Morgunblaðið - Sunnudagur - 12.05.2013, Side 13

staðar í Evrópu,“ segir Þórir.
Hann telur mikla einföldun á mál-
inu að tala um að leikirnir séu jafn-
langir og því eigi að greiða jafn-
mikið, því fleira komi til.
Útgangspunkturinn sé sá að dóm-
arar sjálfir telji verkefnin sem þeim
eru falin miserfið og greiðslur KSÍ
taki mið af mati dómara.
Bendir Þórir á að dómarar eru
launþegar og viðsemjendur KSÍ og
þeir sjálfir hafi mikið um það að
segja að meta hversu erfitt hvert
verkefni er. Félag dómara leggi
fram ákveðnar kröfur og semji síð-
an við stjórn KSÍ um greiðslur. „Ef
sá hópur manna segir KSÍ að það
sé erfiðara að inna af hendi tiltekið
verkefni en annað þá verður KSÍ að
taka tillit til þess og greiða í sam-
ræmi við það,“ segir Þórir.
Allur kostnaður vegna
dómgæslu fellur á KSÍ
Kostnaður vegna dómgæslu á knatt-
spyrnuleik er greiddur af KSÍ. Áður
greiddu félög hluta kostnaðar en
samkvæmt upplýsingum frá KSÍ
hefur sambandið greitt allan kostn-
að við dómgæslu frá hruni.
Á síðasta ári námu útgjöld KSÍ
vegna dómgæslu á knattspyrnu-
leikjum í öllum deildum þar sem
KSÍ tilnefnir dómara um 96 millj-
ónum króna, sem var hækkun um
tæpar fjórar milljónir frá fyrra ári,
samkvæmt upplýsingum úr árs-
skýrslu KSÍ. Þar kemur einnig
fram að árið 2008 var þessi tala
tæpar 50 milljónir króna og þar af
greiddu félögin tæpar 13 milljónir
vegna ferða og uppihalds dómara.
Kostnaður vegna dómgæslu hefur
því vaxið mikið á síðustu árum.
Laun dómara eru ríflega þriðjungur
heildarútgjalda KSÍ vegna dóm-
gæslu, eða um 35 milljónir króna.
Fjöldi leikja á vegum KSÍ var um
5.600 á árinu 2012 og KSÍ tilnefndi
á því ári dómara og tvo aðstoð-
ardómara í 3.782 leiki. Í samningi
dómara og KSÍ til þriggja ára eru
greiðslur fyrir dómarastörf flokk-
aðar eftir erfiðleikastigi og taka mið
af hraða og ákefð leiksins.
Miklar kröfur eru gerðar um þol
og líkamlegt atgervi dómara og
gangast þeir undir þolpróf fyrir
hvert tímabil. Dómari sem dæmir í
efstu deild karla, þ.e. leiki á hæsta
erfiðleikastigi, þarf að gangast undir
strangara þolpróf en sá sem dæmir
á lægra erfiðleikastigi eins og t.d. í
efstu deild kvenna.
Alls eru 56 dómarar á lista KSÍ
yfir landsdómara, þar af fjórar kon-
ur. Engin kona hefur dæmt leik í
efstu deild karla.
Hraðinn skiptir ekki öllu
Birna H. Bergstað Þórmundsdóttir
er ein fjögurra kvendómara sem
hafa réttindi sem landsdómarar.
Hún hefur meðal annars dæmt leiki
í efstu deild kvenna og 2. deild
karla. Hún segir rétt að erf-
iðleikastig séu ólík eftir því í hvaða
deild er spilað.
„Það er alveg nóg að fara á leiki
til að sjá að það er klárlega mikill
munur þarna á milli. Það er ekki
verið að gera lítið úr konum með
því að segja það. Fyrir dómara er
klárlega munur á kröfum, það er
meiri harka í leikjum karla í efstu
deild og leikirnir eru hraðari. En
við þurfum líka að spyrja okkur
hvort hraðinn skipti öllu máli. Önn-
ur leið til að líta á þetta mál er að
horfa til þess að leikirnir sjálfir,
hvort sem um er að ræða Pepsi-
deild kvenna eða karla, skipta jafn-
miklu máli. Auðvitað væri óskandi
að það væru sömu greiðslur fyrir
leikina hvort sem dæmdur er karla-
eða kvennaleikur,“ segir Birna en
segist þó ekki gera sér miklar vonir
um að breytingar verði gerðar. „En
vonandi drífur fólk sig meira á völl-
inn í sumar. Ég held að ef það
kæmu jafnmargir á völlinn hjá
stelpunum þá kannski myndi KSÍ
minnka þennan mun,“ segir Birna.
