Morgunblaðið - Sunnudagur - 08.09.2013, Page 32

HNETU- OG KARRÍBUFF
20-25 stk.
2 meðalstórir laukar
1 rautt chillí
6 hvítlauksrif
5 cm ferskt engifer
1 msk. kókosolía
2 tsk. karrí
2 tsk. tómatkraftur (puree)
½ tsk. Himalaya- eða sjávarsalt
1 lítil kartafla
2 meðalstórar gulrætur
300 g blómkál (þyngd fyrir snyrtingu)
140 g blandaðar hnetur (kasjú-, hesli- eða
brasilíuhnetur), malaðar í matvinnsluvél
25 g kóríanderlauf, söxuð gróft
100 g spelt brauðrasp (eða spelt hrökk-
brauð)
1 egg, hrært lauslega
Aðferð
1. Hitið ofninn í 190 gráður.
2. Skrælið engifer, lauk og hvítlauk og saxið smátt.
3. Skerið chilli langsum, fræhreinsið og saxið smátt.
4. Skrælið kartöflu og gulrætur og rífið á rifjárni.
5. Rífið blómkál á rifjárni eða setjið í matvinnsluvél
(með blaði til að rífa grænmeti).
6. Hitið kókosolíuna á stórri pönnu. Bætið við vatni
ef þarf meiri vökva.
7. Steikið laukinn þangað til hann fer að mýkjast.
8. Bætið chilli, hvítlauk, karríi, tómatkrafti, salti og
engifer út í og hitið í nokkrar mínútur.
9. Bætið rifnu kartöflunni, gulrótunum og blómkál-
inu saman við og hitið í nokkrar mínútur.
10. Blandið síðan saman í stórri skál.
11. Saxið kóríanderlauf smátt.
12. Setjið hnetur og brauðsneiðar (eða
hrökkbrauð) í matvinnsluvél og blandið
í nokkrar sekúndur eða þangað til
nokkuð fínmalað. Setjið í stóru skálina
og hrærið vel.
13. Bætið eggi og kóríander saman við
og hrærið vel.
14. Mótið borgarana í höndunum (eins og
stórt vatnsglas í ummál). Gott er að hafa þá
tæplega 1 cm eða svo á þykkt.
15. Setjið bökunarpappír á bökunarplötu og raðið
borgurunum á plötuna.
16. Bakið í 30-40 mínútur. Snúið borgurunum við
eftir 25-30 mínútur og bakið áfram.
HVÍTLAUKSJÓGÚRTSÓSA
400 ml hrein jógúrt, AB mjólk eða 5% sýrður
rjómi (án gelatíns) frá Mjólku. Einnig má
nota sojajógúrt
1 tsk. Himalaya- eða sjávarsalt
1-2 hvítlauksrif, marin
¼ eða ½ tsk. svartur pipar
smávegis fersk steinselja (má sleppa)
Aðferð
1. Hrærið öllu vel saman.
2. Kælið í a.m.k. 30 mínútur.
Gott að hafa í huga
· Nota má gríska jógúrt á móti venjulegri jógúrt.
· Einnig má sleppa jógúrtinni og nota einungis 5%
sýrðan rjóma í staðinn.
KÓRÍANDER- OG PERUSALSA
meðlæti fyrir fjóra
1 límóna, safinn
1 rautt chillí
1 hvítlauksrif
2 msk. fersk kóríanderlauf
1 pera, vel þroskuð
2 avókadó, vel þroskuð
Himalaya- eða sjávarsalt og pipar að smekk
2 tsk. agave-síróp
Aðferð
1. Skerið chilli langsum og fræhreinsið. Saxið afar
smátt.
2. Saxið kóríanderlaufin smátt.
3. Afhýðið peruna og avókadó og skerið í grófa
bita.
4. Setjið avókadó og peruna í skál og stappið (ekki
samt þannig að verði alveg að mauki).
5. Skerið límónuna til helminga og kreistið safann
yfir maukið.
