
unni en sú vinna hefur vakið athygli langt út
fyrir landsteinana sem fyrirmynd að því hvernig
hægt er að vinna vel úr opinberu fjármagni á
erfiðum tímum. Núverandi meirihluti í Reykja-
vík valdi því miður aðrar leiðir, sem síðan hafa
bitnað harkalega á íbúum borgarinnar í formi
hærri skatta og gjalda, þjónustuskerðingar og
óþarfa átaka um grunnþjónustu.
Tækifærið til að gera vel og standa við gefin
loforð um ný vinnubrögð blasir við nýju þingi.
Ég vona að okkur lánist að nýta það tækifæri í
þágu breytinga, aukins lýðræðis og betri lausna.
Áherslan á ný vinnubrögð mun skila sér í raun-
verulegum árangri – til hagsbóta fyrir almenn-
ing.
Loforðið sem allir gáfu
* Eitt loforð gáfu allirflokkir. Það er fyrirheitiðum ný, breytt og betri
stjórnmál.
ÚR ÓLÍKUM ÁTTUM
Hanna Birna
Kristjánsdóttir
hanna.birna.kristjansdottir@reykjavik.is
Á Facebook ætlar
allt um koll að
keyra yfir leiknum
Candy Crush.
Fólki líkar þó mis-
vel þegar face-
bookvinir senda boð um þátttöku
í leiknum. „Fékk vinalegt boð frá
fésbókarvini sem ég hef lítil sam-
skipti við um að spila einhvern
leik hér á síðunni. Ég þáði boðið
og sé ekki eftir því, þetta reyndist
vera stórskemmtilegur leikur. –
Sagði enginn, aldrei,“ skrifar Jó-
hannes Haukur Jóhannesson
leikari á síðu sinni.
Felix Bergs-
son verður sem
kunnugt er euro-
visionþulurinn í
ár. Á Facebook
segist hann ætla
að leyfa vinum sínum að fylgjast
með því hvernig aðrir keppendur
koma honum fyrir sjónir. Dæmin
eru þegar farin að streyma inn:
„Fylgist með Króatíu (sem óneit-
anlega hefur meiri áhrif á mig en
Austurríki). Sumir halda því fram
að búningarnir séu úr uppsetn-
ingu á Vesalingunum.“
Áslaug María
Friðriksdóttir,
varaborgarfulltrúi
Sjálfstæðisflokks,
segir frá því í vik-
unni á facebook-
síðu sinni að borgarstjóri Reykja-
víkur komi oftar en ekki á óvart í
ræðupúlti. „Borgarstjórinn Jón
Gnarr á stundum alveg einstakar
ræður, hann útskýrir nú af hverju
tómatur er grænmeti en ekki
ávöxtur í umræðum um skýrslu
úttektarnefndar … ég er reyndar
alveg búin að gleyma hvernig það
kom málinu við.“
Karen Kjart-
ansdóttir,
fréttamaður á
Stöð 2, segir frá
því hvernig sam-
starfskona hennar
á fréttastofunni, Edda Andr-
ésdóttir, lýsir útliti hennar. „Að
loknum vinnudegi, eldamennsku,
þrifum og öðrum hversdags-
störfum þykir mér við hæfi að
greina fólki frá því að Edda Andr-
ésdóttir sagði mig, enn og aftur,
eins og póetíska álfkonu þegar ég
hitti hana í dag. Ég endurtek, Edda
Andrésdóttir segir mig eins og
póetíska álfkonu. Hafðu það
hversdagsleiki!“
AF NETINU
Eyþór Ingi Gunnlaugsson býr sig undir stóru stundina í Malmö Arena þar
sem hann flytur framlag Íslands í Söngvakeppni evrópskra sjónvarps-
stöðva; Ég á líf. Eurovision-hópurinn flaug út á þriðjudag en Eyþóri til
halds og trausts úti er einnig sambýliskona hans, Soffía Ósk Guðmunds-
dóttir.
Jónatan Garðarsson, fararstjóri hópsins, segir stemninguna í hópnum
sérstaklega létta og skemmtilega og hlegið sé út í eitt. Allir í hópnum
þekkist vel og hafi spilað lengi saman. Lykilatriðið sé að taka þetta ekki of
alvarlega heldur leyfa léttleikanum að vera við völd. Eina breytingin á at-
riðinu frá því sem Íslendingar sáu hér heima er að bakraddir eru fjórar og
þá verður örlítil breyting á lýsingu sem og nokkrum öðrum smáatriðum.
Jónatan er þaulvanur í að stýra Eurovison-hópum og hefur fylgt ís-
lensku keppendunum í yfir tíu skipti út og segir þetta alltaf jafngaman.
Í gær, laugardag, var stór æfing í sænsku höllinni en um kvöldið komu
Eyþór Ingi og félagar fram í norrænu boði á einum stærsta skemmtistað
borgarinnar. Þar komu allir flytjendur Norðurlanda fram en áheyrendur
voru flytjendur annarra landa í keppninni sem og blaðamenn. Í dag mun
hópurinn hvílast til klukkan sex en þá er Eurovision formlega sett með
opnunarveislu í óperuhúsi Malmö. Eyþór Ingi og félagar á fyrstu æfingu framlags Íslendinga, Ég á líf, í Malmö Hallen á fimmtudag.
Ljósmynd/Jónatan Garðarsson
Kærastan Eyþóri
til halds og trausts
Vettvangur