Morgunblaðið - 30.11.2013, Blaðsíða 40

REYKJAVÍK
DAGA
HRINGFERÐ
40
MORGUNBLAÐIÐ LAUGARDAGUR 30. NÓVEMBER 2013
Sigurður Bogi Sævarsson
sbs@mbl.is
„Breiðholtið er fjölmenningarsam-
félag og það skapar tækifæri.
Hverfið er suðupottur allskonar
stefna og strauma þar sem ólík við-
horf og stefnur mætast. Útkoma úr
slíku er alltaf áhugaverð. Hér er
fólk af ýmsu þjóðerni og í raun er
þetta ekki ólíkt því sem var á upp-
vaxtarárum mínum hér, nema hvað
þá voru krakkar utan af landi í að-
alhlutverki. Þau höfðu – rétt eins
og útlendingar nú – ólíkan bak-
grunn og því fylgdi margt
skemmtilegt,“ segir Óskar Dýr-
mundur Ólafsson, hverfisstjóri í
Breiðholti.
Útlendingar
taka virkan þátt
Á síðustu árum hafa borgaryf-
irvöld í nokkrum mæli beint sjón-
um sínum að Breiðholti. Starfsemi
þjónustumiðstöðvar hverfisins í
Mjóddinni er öflug. Þar eru veittar
upplýsingar og þjónusta varðandi
starfsemi stofnana borgarinnar í
hverfinu. Starfsfólk miðstöðv-
arinnar hefur einnig með höndum
að virkja íbúa til þátttöku í fé-
lagslegu starfi, þannig að allir geti
notið sín í lífi og leik sem aftur
skilar sér til samfélagsins alls. Að
þetta gangi eftir er hlutverk hverf-
isstjórans og hans fólks.
„Nýlega héldum við Breið-
holtsdaga með ýmsum menningar-
viðburðum og uppákomum. Þátt-
takan var góð og sérstaklega
fannst mér ánægjulegt hvað út-
lendingarnir tóku virkan þátt, til
dæmis á markaði í Gerðubergi þar
sem fólk seldi handverk og ýmsa
nytjamuni,“ segir Óskar Dýr-
mundur.
Hverfið er hagkvæm stærð
Breiðhyltingar eru í dag um
20.700 en voru 22.233 árið 1998.
Hverfið skiptist í þrennt; það er
Seljahverfi og svo Neðra og Efra
Breiðholt. Það síðastnefnda er fjöl-
mennasta byggðin – en þar búa nú
um 8.700 manns.
„Þegar best lét í kringum 1980
voru Breiðhyltingar um 30.000, svo
fækkun íbúa fram til dagsins í dag
er mjög mikil. Breytingarnar sem
af þessu leiða koma víða fram.
Fyrir um þrjátíu árum voru 1.300
nemendur í Fellaskóla en í dag eru
þeir aðeins um 300. Þá er fólk af
erlendu bergi brotið mjög stór hóp-
ur til dæmis í Fellunum og um
75% nemenda á leikskólunum þar
eru útlendingar. Þetta gjörbreytir
samfélaginu og því þarf að bregð-
ast við á ýmsa vegu. Hjá borginni
hafa menn svo litið á að 20.000
manns séu mjög hentug stærð
hvað varðar alla þjónustu enda höf-
um við stillt starf okkar þannig að
það er markvisst og gengur greitt
fyrir sig,“ segir Óskar.
Nýir íbúar fá bréf
Hjá Þjónustumiðstöð Breið-
holts tíðkast að tvisvar á ári eru
send bréf til fólks sem flutt hefur í
hverfið mánuðina á undan og það
boðið velkomið.
„Við fáum útprentun úr þjóð-
skrá og fylgjumst með hverjir eru
nýir. Ég byrjaði með þetta fyrir
tveimur árum eða svo og í stuttu
bréfi er tíundað hver þjónusta
borgarinnar hér sé, það er skólar,
sundlaug, íþróttaaðstaða, menning-
armiðstöð, félagsstaða fyrir aldraða
og fleira. Fólk er þarna minnt á
réttindi sín en líka skyldurnar, það
er að við eigum eftir megni að
blanda okkur í leikinn og taka þátt
í honum. Og þetta starf er mjög
fjölbreytt, núna erum við til dæmis
að fara af stað með frum-
kvöðlasetur fyrir fólk sem vill bæta
sig í tölvu- og tæknigreinum og þar
munum við fá til dæmis fyrirtæki
eins og CCP og Nýherja til liðs við
okkur,“ segir Óskar og bætði við:
„Nei, í bréfunum höfum við
ekki tilgreint hvaða fyrirtæki eru
hér. Fólk finnur út úr slíku sjálft
en það er góð mannlífsflóra í þjón-
ustukjörnum s.s. við Hólagarð og í
Mjóddinni, en á síðarnefnda staðn-
um vinna um 800 manns.“
Uppbygging í Neðra Breið-
holti hófst í kringum 1965 þegar
þar voru reist fjölbýlishús með
litlum og ódýrum íbúðum. Fella- og
Hólahverfið var að mestu byggt
milli 1970 og 1980 og síðast kom
Seljahverfið.
Íþróttir og orgelhátíð
„Það er þekkt að hverfi end-
urnýjast oft á 30 ár fresti eða svo.
Ungt fólk stofnar heimili á þrítugs-
aldri og heldur sig gjarnan í sama
hverfi þar til börnin eru komin á
legg og þau kannski flutt annað.