6. Hrærið chilli og kóríanderlauf út í skálina.
7. Hrærið agave-sírópi út í.
8. Saltið og piprið að smekk.
9. Látið salsað standa í kæli í um klukkustund.
Hnetu- og karríbuff með hvítlauksjógúrt-
sósu og kóríander- og perusalsa
32 MORGUNBLAÐIÐ SUNNUDAGUR 8.9. 2013
Matur og drykkir
B
erglind var í fæðingarorlofi með yngsta barn sitt og Sig-
urðar Friðriks Gíslasonar, matreiðslumanns, þegar elsta
barn þeirra greindist með Tourette-sjúkdóminn og fór hún
í kjölfarið að leita að náttúrulegum leiðum fyrir son sinn
og úr varð bók um heilsusamlegt mataræði. „Hann fékk mjög mikil
einkenni á stuttum tíma, mikla kæki, kvíða og skapsveiflur. Þegar
við fundum hve gríðarleg áhrif maturinn hafði fannst mér ég ein-
hvern veginn verða að segja frá þessu og deila með öðrum og
þannig varð fyrri bókin til með sögunni hans, uppskriftum og fróð-
leik,“ segir Berglind. Berglind segir það mikilvægt að hlusta á lík-
ama sinn og leggja áherslu á að maturinn sé næringarríkur.
„Margir halda að þó eitthvað hafi fáar kaloríur sé það hollt, að allt
snúist um að matur sé megrandi en ekki fitandi, en það er alls ekki
svo. Að borða hreinan mat sem eldaður er frá grunni er allra best
og reyna að bæta grænmeti meira inn er gott markmið til bættrar
heilsu. Í bókinni tala ég mikið um fæðuóþol, þar sem ég tel að
margir séu með slíkt án þess kannski að gera sér grein fyrir því.
Við erum ekki alltof dugleg við að hlusta á líkamann og bregðast
við því; velta fyrir okkur af hverju við erum með magaverk, brjóst-
sviða, hausverk eða bara exem. Við erum svolítið fljót að taka bara
verkjalyf en ekki reyna að finna út hver ástæðan er, hvað það er
sem liggur að baki, hvað líkaminn er að reyna að segja okkur“.
Bókin hennar, Heilsuréttir fjölskyldunnar, sló í gegn og nú er
önnur bók hennar um heilsurétti komin í umferð. Í bókinni má
meðal annars finna kafla um krydd og hvernig þau geta bætt heils-
una. „Ég bað einnig fimm mæður að deila sögunum af börnunum
sínum, hvernig breytt mataræði breytti lífi þeirra, og þær sögur
eru mjög áhrifaríkar og segja mikið. Fólk á oft auðveldara með að
tengja sig við reynslusögur frekar en til dæmis að lesa fræðitexta.
Reynslusögur snerta mann og þær hjálpa fólki sem er í svipaðri
stöðu og vill kannski frekar leita annarra leiða en þau hafa verið að
gera,“ segir Berglind. „En ég vil bæta því við, að þó svo
að ég sé með þennan kafla um mat og hegðun
barna og þar sé verið að tala um óþolsvanda
eins og glúten, þá er það ekki svo að bókin
sé bara fyrir þá sem eru í þessum hugleið-
ingum, hún er fyrir alla sem vilja borða holl-
an og góðan mat og þar sem ég er með fjög-
ur börn get ég sagt að maturinn
henti allri fjölskyldunni, því hér
borða allir matinn sem er í
bókinni. Ég er hlynnt því að
við borðum fjölskyldumáltíð,
að það sé ekki margrétta, þar
sem verið er að elda eitt fyrir
foreldrana og annað fyrir börnin“.
Berglind Sigmarsdóttir og Sigurður Gíslason eru höfðingar heim að sækja.
MIKILVÆGT AÐ HLUSTA Á LÍKAMANN
Matur getur
ýmsu breytt
Líflegt borðhald
enda réttirnir
litríkir og hollir.
BERGLIND SIGMARSDÓTTIR GAF Á DÖGUNUM ÚT
SÍNA AÐRA BÓK UM HEILSURÉTTI FYRIR FJÖLSKYLD-
UNA. HÚN SEGIR LÍFIÐ VERA OF STUTT TIL AÐ
BORÐA ÓSPENNANDI MAT OG GEFUR ÞAÐ MANNI
TVÖFALDA ÁNÆGJU EF MATURINN ER HOLLUR OG
BRAGÐGÓÐUR.
Gunnþórunn Jónsdóttir gunnthorunn@mbl.is