Morgunblaðið - 16.12.2013, Blaðsíða 35
MENNING 35
MORGUNBLAÐIÐ MÁNUDAGUR 16. DESEMBER 2013
Machete Kills er grín-mynd fyrst og fremst.Það er enginn að faraað sjá stórkostlegan
leik eða epíska kvikmyndatöku eða
eitthvað slíkt í þessari mynd. Hér
er ekki verið að spila á fiðlu og
reyna á eitthvert tilfinningaklám.
Þetta er dýr B-mynd og er mögn-
uð skemmtun þó hún sé mun verri
en fyrri myndin. Mynd númer eitt
var snilld en þessi mynd nær aldr-
ei flugi þrátt fyrir bullið og vit-
leysuna.
Þetta er semsagt framhald af
hinni stórkostlegu Machete og
segir frá manninum sem öll eitur-
lyfjasamtök Mexíkó óttast, Mac-
hete. Vopn hans er sveðja, þaðan
kemur nafnið. Söguþráðurinn er
eins og í góðri B-mynd, bara þráð-
ur og þunnur er hann í þessari.
Úff. Þetta hefst allt á því að Mac-
hete og félagi hans koma í veg fyr-
ir að herinn selji eiturlyfja-
samtökum vopn. Félaginn deyr í
aðgerðinni og Machete er hand-
tekinn af rasistalögreglustjóra.
Hann ætlar að hengja Machete en
gerir sér ekki grein fyrir að Mac-
hete deyr ekki. Sko aldrei. Hann
hefur verið skotinn og skorinn og
hengdur og laminn en aldrei deyr
hann. Jæja, í miðri hengingunni
hringir rauði síminn og það er for-
seti Bandaríkjanna á línunni og
skipar lögreglustjóranum að skera
Machete niður.
Forsetinn kallar Machete á sinn
fund, veitir honum ríkisborg-
ararétt og sendir hann af stað til
að ná í brjálæðing sem miðar
sprengju á Washington. Þar með
hefst hasarinn.
Það er mexíkanskt þema í þess-
ari mynd og þannig er Charlie
Sheen orðinn Carlos Estevez en
hann leikur forseta Bandaríkj-
anna. Línurnar sem Charlie eða
Carlos fer með í þessari mynd eru
algjörlega stórkostlegar. Sá sem
ritaði þær hlýtur að vera einnig að
skrifa fyrir Bold and the Beauti-
ful.
Í fyrri myndinni var farið yfir
strikið í drápum. Þá gat Machete
afhausað fimm eða sex í einu.
Hann fékk varla högg á sig. Nú
var hann laminn í klessu, ekki einu
sinni heldur oft. Ótrúlegu hlutirnir
voru líka eitthvað skrýtnir í þess-
ari mynd. Machete sest á téða
sprengju og aftengir hana að sjálf-
sögðu. Sprengjan hefur verið á
flugi í rúma mínútu og þegar hann
nær að gera hana óvirka hrapar
hann rúma fjóra metra niður í
vatn þar sem Bandaríkjaforseti
tekur á móti honum! Þetta atriði
hefði verið mun betra hefði það
verið í fyrri myndinni.
Hér verður ekki farið í leiksigra
eða annað. Þetta er ekki þannig
mynd. Hinsvegar skila allir leik-
ararnir sínu, sérstaklega Mel Gib-
son. Hann tekur sig vel út á hvíta
tjaldinu. Það er hins vegar „Ég er
að drífa mig og ég nenni ekki“-
stimpillinn á henni sem fer í taug-
arnar á mér. Og mér finnst svona
myndir yfirleitt frábærar. Það var
samt eitthvað sem var ekki nógu
gott en fyndin var hún og svo lofa
þeir þriðju myndinni. Machete
kills again ... In space. Þar er
Danny Trejo með geislasveðju.
Spennið beltin fyrir þá vitleysu.
Hún verður frábær.
B-mynd „Þetta er dýr B-mynd og er mögnuð skemmtun þó hún sé mun verri en fyrri myndin,“ segir m.a. um
Machete Kills. Hér sést Machete (Danny Trejo) á tali við forseta Bandaríkjanna og síminn að sjálfsögðu rauður.
Bull og vitleysa en samt svo skemmtilegt
Sambíóin
Machete Kills bbbnn
Leikstjórn: Robert Rodriguez. Handrit:
Robert Rodriguez. Aðalhlutverk: Danny
Trejo, Michelle Rodriguez, Sofía Verg-
ara, Charlie Sheen, William Sadler, Lady
Gaga. Bandaríkin, 2013. 108 mín.
BENEDIKT
BÓAS
KVIKMYNDIR
Sjá sölustaði á istex.is
Gefðu hlýja jólagjöf
Ábreiða úr hinni einstöku íslensku ull gerir hverja stund hlýja og notalega...