Um sextugsaldurinn vill eldra fólk-
ið kannski minnka við sig í hús-
næði og börnin, þá sjálf orðin for-
eldrar, flytja aftur heim á fornar
slóðir. Þetta er einmitt að gerast í
nokkrum mæli í Breiðholtinu í dag,
íbúum er að fjölga. Nemendum í
skólunum fjölgar, en hér eru alls
tólf leikskólar og 2.400 nemendur
eru í grunnskólunum sex,“ segir
Óskar Dýrmundur sem leggur
áherslu á að borgin eigi fyrst og
síðasta að vera bakhjarl góðra
verkefna og aðstoða við að ýta
þeim úr vör.
„Hér eru margt skemmtilegt
að gerast. Menningarstarfið í
Gerðubergi er mjög líflegt, Leikn-
ismenn í Breiðholtinu eru öflugir í
fótboltanum og starfsemi ÍR er
sömuleiðis mjög lífleg – og nær til
alls hverfisins. Þá eigum við gott
samstarf við söfnuðina hér – það er
fólk sem starfar í Breiðholts-,
Fella- og Hóla- og Seljakirkju.
Þannig tóku kirkjurnar þátt í
Breiðholtsdögum og í mars verður
tónlistarhátíð með orgeltónleikum í
öllum kirkjum hverfisins. Svona
gæti ég haldið áfram en allt þetta
segir okkur að Breiðholtið blómstr-
ar.“
Breiðholtið
endurnýjast
 Íbúum fjölgar aftur eftir mikla
fækkun  Gjörbreytt með útlending-
um  Eigum að blanda okkur í leikinn
Í hnotskurn
» Breiðholtsbúar í dag eru
um 21 þúsund en voru um 30
þúsund á uppbyggingarár-
unum um 1980
» Um 75% nemenda sumra
leikskóla í hverfinu eru af er-
lendu bergi brotnir
» Góð þáttttaka í Breið-
holtsdögum, ekki síst meðal
útlendinga í hverfinu.
» Hlutverk borgarinnar að
ýta góðum málum úr vör.
» Eigum réttindi en höfum
líka skyldur
Morgunblaðið/Golli
Sprettur Ungir sem eldri tóku þátt í skemmtilegum reiðhjóladegi sem haldinn var í Breiðholtinu í sumar.
Morgunblaðið/Rósa Braga
Hverfisstjóri Fólk af ýmsu þjóðerni og í raun er þetta ekki ólíkt því sem var
á uppvaxtarárum mínum hér, segir Óskar Dýrmundur Ólafsson.
Sigurður Bogi Sævarsson
sbs@mbl.is
„Breiðholtið sem einu sinni var útnári er hin
nýja miðja höfuðborgarsvæðisins. Héðan er
maður fljótur að aka niður í bæ og sjálfur
vinn ég í Mosfellsbæ og þangað er fljótfarið.
Hverfið liggur vel við öllum leiðum út úr
borginni og hér innansveitar búum við að því
hve menn voru framsýnir þegar hverfið var
skipulagt og þá með þarfir fjölskyldufólks í
huga,“ segir Helgi Kristófersson, formaður
íbúasamtakanna Betra Breiðholts.
Samráð skortir í stærri málum
Íbúasamtökin voru stofnuð árið 2006 og
hefur Helgi verið í forystu þeirra frá upp-
hafi. „Þetta er svo sem ekki mjög formlegur
félagsskapur þó að við höfum stjórn og
ákveðið skipulag á starfinu, sem hefur það
inntak að vinna að framfaramálum,“ út-
skýrir Helgi.
„Borgaryfirvöld hafa
yfirleitt komið vel til móts
við óskir Breiðholtsbúa
varðandi úrbótamál hér.
Flest minniháttar mál eru
leyst bæði fljótt og vel.
Það er helst í stærri og
veigameiri málum sem
skortir samráð við íbúana.
Þegar nýtt aðalskipulag
var í vinnslu á dögunum
komum við með at-
hugasemdir við margt og rákum við til dæm-
is augun í að fyrirhuguð brú yfir Breiðholts-
brautina á móts við Select í Æsufelli hafði
verið tekin út af skipulagi. Þau Dag B. Egg-
ertsson og Björk Vilhelmsdóttur borgarfull-
trúa rak í vörðurnar þegar við spurðum út í
þetta og svo fór að þessu var breytt vona ég,“
segir Helgi, sem telur brýnt að brúin sé á
skipulagi. Hún verði líka á sinn hátt táknræn,
því Breiðholtið sé á margan hátt sem þrjár
eyjar, það er Bakkar, Fella- og Hólahverfi og
svo Seljahverfi. Þessar eyjar séu um margt
ólíkar hvað varði t.d. byggingastíl og íbúa-
samsetningu.
Önnur hverfi vega þyngra
Helgi hefur búið í Breiðholti í 35 ár.
„Fjölskyldan fann sig strax hérna. Það fólst
mikið t.d. öryggi í því krakkarnir þyrftu
aldrei að fara yfir götu á leið í skólann,“ seg-
ir Helgi. Hann vísar þarna til Breiðholtsskóla
sem var byggður um 1970 – og var á sínum
tíma einn fjölmennasti skóli landsins. Síðan
hafi börnunum þar örlítið fækkað sem eigi ef
til vill sinn þátt í því að skólinn hafi orðið af-
gangsstærð og mál þar látin sitja á hakanum.
„Breiðholtið er besta hverfið í Reykjavík
og fer alltaf batnandi með samstöðu íbúanna
en vandamálið er kannski að of margir borg-
arfulltrúar búa í póstnúmeri 101 og nágrenni
– því áhugi þeirra á hverfinu mætti vera
meiri,“ segir Helgi.
Breiðholtið er þrjá eyjar, segir formaður íbúasamtakanna
Morgunblaðið/Rósa Braga
Fjölbýli Langavitleysa er þessi blokk
stundum kölluð, sem tilheyrir Fanna-,
Gyðu- og Iðufelli í Breiðholti.
Hverfið batnar með samstöðu íbúanna
Helgi
Kristófersson