Skaðleg skilaboð
frá KSÍ
Halla Gunnarsdóttir, sem árið 2007
gaf kost á sér til formanns KSÍ, tel-
ur félagið vera á villigötum með því
að skýra út mun á launagreiðslum
dómara með vísan í erfiðleikastig og
hraða. Hún bendir á að það sé til-
tölulega stutt síðan farið var að
greiða fyrir dómgæslu að einhverju
marki hér á landi þannig að ákvarð-
anir um greiðslur, og mun á
greiðslum eftir því hvort um er að
ræða karla- eða kvennaleiki, séu
nýjar. „Það er alveg sama hvað er
tínt til, það er ekkert sem réttlætir
þennan ofboðslega mun.“
Halla hefur áhyggjur af því að sú
afstaða KSÍ að meta upphæð
greiðslna eftir því hversu hratt leik-
menn hlaupa sé skaðleg íþróttinni
og því sem hún stendur fyrir.
„Þetta er tal sem er ofboðslega
hættulegt inn í félagsstarf eins og
fótbolta sem á að vera allra. Þetta
talar inn í áratugalanga umræðu um
hvort konur eigi yfirhöfuð að spila
fótbolta,“ segir Halla og bendir á að
mikið starf hafi unnist á síðustu ár-
um í að breyta rótgróinni misskipt-
ingu milli karla og kvenna á æf-
ingatímum, aðbúnaði og þjálfun.
„KSÍ verður að fara á undan með
framsækinni umræðu og ráðast
gegn þessum fordómum frekar en
að tala um hverjir hlaupa hraðar.
Ég held að þetta sé hættuleg um-
ræða, skaðleg fyrir fótboltann og
fyrir litlar stelpur og stráka sem
eru að spila fótbolta,“ segir Halla.
Fullkomlega
eðlilegur munur
Þorkell Máni Pétursson, fyrrum
þjálfari kvennaliðs Stjörnunnar í
knattspyrnu, tekur undir með Höllu
um að mikið hafi áunnist í uppbygg-
ingu kvennaknattspyrnu hér á landi
en telur eðlilegt að munur sé á
dómaragreiðslum í efstu deild.
„Þetta er fullkomlega eðlilegur
munur á greiðslum. Konur og karl-
ar fá jafnmikið borgað þannig að
þetta er ekkert launamisrétti.“
Þorkell Máni telur að ef greiðslur
fyrir að dæma karla- og kvennaleiki
í efstu deild yrðu jafnaðar myndu
dómarar frekar sækja í að dæma
kvennaleiki.
„Það er eins og það megi ekki
segja það, en það er meiri hraði í
karlafótbolta. Það er líka meira
undir í karlafótbolta því einn leikur
getur skipt tugum milljóna króna.
Þetta er ósanngjörn umræða
gagnvart KSÍ því félagið hefur að
mörgu leyti staðið sig gríðarlega vel
í að auka veg kvennaboltans og
setja peninga í að byggja hann upp
sem hefur skilað sér margfalt.“
Greiða ætti konum sem
dæma í efstu deild meira
en körlum
Hann telur að meira máli skipti að
fá fleiri konur í dómgæslu. „Það
væri til dæmis hægt að gera með
því að taka ákvörðun um að konur
sem dæmi í efstu deild kvenna fái
jafnmikið og karlar sem dæma í
efstu deild karla. Það myndi laða
fleiri konur í dómgæslu sem væri
mjög jákvætt,“ segir Þorkell Máni
að lokum.
12.5. 2013 MORGUNBLAÐIÐ SUNNUDAGUR 13
GJÖRIÐ
SVO VEL!
Hafðu það hollt
í hádeginu
HAFÐU SAMBAN
D
OG FÁÐU TILBO
Ð!
HEITT & KALT | S: 533 3060 | heittogkalt@heittogkalt.is
HEITT OG KALT býður starfsfólki fyrirtækja
hollan og næringaríkan mat í hádegi.
Matseðill fyrir hverja viku er birtur á:
www.heittogkalt.is
Sturla Birgisson er margverðlaunaður
matreiðslumeistari og er í dómnefnd fyrir
Bocuse d’Or sem er ein virtasta matreiðslu-
keppni heims.
Mæðradagurinn er í dag