Morgunblaðið - 16.12.2013, Blaðsíða 2
2 FRÉTTIRInnlent
MORGUNBLAÐIÐ MÁNUDAGUR 16. DESEMBER 2013
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Einar Falur Ingólfsson menning@mbl.is Íþróttir
Víðir Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Grunur leikur á að maður hafi fall-
ið fyrir borð af erlendu flutninga-
skipi sem var að koma til hafnar á
Reyðarfirði í gær. Skipið var um
4,5 sjómílur út frá mynni Reyðar-
fjarðar í gær þegar ljóst varð að
maðurinn var ekki um borð. Skv.
upplýsingum Landhelgisgæslunnar
barst aðstoðarbeiðni kl. 18.25 frá
flutningaskipinu Alexia sem var þá
að koma inn til hafnar á Reyðar-
firði. Hafði uppgötvast að skipverja
væri saknað. Björgunarskip Lands-
bjargar á svæðinu voru samstundis
kölluð út til leitar og voru nærstödd
skip líka beðin um að taka þátt í
leitinni. Mjög slæmt veður var á
leitarsvæðinu en það er stórt. Leit-
in hafði ekki borið árangur í gær-
kvöldi og var ákveðið í samráði við
lögreglu og Landsbjörg að fresta
leitinni til morguns.
Skipverja af erlendu flutningaskipi saknað
Lögreglunni á Vestfjörðum var til-
kynnt að kynferðisbrot hefði átt sér
stað í heimahúsi á Ísafirði seint að-
faranótt laugardags. Ung kona var
flutt á Heilbrigðisstofnun Vestfjarða
á Ísafirði til skoðunar og aðhlynn-
ingar.
Fimm voru handteknir í kjölfarið
en var öllum sleppt eftir yfirheyrslur
tæpum sólarhring eftir að þeir höfðu
verið teknir höndum, en ekki er
heimilt að halda mönnum lengur án
þess að leiða þá fyrir dómara. Lög-
reglan á Vestfjörðum nýtur aðstoðar
tæknideildar lögreglunnar á höfuð-
borgarsvæðinu við rannsókn máls-
ins. Tveir hinna handteknu voru í há-
deginu í gær úrskurðaðir í farbann
til 17. febrúar á næsta ári. Mennirnir
eru allir erlendir ríkisborgarar.
Kynferðisafbrot
til rannsóknar
Tveir menn í farbanni til 17. febrúar
Aðeins um fjórðungur eða fimmt-
ungur þeirra minkaskinna sem boð-
in voru til sölu á loðskinnauppboði
Kopenhagen Fur í gær seldist og
verðið lækkaði um 20-26%. Verð-
lækkunin kom ekki á óvart.
Verð á minkaskinnum hefur
hækkað ört síðustu ár og það náði
sögulegu hámarki á síðasta uppboði
síðasta sölutímabils, meðal annars
vegna kulda í Kína. Veturinn hefur
verið hlýrri í vetur og víða eru til
birgðir. Því var reiknað með lækkun.
Björn Halldórsson, formaður Sam-
bands íslenskra loðdýrabænda, seg-
ist raunar lengi hafa vitað að þetta
háa verð gæti ekki haldist til lang-
frama og því kæmi að lækkun.
Áfram í góðum málum
Fyrsta uppboð nýs sölutímabils
sem hófst í Kaupmannahöfn í gær
einkenndist af því að langt var á milli
kaupenda og seljenda. Meirihluti
framboðinna skinna var dreginn til
baka þegar ekki fengust viðunandi
boð. Niðurstaðan var 20-26% verð-
lækkun.
Ekki er vitað hversu mörg skinn
frá Íslandi voru boðin til sölu. Björn
segir að þetta fyrsta uppboð vegi
ekki þungt. „Mér finnst ekki ástæða
til að hafa áhyggjur af áhrifunum á
bændur á Íslandi. Við erum búnir að
búast lengi við verðlækkun og höf-
um reynt að búa okkur undir hana,“
segir hann og getur þess að ástandið
kunni að vera verra í löndum sem
fengið hafa lægra meðalverð. Þá
segir hann að málin muni skýrast
betur á uppboðum síðar í vetur.
helgi@mbl.is
Aðeins þriðjungur
minkaskinna seldist
Loðskinnauppboð Verð á minkaskinnum hefur hækkað ört og náði sögu-
legu hámarki á síðasta uppboði síðasta sölutímabils m.a. vegna kulda í Kína.
