Morgunblaðið - 17.07.2013, Síða 21

FRÉTTIR 21Erlent
MORGUNBLAÐIÐ MIÐVIKUDAGUR 17. JÚLÍ 2013
AFP
Mótmæla Stuðningsmenn Morsi vilja að honum verði sleppt úr haldi.
Bráðabirgðastjórn Egyptalands lýsti í gær yfir
óánægju sinni með yfirlýsingu Receps Tayyip Er-
dogan, forsætisráðherra Tyrklands, sem sagði á
sunnudag að Mohamed Morsi væri eini lögmæti
forseti Egyptalands. „Eins og er, er forseti minn í
Egyptalandi Morsi, því hann var kjörinn af fólk-
inu,“ sagði forsætisráðherrann í blaðaviðtali.
Talsmaður egypska utanríkisráðuneytisins,
Badr Abdelatty, lýsti yfir gremju vegna ummæl-
anna í gær og sagði þau hreint og klárt inngrip í
innanríkismál Egyptalands.
Inngrip í innanríkismál
GRAMIR VEGNA UMMÆLA ERDOGANS
Recep Tayyip Erdogan
Vladimir Pútín, forseti Rússlands,
kafaði á mánudag niður að flaki
freigátunnar Oleg, sem liggur á 60
metra dýpi milli eyjanna Gogland
og Sommers í Finnlandsflóa. Frei-
gátan, sem sökk árið 1869, fannst
árið 2003 og er nú til rannsóknar.
Ferð Pútíns niður að skipsflakinu
var sjónvarpað í Rússlandi og sagði
forsetinn skipið í góðu ásigkomu-
lagi. Það lægi á hægri hliðinni en
nafn þess sæist enn greinilega.
AFP
Pútín leggur á djúpið
Sameinuðu þjóðirnar. AFP. | Fimm þús-
und manns láta lífið í Sýrlandi í hverj-
um mánuði, í stríði sem hefur skapað
versta flóttamannavanda sem komið
hefur upp síðan þjóðarmorðin í Rú-
anda stóðu yfir árið 1994. Þetta sögðu
háttsettir embættismenn innan Sam-
einuðu þjóðanna í gær og kölluðu eftir
því að klofið öryggisráð SÞ gripi til af-
dráttarlausari aðgerða til að takast á
við afleiðingar borgarastyrjaldarinn-
ar í Sýrlandi, sem staðið hefur í 26
mánuði og kostað um 100 þúsund
manns lífið.
„Hár fjöldi drápa um þessar mund-
ir, um 5.000 á mánuði, sýnir hversu
mikið átökin hafa harðnað,“ sagði Iv-
an Simonovic, aðstoðarframkvæmda-
stjóri mannréttindamála hjá Samein-
uðu þjóðunum, á fundi um stöðu mála
í Sýrlandi.
Nærri 1,8 milljónir manna eru nú
skráðar hjá Sameinuðu þjóðunum í
löndum umhverfis Sýrland og að
meðaltali flýja um 6.000 manns landið
á dag. „Við höfum ekki horft upp á
fjölda flóttamanna stigmagnast svo
hratt síðan í þjóðarmorðunum í Rú-
anda fyrir nærri 20 árum,“ sagði Ant-
onio Gueterres, flóttamannafulltrúi
SÞ. Hann sagði ástandið í landinu
hafa varað lengur en nokkur óttaðist,
með óbærilegum afleiðingum.
Valerie Amos, framkvæmdastjóri
mannúðarmála hjá Sameinuðu þjóð-
unum, sagði að alþjóðasamfélagið
þyrfti að íhuga aðgerðir þvert á
landamæri til að koma neyðaraðstoð
til Sýrlands. Sendiherra Sýrlands við
Sameinuðu þjóðirnar, Bashar Jaafari,
sagði hins vegar að tölum SÞ yfir
látna hefði verið safnað með ófag-
mannlegum hætti.
5.000 deyja á mánuði
 Mesti flóttamannavandinn frá þjóðarmorðunum í Rúanda
AFP
Stríð Á vettvangi sprengjuárásar.
Vesturvör 32, 200 Kópavogur, Sími 564 1600 islyft@islyft.is - www.islyft.is
Vöruhúsatæki
Linde býður upp
á fjölmargar
gerðir af
vöruhúsatækjum.
Örugg og góð
þjónusta.