Verðlækkun á fyrsta skinnauppboði vetrarins
Björn Már Ólafsson
bmo@mbl.is
Norska veðursíðan yr.no hefur nú birt langtímaspá sína
fyrir veðrið á aðfangadag. Samkvæmt henni má búast
við hvítum jólum bæði á höfuðborgarsvæðinu, á Norður-
landi og víðar. Gert er ráð fyrir að hiti haldist stöðugur
undir frostmarki og komi úrkoma verði hún annaðhvort í
formi éljagangs eða snjókomu. Á Akureyri er spáð allt
frá þriggja stiga frosti niður í ellefu stig fram að jólum,
en örlítið hlýrra á höfuðborgarsvæðinu. Akureyringar
virðast einnig sleppa við vindinn sem gæti náð 17 metr-
um á sekúndu í Reykjavík stuttu fyrir jól.
Svipað veður og hefur verið undanfarið
Einar Sveinbjörnsson veðurfræðingur segir erfitt að
spá um það á þessum tíma hvernig veðrið verður á að-
fangadag. „Það er hins vegar óhætt að segja að það er
mikill gauragangur á Atlantshafinu þar sem verða til
djúpar, krappar lægðir sem fara hratt framhjá okkur.
Það er hægt að telja einar fimm lægðir sem munu fara
framhjá okkur fram að jólum. Það er því útlit fyrir að
það verði órólegt, töluverður vindur og heldur kalt veð-
ur.“ Einar segir að ef úrkoma verði á næstunni muni hún
falla sem snjókoma eða éljagangur. „Við sjáum ekki fyrir
neina meiriháttar hlákublota eða slíkt. Sú veðurstaða
sem er nú virðist ætla að haldast fram að jólum.“
Líkur á hvítum jólum í ár
Fyrir flestum er snjórinn óaðskiljanlegur hluti af jóla-
stemningunni enda veitir snjórinn aukna birtu í skamm-
deginu og tækifæri til þess að renna sér á sleðum og
skíðum. Á vef Veðurstofu Íslands má nálgast sögulegar
upplýsingar um snjóhulu í Reykjavík á aðfangadag frá
árinu 1921 þegar snjódýptarmælingar hófust, til ársins
2008. Ef skoðað er tímabilið frá árunum 1921-2008 sést
að Reykvíkingar hafa þurft að sætta sig við rauð jól í 33
skipti. Árið 1982 mældist mesta snjódýptin, eða 29 cm.
Mestur var snjórinn á árunum frá 1979 til 1982 og síðan
frá 1990 til 1995. Versta tímabilið var á eftirstríðs-
árunum en á tímabilinu frá 1945 til 1953 voru aðeins ein
jól þar sem jörðin var alhvít.
Morgunblaðið/Árni Sæberg
Fokker Tvær vélar bíða í snjókomu á Reykjavíkurflugvelli á meðan snjóruðningstæki hreinsa flugbrautina.
Líkur á hvítum jólum
Djúpar lægðir í sjónmáli Úrkoma á næstunni fellur lík-
lega sem éljagangur eða snjókoma Hiti undir frostmarki
Níu lyftur voru opnar í Blá-
fjöllum í gær og frábært
færi var. Að auki var þriggja
kílómetra skíðagönguleið
opin. Þá voru einnig opin
skíðasvæði í Tungudal, í
Skagafirði og skíðasvæðið í
Hlíðarfjalli á Akureyri.
Spáð er áframhaldandi
frosti víðast hvar á landinu
næstu daga.
Víða opin skíðasvæði
um allt land
FRÁBÆRT SKÍÐAFÆRI
Ekki eru lengur taldar líkur á að
jarðgas sé að finna í Skjálfandaflóa.
Orkustofnun hefur fengið niður-
stöður úr greiningum sem gerðar
voru á kjarnasýnum úr borunum í
haust. Niðurstöðurnar voru skýrar,
engin ummerki um jarðgas eða jarð-
olíu fundust.
Orkustofnun stefnir að því að
snúa sér næst að Öxarfirði en þar
hefur verið sýnt fram á tilvist hita-
ummyndaðs gass. Tilgangurinn er
að áætla mögulegt hámarksflatar-
mál auðlindarinnar. Ljóst er þó að
það er mun minna svæði en hefði
verið undir ef jarðgas hefði einnig
fundist í Skjálfandaflóa. Guðni A.
Jóhannesson orkumálastjóri vonast
til að hægt verði að huga að því verk-
efni á næsta ári, að minnsta kosti
með því að skipuleggja mælingar.
Sýnum úr setinu í Skjálfandaflóa
var safnað með borunum á þremur
svæðum í haust. Hluti þeirra var
sendur til greiningar á rannsókn-
arstofu í Noregi. Staðfest var að gas
væri í einu setinu en það reyndist
vera metangas en ekki jarðgas.
Verið er að kanna nánar hvort
uppstreymi jarðhitavatns eða
grunnvatns hafi gert holurnar sem
taldar voru eftir gas. helgi@mbl.is
Ekkert jarðgas
á Skjálfanda
Húsavík Ekki eru taldar líkur á að
jarðgas sé að finna í Skjálfandaflóa.
Auðlindin í Öxarfirði könnuð nánar